កុមារា អាយុ២ឆ្នាំម្នាក់បានស្លាប់បាត់បង់ជីវិតក្រោយពេលបញ្ជូនមកធ្វើការសង្គ្រោះនៅមន្ទីរពេទ្យ និង៣នាក់ទៀតមានអាការធ្ងន់ធ្ងរ ខណៈពេលដែលពួកគេជាបងប្អូន៤នាក់ស្រីប្រុសបាននាំគ្នាដុតដំឡូងមីហូប បណ្តាលឱ្យពុល ។
មន្ត្រីប៉ូលិសស្រុកចិត្របុរីបានឱ្យដឹងថា កាលពីវេលាម៉ោង១ និង៣០នាទីថ្ងៃទី២ តុលា មានករណីពុលអាហារទៅលើគ្រួសារមួយនៅចំណុចទួលទ្រាំង ភូមិកសាង ឃុំចង្ក្រង់ ស្រុកចិត្របុរីបង្កឱ្យក្មេងប្រុសស្រី៤នាក់បងប្អូនមានអាការក្អួតចង្អោរធ្ងន់ធ្ងរ និងមានក្មេងប្រុសម្នាក់ត្រូវស្លាប់ក្រោយពីរថយន្តសង្គ្រោះរបស់នគរបាលខេត្តបានដឹកមកដល់មន្ទីរពេទ្យ ។
បុរសជាឪពុកឈ្មោះឆយ សល អាយុ៣៤ឆ្នាំ បានរៀបរាប់ឱ្យដឹងថា នៅថ្ងៃកើតហេតុគាត់ និងប្រពន្ធមិនបាននៅផ្ទះទេ ហើយកូនគាត់ទាំងបួននាក់ បាននាំគ្នាដើររើសដំឡូងមីពីចំការនាំគ្នាដុតហូប បន្ទាប់មកក៏កើតអាការពុលក្អួតចង្អោរទាំងអស់គ្នា។ ពេលគាត់មកដល់ផ្ទះ ឃើញពួកគេកំពុងហូបគាត់ក៏បានហូបជាមួយដែរ ហើយមានអាការវិលមុខក្អួតចង្អោរដូចគ្នា តែតិចតួចទេ។
បុរសជាឪពុកបានរៀបរាប់ទៀតថា កូនគាត់ទាំង៤នាក់ដែលជួបហេតុការណ៍ពុលដំឡូងមីនេះមាន១-ឈ្មោះសល ស្រីមុំ ភេទស្រីអាយុ៦ឆ្នាំ ២-ឈ្មោះសល ណែត ភេទស្រី អាយុ៤ឆ្នាំ ៣-ឈ្មោះសល រស្ម៊ី ភេទប្រុស អាយុ៣ឆ្នាំ ។ ទាំងបីនាក់មានអាការពុលធ្ងន់ធ្ងរ និងទី៤-ឈ្មោះសល រស្មី អាយុ២ឆ្នាំ បានស្លាប់ ក្រោយពីសង្គ្រោះបន្ទាន់នៅមន្ទីរពេទ្យ ។ អាជ្ញាធរនិងគ្រូពេទ្យសន្និដ្ឋានថា ការពុលនេះ បណ្តាលមកពីពុលអាហារ៕
ពីគេហទំព័រ៖ កោះសន្តិភាព
No comments:
Post a Comment
yes