មន្រ្តីអ្នកនាំពាក្យគណបក្សប្រឆាំង សម រង្ស៊ី
គ្មានជំនឿការប្រកាសដោះស្រាយបញ្ហា
ដីសម្បទានសេដ្ឋកិច្ចរបស់លោក ហ៊ុន សែន
មន្រ្តីជាអ្នកនាំពាក្យរបស់គណបក្ស សម រង្ស៊ី បានសម្តែងការមិនជឿទុកចិត្ត ទៅលើចំ ណាត់ការរបស់ប្រមុខដឹកនាំប្រទេសកម្ពុជា ដែលបានប្រកាសព្រមានដកដីសម្បទាន សេដ្ឋកិច្ចពីក្រុមហ៊ុនឯកជន បើមិនមានការដោះស្រាយជាមួយពលរដ្ឋទេនោះ។
ការលើកឡើងរបស់គណបក្ស សម រង្ស៊ី ធ្វើឡើងនៅក្រោយពី មានសេចក្តីប្រកាស ព័ត៌មានរបស់ទីស្តីការគណៈរដ្ឋមន្រ្តី កាលពីថ្ងៃសុក្រ ចុងសប្តាហ៌មុន ដោយបានស្រង់ សំដីលោកនាយករដ្ឋមន្រ្តី ហ៊ុន សែន ថានឹងដកហូតដីសម្បទានសេដ្ឋកិច្ចទាំងអស់ របស់ក្រុមហ៊ុនឯក
ជនមួយចំនួន បើនៅតែបន្តមិនដោះស្រាយផ្តល់យុត្តិធម៌ជូនពលរដ្ឋរងគ្រោះ។
ដែលនេះត្រូវបានមន្រ្តីជាអ្នកនាំពាក្យរបស់គណបក្ស សម រង្ស៊ី អះអាង ដោយមិនមាន ជំនឿ ទៅលើការលើកឡើងរបស់ប្រមុខដឹកនាំកម្ពុជានោះទេ ។ លោក យឹម សុវណ្ណ អះអាងថា ការ
ប្រកាសនេះគឺគ្រាន់តែជាការបំភណ្ឌភ្នែកពលរដ្ឋរងគ្រោះព្រោះដីសម្បទានតែប៉ុណ្ណោះ នៅ
ខណៈដែលដីពលរដ្ឋរាប់លាន រាប់សែន ហិកតានៅក្នុងប្រទេសកម្ពុជា ត្រូវបានមន្រ្តីខិលខូច និងក្រុមហ៊ុនឯកជនដកហូតយក ធ្វើអោយពលរដ្ឋយំស្រែកជាបន្តបន្ទាប់ជាច្រើនឆ្នាំមកហើយនោះ។
លោកថាចំណាត់ការរបស់រដ្ឋាភិបាលកន្លងមក គឺដកហូតយកតែដីទាំងឡាយណា ដែលឈ្មួញបានកាប់ឈើអស់ទៅហើយ ហើយចំណែកដីបំរើប្រយោជន៌អោយកសិកម្មរបស់ពលរដ្ឋ មិនត្រូវបានរដ្ឋាភិបាល ដោះស្រាយរកយុត្តិធម៌ ផ្តល់ដីទាំងនោះទៅអោយពលរដ្ឋវិញឡើយ។
ការផ្តល់សម្បទានដីរបស់រដ្ឋាភិបាលកាលពីកន្លងមកត្រូវរងការរិះថា មិនបានបំរើ ប្រយោជន៌សេដ្ឋកិច្ចគ្រួសារពលរដ្ឋក្រីក្រនោះទេ ក្រៅតែបំរើទៅអោយមន្រ្តីមានអំណាច ឈ្មួញទុច្ចរិត គឺពលរដ្ឋទាំងនោះត្រូវរងគ្រោះបាត់ដីបាត់ស្រែជាបន្តបន្ទាប់ ដែលបញ្ហា នេះបានធ្វើអោយពលរដ្ឋអស់ជំនឿទៅលើយុទ្ឋសាស្រ្តដឹកនាំរបស់ដ្ឋាភិបាលបច្ចុប្បន្ន។
ជាក់ស្តែងការផ្តល់ដីសម្បទានសេដ្ឋកិច្ចចំនួន ៩០០០ហិក ទៅអោយក្រុមស្កសរភ្នំ ពេញរបស់លោក ឧកញ៉ា លី យ៉ុងផាត់ នៅក្នុងស្រុកថ្ពងខេត្តកំពង់ស្ពឺ បានបង្ករអោយប៉ះពាល់ទៅដីពលរដ្ឋច្រើនរយគ្រួសារ ហើយមិនបានដោះស្រាយដល់ពួកគាត់ទៅតាមផ្លួវច្បាប់នោះឡើយ ទើបបង្ករជាការតវ៉ាដ៌ស្រួចស្រាវជាបន្តបន្ទាប់មក។
រហូតមកទល់ពេលនេះមានពលរដ្ឋប្រមាណជាជាង ២៥ម៉ឺនគ្រួសារហើយ ដែលរងគ្រោះ ដោយសារការរំលោភយកដីធ្លីនៅក្នុងប្រទេសកម្ពុជា តាមរយះនៃការផ្តល់ដីសម្បទានទៅអោយក្រុមហ៊ុនឯកជន ពីសំណាក់រដ្ឋាភិបាលបច្ចុប្បន្ន៕
No comments:
Post a Comment
yes