សូមស្វាគមន៏ការចូលមកកាន់គេហទំព័ររបស់យើងខ្ញុំ​!!!​Welcome to ckn-media.blogspot.com Website !!!​គេហទំព័រ ckn-media.blogspot.com ផ្តល់ព័ត៌មានពិតឥតលំអៀង រហ័សទាន់ចិត្ត ដែលលោកអ្នកជឿទុកចិត្ត / លោកអ្នកអាចទាក់ទងមកកាន់គេហទំព័ររបស់យើងខ្ញុំបានតាមរយៈ Email: cknkhmer@gmail.com សូមអរគុណ !!!

Monday, January 9, 2012

បោយ រើយ ជម្រាបលា សមរង្ស៊ី និងគណបក្សប្រឆាំង ទៅចាប់អាជីព ជាអ្នកចំការ


Monday, 09 January 2012 08:52 ដោយ ៖ សយ សុភាព
E-mailPrintPDF
ភ្នំពេញៈ លោក បោយ រើយ ដែលគេស្គាល់ថា ជាចាងហា្វង កាសែត ជាតិខ្មែរ គាំទ្រសម រង្ស៊ី  និង​គណបក្សរបស់គាត់ ផ្ដាប់មុខ អស់រយៈកាល ១៧ឆ្នាំ បានសម្រេចបិទការបោះពុម្ព ផ្សាយចាប់​ពី​ថ្ងៃទី៩ ខែ មករា នេះតទៅ ដោយមិនវិលត្រឡប់ ព្រោះថា លោកបានឆ្អែតឆ្អន់នៅ​ក្នុងដំណើរផ្សង​ព្រេង ដ៏គ្រោះថ្នាក់នៅជាមួយអ្នកដឹកនាំគណបក្សប្រឆាំង ដ៏មហិមាខាងលើនេះ។
នៅព្រឹកថ្ងៃចន្ទ ទី៩ ខែមករា នេះដែរ គេបានរកឃើញកាសែតរបស់លោក ដែលដាក់លក់នៅតាម​តូបកាសែត នៅក្នុងរាជធានីភ្នំពេញ ដោយធ្វើឱ្យអ្នកអាន មានការភ្ញាក់ផ្អើល ពេលឃើញលោក​ចាង​ហ្វាង កាសែតជាតិខ្មែរ បានបោះពុម្ពផ្សាយ នូវអត្ថបទ រៀបរាប់អំពីជីវិតរបស់លោក នៅជា​មួយ​គណបក្សសមរង្ស៊ី និងលោក សម រង្ស៊ី ហើយថា ចាប់ពីពេលនេះតទៅមិត្ដអ្នកអាន នឹងមិន​បាន​ឃើញ​កាសែតជាតិខ្មែរ ដែលគាំទ្រ សម រង្ស៊ី និងគណបក្សប្រឆាំងតទៅទៀតទេ។
លោក បោយ រើយ អាយុ៤៧ឆ្នាំ ដែលតែងតែអង្គុយក្រោមដើមអម្ពិល ក្បែរអតីតវិមានរដ្ឋសភា ត្រូវ​បានគេមើលឃើញថា ជាអ្នកគាំទ្រ នយោបាយសមរង្ស៊ី ដ៏ងប់ងល់ម្នាក់  ហើយក៏ជាអ្នក​សរសេរ​អត្ថបទវាយប្រហារយ៉ាងចាស់ដៃបំផុត មកលើគណបក្សប្រជាជន ជាពិសេស អត្ថបទកាសែតរបស់​លោក បានវាយប្រហារយ៉ាងចាស់ដៃមកលើបុគ្គលសម្ដេចតេជោ ហ៊ុន សែន តែម្ដង។
នៅក្នុងអត្ថបទលេខចុងក្រោយ របស់លោកដែលបានបោះពុម្ពផ្សាយ នៅថ្ងៃចន្ទ ទី៩ ខែមករា ឆ្នាំ ២០១២ ពុំបានកោតសសើរសម្ដេចតេជោ ហ៊ុន សែន ទេ ហើយក៏មិនបានវាយប្រហារ​សម្ដេចទៀត​ដែរ។ ប៉ុន្ដែអត្ថបទនោះ បានសរសេរឆ្លុះបញ្ចាំងពីការពិត នៃទំនាស់បែកបាក់ នៃអ្នកដឹកនាំ គណបក្ស​សមរង្ស៊ី ការអស់លទ្ធភាព បោះពុម្ពផ្សាយ និង របាយការណ៍របស់វិទ្យាស្ថានសាធារណ​រដ្ឋរបស់​សហរដ្ឋអាមេរិក (IRI) បានគាំទ្រ ចំពោះ សកម្មភាពរបស់រដ្ឋាភិបាលសម្ដេចហ៊ុន សែន ថាស្ថិត​នៅ​ក្នុងដំណើរការផ្លូវត្រូវ ដែលពីមុនវិទ្យាស្ថាននេះ បានវាយតម្លៃល្អចំពោះសមរង្ស៊ី និងគណបក្ស​ប្រឆាំង។
នៅចុងបញ្ចប់នៃខ្លឹមសារអត្ថបទ លោកសុំអភ័យទោស ចំពោះមិត្ដអ្នកអាន និងសមាជិក សមាជិការ សមរង្ស៊ី ដែលមិនបានឃើញកាសែត របស់លោក បោះពុម្ពផ្សាយ កោតសរសើរគណបក្សសមរង្ស៊ី តទៅទៀត។ នៅក្នុងអត្ថបទនោះដែរ លោកបាននិយាយថា លោកនឹងនៅថែទាំប្រពន្ធ និងកូនពីរ​នាក់ឱ្យបានល្អ ហើយនៅក្នុងរដូវភ្លៀងធ្លាក់ខាងមុខ លោកនឹងចាប់មុខរបរថ្មី ជាអ្នកដាំដំឡូងមី៕

No comments:

Post a Comment

yes