មន្ត្រីគ.ជ.បបញ្ជាក់ពីយទ្ធនាការឃោសនាបោះឆ្នោតមានភាពរលូននិងសន្តិ សុខល្អ

 ភ្នំពេញ៖ គណៈកម្មាធិការជាតិរៀបចំការបោះឆ្នោត ហៅកាត់ គ. ជ .ប បាន​ធ្វើសន្និសីទ​កាសែតនៅ ព្រឹកថ្ងៃទី១៣ មករា ឆ្នាំ២០១២នេះនៅទីស្តីការ គ. ជ. ប ស្តីពីការ​ផ្តល់សុពលភាពលើបញ្ជី អ្នកឈ្មោះ  បោះឆ្នោត និងសភាពការណ៍​ទូទៅ​នៃការ​ឃោសនាបោះឆ្នោតសម្រាប់​ការបោះឆ្នោតជ្រើស តាំង សមាជិក​ព្រឹទ្ធសភានីតិ​កាលទី៣​ឆ្នាំ២០១២ ដោយមានការចូលរួមពីតំណាង​គណបក្ស​នយោបាយ​និងមន្ត្រីអង្គការក្រៅរដ្ឋាភិបាល។

លោក សោម ច័ន្ទឌីណា សមាជិកគណកម្មាធិការរៀបចំការបោះឆ្នោត និងជា​ប្រធានដឹកនាំការ ធ្វើ សន្និសីទ បានមានប្រសាសន៍ថា ​នៅក្នុងដំណាក់កាលនេះ​គឺជាដំណាក់កាលឃោសនាបោះឆ្នោត​​​សម្រាប់ការជ្រើសតាំងសមាជិកព្រឹទ្ធ​សភា​ នីតីកាលទី៣ឆ្នាំ២០១២នេះ គឺគណកម្មាធិការ ជាតិរៀប ចំការបោះឆ្នោត​បានត្រៀម និងធ្វើការផ្តល់សុពលភាពលើបញ្ជីឈ្មោះបោះឆ្នោតនៅថ្ងៃទី១៤​មករា ឆ្នាំ២០១២ស្អែកនេះ ហើយមកទល់ពេលនេះអ្វីដែលពាក់ព័ន្ធទៅនិងការ​ផ្តល់សុពលភាព គ. ជ. ប បានទទួលនូវការស្រង់ឈ្មោះសមាជិកសភាក្នុងតំ​ណែងចំនួន១១៩នាក់ ហើយ៤នាក់ត្រូវបាន​អវត្តមានដោយសារមួយលោក​សម រង្ស៊ី ត្រូវបានដកហូតសិទ្ធិបោះឆ្នោតនិង សមាជិកសភា៣រូប ទៀត មកពី​គណបក្ស សម រង្ស៊ី បានលាលែងឈប់ពីតំណែង។ ហើយនិងបញ្ជីក្រុមប្រឹក្សា​ឃុំ សង្កាត់ចំនួន១១៣៥៣រូប ដែលបានធ្វើការសរុប នៃអ្នកបោះឆ្នោតទាំង​អស់១១៤៧២រូប។

លោក សោម ច័ន្ទឌីណា​ បានបន្តថា មានបណ្តឹងតវ៉ាទៅលើបញ្ជីបោះឆ្នោត​៧២បណ្តឹង ក្នុងនោះ គណបក្ស នយោបាយបានសុំលុបឈ្មោះសមាជិកគណ​បក្សរបស់ខ្លួនមានចំនួន៦៩នាក់ និងបាន ទទួលការប្រកាសប្តូរពីក្រសួងមហា​ផ្ទៃ​ចំនួន៦០នាក់រួចហើយ នៅសល់៩នាក់ទៀត ដែលមិនទាន់ ទទួលបានការ​ប្រកាសពីក្រសួងមហាផ្ទៃ ដូច្នេះនៅក្នុងបញ្ជីនៅថ្ងៃទី១៤ខែមករាស្អែកនេះគ.ជ.បនិង 

ប្រកាស សុពលភាពលើបញ្ជីឈ្មោះបោះឆ្នោតសមាជិកព្រឹទ្ធសភា​នីតិកាលទី៣ ដែលនិងបោះឆ្នោត នៅថ្ងៃទី២៩ខែមករាឆ្នាំ២០១២ខាងមុខ។ជាមួយគ្នានោះដែរលោក សោម ចន្ទ័ឌីណាបា នបញ្ជាក់

ថា គ.ជ.ប.បានចេញ ចក្តីសម្រេចអនុញ្ញាតឲ្យគណៈកម្មការការិយាល័យបោះឆ្នោតត្រូវបាំងវាំងននឬ​បាំងផ្សេងទៀតដែលមានកំពស់មួយជំហរដើម្បីជារបាំង​នៅចន្លោះ​បន្ទប់​បោះ​ឆ្នោតសម្ងាត់ទាំង២ក្នុង ការិយាល័យបោះឆ្នោតនៅថ្ងៃបោះ​ឆ្នោត​សម្រាប់​ការបោះឆ្នោតជ្រើសតាំង សមាជិកសភានីតិកាល ទី៣ឆ្នាំ២០១២។

       

លោកទេពនីថាអគ្គលេខាធិការគ.ជ.បបានមានប្រសាសន៍បញ្ជាក់ថាការប្រើបា្រស់វាំងននឬរបាំងនៅចន្លោះបន្ទប់សម្ងាត់ទាំងពីរនេះជាប្រយោជន៍ដើម្បី​​​រក្សាការសម្ងាត់នៃការបោះ ឆ្នោតនៅក្នុងកា

រិយាល័យបោះឆ្នោតឲ្យកាន់តែមានប្រសិទ្ធភាពខ្ពស់។លោកបានបន្តថាការបោះ ឆ្នោតជ្រើសតាំង សមាជិកព្រឹទ្ធសភានីតិកាលទី៣មានការិយាល័យបោះឆ្នោតសរុបចំនួន៣៣ដោយក្នុងមួយការិយាល័យមានបន្ទប់គូសសន្លឹកឆ្នោតចំនួន២ដាច់ដោយឡែកពីគ្នា ហើយ​នៅចន្លោះ បន្ទប់សម្ងាត់ទាំង ពីរ នេះ ត្រូវប្រើប្រាស់វាំងននឬរបាំងផ្សេងទៀតដែលអាចរកបានដើម្បីបាំងកុំឲ្យអ្នកបោះឆ្នោតមើល

គ្នាឃើញ។

លោកសោម ច័ន្ទឌីណា បានបញ្ជាក់ថា​ចំពោះស្ថាន​ភាពនៃយុទ្ធនាការ​ឃោស​នា​បោះឆ្នោត ជើ្រស តាំង  សមាជិកព្រឹទ្ធសភាសម្រាប់នីតិកាលទី៣​គិតពីថ្ងៃ​ទី៧មករា​មកដល់ថ្ងៃទី១៣ខែមករាឆ្នាំ២០១២​នេះគឺ ស្ថានភាពឃោសនា​មានភាព​រលូននិងមានសន្តិសុខល្អនៅតាមបណ្តាខេត្ត​ក្រុងរាជធានីទូទាំង​ប្រទេស​ ៕