កម្មកររោងចក្រ អ៊ីដា អ៊ីនធើរ ប្រាយជាង១០នាក់
ធុំក្លិនអាក្រក់ដួលសន្លប់
រាជធានីភ្នំពេញ ៖ កម្មកររោងចក្រកាត់ដេរអ៊ីដា អ៊ីនធើរប្រាយ ប្រហែល១៥នាក់បាន ដួលសន្លប់បន្ទាប់ពីត្រូវគេអះអាងថា មានក្លិនជ្រលក់អំបោះជះចំហាយចេញពីរោងចក្រវៃជា ប៉ាក ខូអិលធីឌី ដែលហេតុការណ៍នេះ កើតឡើងកាលពីវេលាម៉ោង១២និង៣០នាទីរសៀលថ្ងៃទី២៧ កក្កដា ២០១១ ស្ថិតក្នុងភូមិដើមដូង សង្កាត់ទឹកថ្លា ខណ្ឌសែនសុខ ហើយត្រូវបានគេបញ្ជូនទៅព្យាបាលនៅ តាមគ្លីនិកឯកជន និងមន្ទីរពេទ្យរដ្ឋ។
យោងតាមប្រភពព័ត៌មានពីសមត្ថកិច្ចបានឱ្យដឹងថា កាលពីវេលាម៉ោង១២និង៣០នាទី កម្មកររោងចក្រអ៊ីដាអ៊ីនធើរប្រាយបានហូបបាយរួច ក៏នាំគ្នាចូលធ្វើការស្រាប់តែមានក្លិនសាយភាយចេញពីរោងចក្រជាប់គ្នានេះគឺក្លិនជ្រលក់អំបោះរបស់រោងចក្រវៃជា ប៉ាកខូលអិលធីឌី បង្កឱ្យកម្មកររោងចក្រប្រហែល១៥នាក់ដួលសន្លប់បន្តបន្ទាប់គ្នាត្រូវបានបញ្ចូនទៅសង្គ្រោះបន្ទាន់នៅតាមមន្ទីរពេទ្យផ្សេងៗ។ កម្មកររបស់រោងចក្រអ៊ីដាអ៊ីនធើរប្រាយ ខូអិលធីឌី ម្នាក់បាននិយាយឱ្យដឹងថា កាលពីវេលាម៉ោង១២ថ្ងៃត្រង់ ពួកគាត់ត្រូវបានសម្រាកនាំគ្នាចេញទៅហូបបាយ ដល់ ម៉ោង១២និង៣០នាទីក៏នាំគ្នាចូលធ្វើការវិញ ស្រាប់តែមានក្លិនអ្វីម្យ៉ាង ស្អុយចេញពីរោងចក្រជាប់នោះ ក៏បណ្តាលឱ្យ កម្មករប្រហែល ១៥នាក់ដួលសន្លប់ជាបន្ត បន្ទាប់។ ឃើញដូចនេះរូបគាត់ក៏នាំគ្នាចេញពីរោងចក្រយ៉ាងប្រញាប់ព្រោះខ្លាចដួលសន្លប់ដូចកម្មករទាំងនោះ។
ចំណែកមេការខាងរោងចក្រកាត់ដេរវៃជាប៉ាកវិញ បានច្រានចោលការចោទប្រកាន់របស់អ្នកដួលសន្លប់ទាំងនោះថា រោងចក្ររបស់ខ្លួនវៃជាប៉ាក មិនមានក្លិនអាក្រក់ដូច្នោះទេ កម្មករក្នុងរោងចក្រ ធ្វើការធម្មតា ហេតុម៉េចក៏មិនមានបញ្ហា?
ពីគេហទំព័រ៖ កោះសន្តិភាព
No comments:
Post a Comment
yes