យុវជនម្នាក់ត្រូវបានរថយន្តកុងតឺន័រ ក្រុមហ៊ុនសូងួនកិនបែកក្បាលធ្លាយខួរស្លាប់ភ្លាមមួយរំពេចនិងម្នាក់ទៀតរងរបួសធ្ងន់ធ្ងរបាក់ដៃស្តាំបន្ទាប់ពី ជិះម៉ូតូបុកជាមួយរថយន្តខាងលើហើយអ្នកបើកបររថយន្តបានរត់គេចខ្លួនបាត់។
ហេតុការណ៍នេះកើតឡើងកាលពីវេលាម៉ោង១៣និង៣០នាទីរសៀលនៅថ្ងៃទី១៧ខែតុលាឆ្នាំ២០១១នៅចំណុចរង្វង់មូលចោមចៅស្ថិតនៅក្នុងភូមិព្រៃជីសាក់សង្កាត់ចោមចៅខណ្ឌដង្កោ។ជនរងគ្រោះដែលស្លាប់មានឈ្មោះ ជាសាវ៉ាតភេទប្រុសអាយុ២៥ឆ្នាំមុខរបរសន្តិសុខឯកជនរស់នៅភូមិក្រាំងទ្រាឃុំនិពាន្តស្រុកកងពិសីខេត្តកំពង់ស្ពឺ។ជន រងគ្រោះរបួសមានឈ្មោះថា ទាង ភេទប្រុសអាយុប្រហែល៣០ឆ្នាំមុខរបរលក់ដូរនៅភូមិជាមួយគ្នាជិះម៉ូតូម៉ាកVIVAពណ៌ខ្មៅអត់ស្លាកលេខជិះជាមួយគ្នាដោយគ្មានពាក់មួកសុវត្ថិភាពនោះទេ។
រីឯរថយន្តបុកជាមួយម៉ូតូមានម៉ាកRENAULTក្បាលពណ៌ខៀវសណ្តោងកុងតឺន័រជារបស់ក្រុមហ៊ុនសូងួនហើយអ្នកបើកបរបានរត់គេចខ្លួនបាត់ទុករថយន្តនៅកន្លែងកើតហេតុ៕
ពីគេហទំព័រ៖កម្ពុជាថ្មី
No comments:
Post a Comment
yes