អតីតសង្ឃកំហូចគង់នៅវត្តមហារាជដ្ឋានស្ថិតនៅក្នុងភូមិ ភ្នំ ឃុំ ផ្សារដែក ស្រុក ពញាឮ ខេត្តកណ្ដាល ដែលត្រូវសមត្ថកិច្ចចាប់ផ្សឹកដោយសារពាក់ព័ន្ធនឹងអំពើដាក់ថ្នាំសណ្ដំរំលោភស្ត្រីក្រមុំនៅក្នុងវត្តត្រូវបានក្រុមប្រឹក្សាជំនុំជំរះតុលាការខេត្តកណ្ដាលសម្រេចលើកលែងចោទប្រកានទាំងស្រុង ជាហេតុធ្វើឲ្យជនរងគ្រោះមានប្រតិកម្មយ៉ាងខ្លាំង។
សេចក្ដីរាយការណ៍ពីខេត្តកណ្ដាលបានឲ្យដឹងថា កាលពីព្រឹកថ្ងៃទី ១៧ ខែ តុលា ឆ្នាំ ២០១១ ក្រុមប្រឹក្សាជំនុះជំរះតុលាការខេត្តកណ្ដាលដែលមានលោក ចៅក្រម ស៊ិន វិរៈ ជាប្រធានក្រុមប្រឹក្សា លោក ថូវ ចាន់ផូ ជាចៅក្រម លោក កេង សុម៉ារិទ្ធ ជាចៅក្រមប្រឹក្សា និង លោក វង្ស ប៊ុនសិទ្ធ ជាតំណាងអយ្យការបានប្រកាសសាលក្រមលើសំណុំរឿងព្រហ្មទណ្ឌលេខ ៤៩១ អកចុះថ្ងៃទី០១ ខែ មិថុនា ឆ្នាំ២០១០ សម្រេចលើកលែងទោសចោទប្រកាន់លើឈ្មោះ ចេង ឌីណែត ភេទប្រុស អាយុ ៣១ ឆ្នាំ ជនជាតិខ្មែរ កើតនៅភូមិ ខ្លែង ឃុំ ខ្លែង ស្រុកសណ្ដាន់ ខេត្តកំពង់ធំ មុខរបរពេលប្រព្រឹត្តិបទល្មើស ជាសង្ឃ គង់នៅវត្ត មហារាជដ្ឋាន ឪពុកឈ្មោះ ចេង ហុកតេ ម្ដាយឈ្មោះ ទេស ចាន់តារា ឲ្យរួចផុតពីបទចោទរំលោភសេពសន្ថវៈ ប្រព្រឹត្តិកាលពីថ្ងៃទី ៣១ ខែ ឧសភា ឆ្នាំ ២០១០ នៅលើកុដិ ក្នុងវត្ត មហារាជដ្ឋានស្ថិតក្នុងភូមិ ភ្នំ ឃុំផ្សារដែក ស្រុក ពញាឮ ខេត្តកកណ្ដាល។
សាលក្រមរបស់ក្រុមប្រឹក្សាជំនុំជំរះតុលាការខេត្តកណ្ដាលខាងលើនេះ ក៏បានបើកផ្លូវឲ្យជនរងគ្រោះប្ដឹងឧទ្ធរណ៍ តាមកំណត់ច្បាប់ផងដែរ ប៉ុន្តែសេចក្ដីសម្រេចនេះបានធ្វើឲ្យជនរងគ្រោះ ព្រមទាំងក្រុមគ្រួសារមានប្រតិកម្មយ៉ាងខ្លាំង និង បាន បញ្ចេញកំហឹងឈឺចាប់ដោយចាត់ទុកថា ធម៌ និង អគតិបំផុតមកលើជនរងគ្រោះ ដែលជាក្មេងមានវ័យ១៨ឆ្នាំ ហើយ ជនរងគ្រោះបានប្រាប់ឪពុករបស់ខ្លួន ប្ដឹងឧទ្ធរណ៍ប្រឆាំងនឹងសាលក្រមរបស់តុលាការខេត្តកណ្ដាលលើសេចក្ដីសម្រេចទាំងស្រុង។
