ប្រធានក្រុមប្រឹក្សាឃុំខ្ញុំក្រាំងម្នាក់ ក្រោយពីផឹកស្រាស្រវឹង រួចបាននាំស្រីស្នេហ៍ចូលផ្ទះសំណាក់ដើម្បីរួមមេត្រី ប៉ុន្តែសំណាងអាក្រក់ ត្រូវកាំងបេះដូងស្លាប់ភ្លាមៗមួយរំពេចមិនអាចជួយសង្គ្រោះបានឡើយ។
ហេតុការណ៍នេះបានកើតឡើងកាលពីវេលាម៉ោងប្រហែល១២ រលងអធ្រាត្រ ឈានចូលថ្ងៃទី ១៥ ខែ តុលាឆ្នាំ ២០១១ ស្ថិតនៅក្នុងបន្ទប់ផ្ទះសំណាក់ លេខ ២២ យីហោ«ត្រជាក់ចិត្ត»នៅក្នុងភូមិ ពាណិជ្ជកម្ម សង្កាត់រកាធំ ក្រុង ច្បារម ខេត្តកំពង់ស្ពឺ។
ប៉ូលិសបច្ចេកទេសនៃស្នងការខេត្តកំពង់ស្ពឺបានប្រាប់ឲ្យដឹងថា ជនរងគ្រោះ ដែលនាំសង្សារចូលដេកផ្ទះសំណាក់ នោះមានឈ្មោះ គង់ ឈៀ ភេទប្រុស អាយុ ៥៧ឆ្នាំ មុខងារមេឃុំ ខ្ញុំក្រាំង រស់នៅ ភូមិក្បាលត្រឡាចឃុំ ខ្ញុំក្រាំង ស្រុក សំរោងទង។
ប្រភពព៧ត៌មានបន្តថា ស្រីជាសង្សារ របស់លោក មេឃុំ មានឈ្មោះ នួន ជាតិ ភេទស្រី អាយុ ៤០ឆ្នាំ រស់នៅភូមិ ពន់ ឃុំ ក្រាំងក្រូច ស្រុក សំរោងទង។
តាមការបំភ្លឺរបស់អ្នកមើលការខុសត្រូវផ្ទះសំណាក់«ត្រជាក់ចិត្ត» បានឲ្យសមត្ថកិច្ចដឹងថា នៅមុនពេលកើតហេតុ ជនរងគ្រោះ និង ស្ត្រីម្នាក់ទៀតមកជួល បន្ទប់ស្នាក់នៅមួយយប់ លេខ ២២ នៅម៉ោង ប្រហែលជាម៉ោង ១០យប់ លុះដល់ម៉ោង ១២ ស្រាប់តែស្ត្រីនោះ ស្រែកឲ្យគេជួយ។ ប្រភពបន្តថា ជនរងគ្រោះត្រូវបានគេធ្វើចលនាបេះដូង រួចបញ្ជូនទៅសង្គ្រោះនៅមន្ទីរពេទ្យឯកជន ធុំ សារ៉េន នៅផ្សារកំពង់ស្ពឺ ប៉ុន្តែពេលទៅដល់មុខមន្ទីរពេទ្យ គ្រូពេទ្យប្រាប់ថា ជនរងគ្រោះបានដាច់ខ្យល់ស្លាប់បាត់ទៅហើយ។
មន្ត្រីប៉ូលិសខេត្តកំពង់ស្ពឺបញ្ជាក់ថា លោក មេឃុំ គង់ ឈៀ បាននាំគ្នាផឹកស៊ីជាមួយ ក្រុមការងារ របស់គាត់រហូតស្រវឹង ទើបបែកផ្លូវគ្នា ហើយជនរងគ្រោះបានយកស្រីស្នេហ៍របស់ខ្លួនទៅដេកផ្ទះសំណាក់ រួចក៏ស្លាប់លើបង្គងតែម្ដងទៅ។ ប៉ូលិសបានបន្តថា នៅក្នុងបន្ទប់ផ្ទះសំណាក់ សមត្ថកិច្ចរកឃើញមានស្រោមអនាម័យ Okចំនួន៣ស្រោម ប្រើប្រាស់រួចចំនួនមួយផងដែរ។
ស្ត្រី ឈ្មោះ នួន ជាតិ ស្រីស្នេហ៍ លោកមេឃុំ រងគ្រោះ បានរៀបរាប់ថា នាងបានស្គាល់គ្នាជាមួយលោក មេឃុំ អស់រយៈពេល៣ឆ្នាំ មកហើយ ប៉ុន្តែមិនសូវជួបគ្នាញឹកញាប់ទេ ព្រោះនាងជាប់រវល់ធ្វើការងារនៅភ្នំពេញ ហើយនៅយប់កើតហេតុ គាត់បានផឹកស៊ីជាមួយ ស្មៀនឃុំ និង អ្នកគួជេរដីឡើងស្រវឹង រួចបានទូរស័ព្ទណាត់នាងឲ្យមកជួបគ្នានៅមុខផ្សារកំពង់ស្ពឺ។ ស្ត្រីរូបនោះបានបន្តថា ដោយឃើញលោកមេភូមិស្រវឹង នាងបានប្រាប់ឲ្យគាត់ត្រឡប់ទៅផ្ទះវិញប៉ុន្តែគាត់មិនព្រមទៅទេ ហើយឲ្យនាងឌុបទៅរកផ្ទះសំណាក់ដើម្បីសំរាក ទើបជួបរឿងបែបនេះតែម្ដង។
ស្ត្រីឈ្មោះ នួន ជាតិបានបដិសេធថា ពេលស្នាក់នៅក្នុងបន្ទប់ផ្ទះសំណាក់នោះ ពួកគាត់ទាំងពីរនាក់អត់បានប៉ះពាល់គ្នាទេ ព្រោះតែគាត់( គង់ ឈៀ)ស្រវឹងខ្លាំងពេក។
សាកសព លោក គង់ ជា មេឃុំ ខ្ញុំក្រាំង ត្រូវបានក្រុមគ្រួសារ ប្រពន្ធកូន មកយកទាំងយប់ដើម្បីយកទៅរៀបចំពិធីបុណ្យសពតាមប្រពៃណី ហើយនៅថ្ងៃទី ១៥ ខែ តុលា ឆ្នាំ២០១១ លោក ចៅហ្វាយ ស្រុក បានចូលរួមរំលែកទុក្ខគ្រួសាររងគ្រោះដល់រោងបុណ្យនោះផងដែរ៕
ពីគេហទំព័រ៖ កម្ពុជាថ្មី
No comments:
Post a Comment
yes