បុរសម្នាក់ត្រូវបានរទេះគោដឹកអុសត្នោតកិនពីលើបែកលំពែងខ្ទេច ខណៈពេលគាត់កំពុងបររទេះគោដឹកអុសត្នោតងោកធ្លាក់ចូលកង់រទេះគោខ្លួនឯងកាលពីម៉ោង៥ទៀបភ្លឺ ថ្ងៃទី ០២ ខែ ធ្នូ ឆ្នាំ ២០១១ នៅតាមផ្លូវលំក្នុង ភូមិ បន្ទាយព្រាល ឃុំ បន្ទាយព្រាល ស្រុក រលាប្អៀរ។
ក្រុមគ្រួសារបុរសរងគ្រោះបាននិយាយឲ្យដឹងថា កាលពីល្ងាចថ្ងៃទី ០១ ខែ ធ្នូ ឆ្នាំ ២០១១ បុរស រងគ្រោះ ឈ្មោះ ខាន់រ៉ុន អាយុ ៣២ឆ្នាំ មានមុខរបរឡើងត្នោត នៅក្នុងភូមិត្រាំងប្រស្វាយ ឃុំ ស្វាយ ជ្រុំ ស្រុក រលាប្អៀរ បានបររទេះ គោដឹកអុស មកពីស្រុកលើជាមួយ និង រទេះគោអ្នកភូមិ ២គ្រឿង ទៀត គឺ បររទេះដឹកអុសមួយយប់ ដល់ភ្លឺ ទើបមកដល់ផ្ទះវិញ។ ប៉ុន្តែពេលមកដល់ភូមិ បន្ទាយព្រាល បុរស ឈ្មោះ ខាន់ សារ៉ុន ក៏បររទេះ ទាំងងោកងងុយដេក ហើយក៏បានធ្លាក់ចូលកង់រទេះគោខ្លួនឯង ត្រូវរទេះគោកិន រហូតសន្លប់លែងដឹងខ្លួន។ បន្ទាប់មក អ្នកស្រុក ដែលបររទេះ មកជាមួយគ្នាក៏ រកជួយម៉ូតូឌុបមក មន្ទីរពេទ្យ ដើម្បីសង្គ្រោះជីវិត។ ក្រោយពេលវះកាត់ គ្រូពេទ្យខេត្ត បានឲ្យដឹងថា លំពែងរបស់បុរសរងគ្រោះ បានបែកខ្ទេចត្រូវពេទ្យវះកាត់ចោល ហើយបច្ចុប្បន្ននេះបុរសរងគ្រោះកំពុងសម្រាកព្យាបាលនៅក្នុងមន្ទីរពេទ្យខេត្តដោយមានការថែទាំពីក្រុមគ្រួសារយូរថ្ងៃទៀតទើបអាចជាសះស្បើយ៕
កម្ពុជាថ្មី
No comments:
Post a Comment
yes