ប្រភពព័ត៌មានបានបន្តទៀតថាមុនពេលមានការប្រកាសសាលក្រម នេះក្រុមប្រឹក្សាជំនុំជំរះ តុលាការខេត្តកណ្ដាលបានលើកយកសំណុំរឿងសង្ឃកំហូច ចេង ឌីណែត ដាក់ថ្នាំសណ្ដំហើយរំលោភផ្លូវភេទលើនារីរងគ្រោះ មកតាក់ក្ដី ចំនួន ២ដងរួចមកហើយ កាលពីខែ កញ្ញា កន្លងទៅ។ ប៉ុន្តែទើបយកមកប្រកាសសាលក្រមនៅព្រឹកថ្ងៃទី ១៧ ខែ តុលា ឆ្នាំ ២០១១ ក្រោយពេលដែលតុលាការបានធ្វើមេអណ្ដើកផ្សះផ្សាឲ្យជនរងគ្រោះទទួលសំណងរដ្ឋប្បវេណីប៉ះប៉ូវកិត្តិយរបស់ខ្លួនចំនួន ៣០០០ដុល្លារ ប៉ុន្តែក្រុមគ្រួសារជនរងគ្រោះមិនព្រមទទួលយកដោយចង់ឲ្យតុលាការ ផ្ដន្ទាទោសជនត្រូវចោទតាមច្បាប់ ព្រោះអំពើល្មើសដែលជនចាប់ចោទបានប្រព្រឹត្តិធ្វើឲ្យប៉ះពាល់យ៉ាងខ្លាំងដល់កិត្តិយស និង អនាគតរបស់នារីរងគ្រោះ។ នៅពេលប្រកាសសាលក្រមតុលាការបែរជាលើកលែងទោសចោទប្រកាន់ជនជាប់ចោទទាំងស្រុងទៅវិញ ទោះបីជាអំឡុងពេលសវនាការជនជាប់ចោទបានសារភាពពីការរំលោភបំពានផ្លូវភេទលើជនរងគ្រោះក៏ដោយ។
សូមបញ្ជាក់ថា នៅថ្ងៃទី ២៨ ខែ តុលា ឆ្នាំ ២០១០ វេលាម៉ោង ១០ និង ៣០នាទីព្រឹក ឈ្មោះ ចេង ឌីណែត (ជាសង្ឃ) បានទូរស័ព្ទ មកឈ្មោះ ស៊ុំ ស្រីណាល់ អាយុ ១៨ឆ្នាំ ជាសិស្ស សាលា ឲ្យមកកុដិជួបលោក ពេលនោះ ឈ្មោះ ស៊ុំ ស្រីណាល់ ក៏បានមកជួប ហើយក៏ត្រូវឈ្មោះ ចេង ឌីណែត យកទឹកក្រូចមួយកំប៉ុងគាស់រួចជាស្រេចឲ្យឈ្មោះ ស៊ុំ ស្រីណាល់ ពេលហូបហើយស្រាប់តែមានអាការៈវិលមុខ ងងុយដេក ហើយក៏លែងដឹងខ្លួនទៅ។ ឆ្លៀតពេលដែលជនរងគ្រោះលែងដឹងខ្លួន សង្ឃកំហូច ចេង ឌីណែត បានរំលោភ សេពសន្ថវៈ លើជនរងគ្រោះបានសម្រេចបំណងដល់ទីជម្រៅ លុះពេល ស៊ុំ ស្រីណាល់ដឹងខ្លួនឈ្មោះ ចេង ឌីណែត បានគំរាមមិនឲ្យប្រាប់នរណាដឹងឡើយ បើមិនអញ្ចឹងនឹងសម្លាប់ចោល ប៉ុន្តែជនរងគ្រោះមិនខ្លាចការគំរាម ហើយក៏បានប្រាប់ឪពុកម្ដាយឲ្យប្ដឹងសមត្ថកិច្ចលុះដល់ ថ្ងៃទី ៣១ ខែ ឧសភា ឆ្នាំ២០១០ ក៏មានគណៈកម្មការធម្មការ និងសមត្ថកិច្ចបានចុះទៅផ្សឹក សង្ឃកំហូច ចេង ឌីណែត ហើយប្រគល់ខ្លួនឲ្យសមត្ថកិច្ចចាច់ការតាមច្បាប់។ បន្ទាប់មកនៅថ្ងៃទី០១ ខែ មិថុនាឆ្នាំ ២០១០ ព្រះរាជាអាជ្ញា និង តុលាការ ខេត្តកណ្ដាលបានសម្រេចចោទប្រកាន់ ឈ្មោះចេង ឌីណែត ពីបទរំលោភសេពសន្ថវៈ ហើយ ឃុំខ្លួនតាំងពីពេលនោះមក៕
ពីគេហទំព័រ៖ កម្ពុជាថ្មី
សារព័ត៌មានជួយខ្មែរ
No comments:
Post a Comment
yes