យោងតាមសេចក្តីប្រកាសព័ត៌មានរបស់សាលារាជធានីភ្នំពេញ បានឲ្យដឹងថា ប្រជាពលរដ្ឋក្នុងរាជធានី និងតាមបណ្តាខេត្តនានា ដែលធ្វើដំណើរឆ្លងកាត់ស្ពានជ្រោយចង្វារ (ស្ពានមិត្តភាពកម្ពុជា-ជប៉ុន) ថា នៅថ្ងៃទី២ ខែវិច្ឆិកា ឆ្នាំ២០១១ នេះ នឹងមានការរៀបចំពិធី បើកការដ្ឋាន សាងសង់ស្ពានជ្រោយចង្វារទី២ ជាប្រវត្តិសាស្ត្រ ក្រោមអធិបតីភាពដ៏ខ្ពង់ខ្ពស់ របស់លោក ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងភរិយា ដែលនឹងប្រារព្ធឡើងនៅវេលាម៉ោង៨ព្រឹក។
សាលារាជធានីភ្នំពេញ នឹងបិទផ្លូវ ដើម្បីសម្រួលចរាចរជាបណ្តោះអាសន្ន មិនឲ្យយានយន្តធ្វើដំណើរ ឆ្លងកាត់ស្ពានមិត្តភាពកម្ពុជា-ជប៉ុន ចាប់ពីម៉ោង៧ព្រឹកដល់ម៉ោង១១ព្រឹក មិនឱ្យឆ្លងកាត់ឡើយ។
មន្រ្តីរាជការ សិស្សានុសិស្ស និស្សិត នៅត្រើយខាងកើត ដែលត្រូវចូលរាជធានីភ្នំពេញ សុំឲ្យឆ្លងកាត់ស្ពានមុនម៉ោង ៧ព្រឹក។ យានយន្តគ្រប់ប្រភេទ ដែលធ្វើដំណើរចូលរាជធានីភ្នំពេញ តាមផ្លូវជាតិលេខ៦អា ស្នើឲ្យធ្វើដំណើរតាមស្ពានព្រែកព្នៅវិញ ។
អាស្រ័យហេតុនេះ ប្រជាពលរដ្ឋមេត្តាជ្រាប និងបញ្ចៀសការធ្វើដំណើរឆ្លងកាត់ទីតាំង ប្រារព្ធពិធីតាមកាលបរិច្ឆេទដោយអនុគ្រោះ។ ផុតរយៈពេល កំណត់នេះ សាលារាជធានីភ្នំពេញ នឹងបើកឲ្យដំណើរការចរាចរជាធម្មតាឡើងវិញ ៕
No comments:
Post a Comment
yes