Monday, September 19, 2011
អ្នកលក់មាសផ្សារអន្លង់វែងម្នាក់ត្រូវក្រុមចោរប្លន់ប្រដាប់អាវុធតាមមកបាញ់យកទ្រព្យសម្បតិ្តដល់ខាងមុខផ្ទះ
អ្នកលក់មាសនៅផ្សារអន្លង់វែងមា្នក់រងរបួសយ៉ាងធ្ងន់ធ្ងរដោយសារក្រុមចោរប្លន់ប្រដាប់អាវុធតាមមកបាញ់យកទ្រព្យសម្បត្តិដល់ខាងមុខផ្ទះខណៈពេលជនរងគ្រោះបានវិលមកពីលក់មាសនៅផ្សារអន្លង់វែងនោះ។
ហេតុការណ៍នេះបានកើតឡើងកាលពីវេលាម៉ោង៥និង៣០នាទីរសៀលថ្ងៃទី១៨ខែកញ្ញាឆ្នាំ២០១១នៅចំណុចខាងមុខផ្ទះជនរងគ្រោះនៅក្នុងភូមិថ្នល់កែង ឃុំអន្លង់វែង ស្រុកអន្លង់វែង ខេត្តឧត្តរមានជ័យ។
សាក្សីដែលបានឃើញហេតុការណ៍ផ្ទាល់ភ្នែកបានអោយដឹងថានៅមុនពេលកើតហេតុគាត់បានឃើញជនរងគ្រោះទាំង២នាក់ប្ដីប្រពន្ធបានវិលមកពីលក់មាសនៅផ្សារអន្លង់វែងបានឈប់នៅខាងមុខផ្ទះមិនទាន់ទាំងចុះពីលើម៉ូតូផងក៏ស្រាប់តែឃើញម៉ូតូម៉ាកវេវមួយគ្រឿងទៀតបានឈប់ជិតគ្នាមានចំនួន៣នាក់ស្លៀកពាក់ស៊ីវិលបានយកកាំភ្លើងអាកាបត់ចំនួន២ដើមបាញ់ទៅលើជនរងគ្រោះជាប្ដីចំនួន២គ្រាប់បណ្ដាលអោយដួលនៅកន្លែងតែម្ដងរួចបានទាញយកកាបូបពីជនរងគ្រោះបើកទៅទិសខាងកើតយ៉ាងលឿនបាត់ទៅ។
មួយសន្ទុះក្រោយមកក៏បានឃើញសមត្ថកិច្ចប៉ូលិសនិងកងរាជអាវុធហត្ថស្រុកក៏បានចុះមកពិនិត្យកន្លែងកើតហេតុផងដែរ។សមត្ថកិច្ចស្រុកបានអោយកម្ពុជាថ្មីដឹងថាជនរងគ្រោះមានឈ្មោះ សៀល ថា ភេទប្រុសអាយុ៣០ឆ្នាំរស់នៅភូមិឃុំកើតហេតុមុខរបរជាអ្នកលក់មាសត្រូវជាប្ដីចំណែកប្រពន្ធឈ្មោះ ហ៊ន ម៉ាឡៃ អាយុ២១ឆ្នាំ។ ទ្រព្យសម្បត្តិដែលក្រុមចោរប្លន់បានមានលុយខ្មែរចំនួន៥លានរៀលនិងលុយដុល្លារចំនួន៣៥០ដុល្លារនិងមាសប្លាទីនចំនួន៣២ដំឡឹងទៀតផង៕
ពីគេហទំព័រ៖ កម្ពុជាថ្មី
Subscribe to:
Post Comments (Atom)
No comments:
Post a Comment
yes