បុរសម្នាក់រាយសន្ទួចពេលផឹកផឹកស្រាស្រវឹងក៏ចាប់រំលោភនារីឃ្វាលក្របីនៅក្នុងវាលស្រែក្រោយពីកើតហេតុនារីរងគ្រោះបានដាក់ពាក្យប្ដឹងសមត្ថកិច្ចចាប់ខ្លួនបញ្ជូនមកស្នងការនគរបាលខេត្ត។
នារីរងគ្រោះឈ្មោះ ស.ន អាយុ២១ឆ្នាំ រស់នៅភូមិគោកពេញ ឃុំជៀប ស្រុក ទឹកផុស បាននិយាយថា នៅរសៀលថ្ងៃទី០១ ខែតុលា ឆ្នាំ ២០១១ រូបនាងនិងម្ដាយក៏បានដឹកក្របីឲ្យស៊ីស្មៅតាមវាលស្រែ នៅចំណុចអង្កាញ់ ក្រោយភូមិ។ នៅវេលាម៉ោង ១៥និង ៣០នាទី ឈ្មោះ សាត់ ឌឹក អាយុ ២៩ឆ្នាំ (មានប្រពន្ធ មានកូន២នាក់) រស់នៅភូមិជាមួយគ្នាដែរ បានរាយសន្ទួចនៅក្នុងវាលស្រែក៏បានមកចាប់ឱបនាងពីក្រោយហើយផ្ដួលទៅក្នុងស្រែ ហើយវាយតប់រូបនាងពេលនោះនាងក៏បានស្រែកហៅម្ដាយដែលកំពុងឃ្វាលក្របីឆ្ងាយពីនាងជាង១០០ម៉ែត្រ ឲ្យជួយតែម្ដាយនាងមិនឮ។ បន្ទាប់មកនាងក៏ត្រូវឈ្មោះ សាត់ ឌឹក វាយ និង ច្របាច់.ករហូតដល់សន្លប់ នៅពេលដឹងខ្លួនវិញ បានបានឃើញឈ្មោះ សាត់ ឌឹក កំពុង រំលោភនាងពីលើ ដោយខោខ្សែ យឺត ត្រូវបានគេស្រាត អស់ទៅហើយខណៈនោះដែរម្ដាយរបស់នាងក៏បានដើររក ហើយស្រែហៅនាងតែឃើញក្របីដែលនាងឃ្វាលដើរទៅរកគ្នាវាបាត់តែនាងមិនឃើញ។ ពេលនោះដែរឈ្មោះ សាត់ឌឹក ក៏បានលូនចេញពីលើនាងទៅតាមសន្ទូងដើម្បីរត់គេចខ្លួន។ ចំណែកនាងពេលបានត្រឡប់មកផ្ទះវិញក៏បានប្ដឹងសមត្ថកិច្ចមូលដ្ឋានឲ្យចាប់ខ្លួនជនល្មើស។
បន្ទាប់ពីបានទទួលចម្លើយសារភាពពីជនសង្ស័យ សមត្ថកិច្ចក៏បានកសាងសំណុំរឿងបញ្ជូនទៅសាលាដំបូងខេត្តនៅល្ងាចថ្ងៃទី០៣ ខែ តុលា ឆ្នាំ ២០១១។ ដោយឡែកជនរងគ្រោះកំពុងសម្រាកព្យាបាលនៅមន្ទីរពេទ្យខេត្តដែលនៅលើ.ករបស់ជនរងគ្រោះមានស្នាមជាំខ្មៅផងព្រោះត្រូវជនល្មើសច្របាច់.ក៕
ពីគេហទំព័រ៖ កម្ពុជាថ្មី
No comments:
Post a Comment
yes