មានភាពភ្ញាក់ផ្អើលមួយបានកើតឡើងខណៈពេលគេឃើញប៉ូលិសចរាចរមួយក្រុមដែលឈរជើងផាកពិន័យលើយានយន្តដែលមិនគោរពច្បាប់ចរាចរនៅគល់ស្ពានជ្រោយចង្វាត្រើយខាងលិចបាននាំគ្នាហៅរថយន្តម៉ាកឡង់គ្រីស័រមួយគ្រឿងដែលគ្មានស្លាកលេខដើម្បីអោយឈប់ត្រួតពិនិត្យផាកពិន័យប៉ុន្តែអ្នកបើកបររថយន្តនោះមិនព្រមឈប់ព្យាយាមបើកបន្តទៅមុខទៀតដោយអូសរុញប៉ូលិសចរាចរ២ទៅ៣នាក់ទៅជាមួយផងបង្កការភ្ញាក់នៅកន្លែងនោះតែម្ដង។
ហេតុការណ៍នេះបានកើតឡើងកាលពីវេលាម៉ោង៩និង១០នាទីថ្ងៃទី៥ខែវិច្ឆិកាឆ្នាំ២០១១នៅចំណុចបណ្ដោយផ្លូវជាប់ក្លោងទ្វារសាលាវិទ្យល័យប៊ុនរ៉ានីហ៊ុនសែនវត្តភ្នំក្នុងសង្កាត់ស្រះចកខណ្ឌដូនពេញរាជធានីភ្នំពេញ។
រថយន្តបង្កម៉ាកឡង់គ្រីស័រ ពណ៌ខ្មៅ គ្មានពាក់ស្លាកលេខ បើកបរដោយបុរសឈ្មោះ សេង ហេង ជាទីប្រឹក្សាអគ្គលេខាធិកាដ្ឋានព្រឹទ្ធសភា ឋានៈរដ្ឋលេខាធិកានិងជាអនុប្រធាននាយកដ្ឋានរដ្ឋបាល។ក្នុងរថយន្តនោះមានស្ត្រីម្នាក់រួមដំណើរជាមួយផងដែរប៉ុន្តែគេពុំទាន់ថាស្ត្រីរួមដំណើរនោះជាប្រពន្ធឬជាស្រីស្នេហ៍នោះទេ។
ចំណែកប៉ូលិសម្នាក់ក្នុងចំណោមគ្នា៣នាក់ត្រូវរថយន្តរុញប្រហែល៥០ម៉ែត្រពីចំណុចកើតហេតុនោះឈ្មោះ រ៉ាត់ សុភាព ជានគរបាលចរាចរជើងគោករាជធានីភ្នំពេញរងរបួសស្រាល។
ក្រោយពីធ្វើការឃាត់ខ្លួនអ្នកបើកបររថយន្តគេអ្នកឃើញអ្នកបើកបរនោះបានចុះពីលើរថយន្តហើយទូរស័ព្ទនិយាយប៉ុន្តែគេពុំដឹងថានិយាយទាក់ទងជាមួយអ្នកណានោះទេលុះពេលមួយសន្ទុះក្រោយមកទើបបុរសបង្កបានមកសំរួលសុំទោសជាមួយប៉ូលិសចរាចរទាំងនោះដោយថាជាគ្នាឯងនោះប៉ុន្តែដោយមានបញ្ជាពីថ្នាក់លើប៉ូលិសចរាចរបាននាំអ្នកបើកបរបង្កហេតុនោះទៅការិយាល័យដើម្បីសំរួលដោះស្រាយគ្នាបញ្ចប់បញ្ហានោះ៕
ពីគេហទំព័រ៖ កម្ពុជាថ្មី
No comments:
Post a Comment
yes