អង្គជំនុំជម្រះសាលាក្ដីខ្មែរក្រហម ពិនិត្យឯកសារភស្តុតាង ដែលភាគីសហព្រះរាជអាជ្ញាដាក់បង្ហាញចំពោះមុខ នៅថ្ងៃចន្ទ ទី ១៣ ខែកុម្ភៈ ឆ្នាំ ២០១២។
២៩-មិថុនា-២០១១៖ ខៀវ សំផន ក្នុងអំឡុងពេលសវនាការបឋមសំណុំរឿង ០០២ នៃសាលាក្ដីខ្មែរក្រហម ថ្ងៃទី៣
ឯកសារទាំងនេះភាគច្រើន ទាក់ទងនឹងជនជាប់ចោទ ខៀវ សំផន ដែលជាខ្លឹមសារដកស្រង់ពីទំព័រសារព័ត៌មាន បទសម្ភាសន៍ និងសេចក្ដីថ្លែងការណ៍នានា។
ពេលអានអំពីប្រវត្តិបក្សកុម្មុយនិស្តកម្ពុជា មកដល់ត្រង់ទំនាក់ទំនងរវាងសម្ដេច សីហនុ ប៉ុល ពត និងលោក ជូ អេន ឡាយ (Zhou Enlai) អតីតនាយករដ្ឋមន្ត្រីនៃសាធារណរដ្ឋប្រជាមានិតចិន នៅចុងទសវត្សឆ្នាំ ១៩៦០ សហព្រះរាជអាជ្ញាបានស្រង់សម្ដីរបស់ជនជាប់ចោទ ខៀវ សំផន ដែលថា អតីតព្រះមហាក្សត្រសម្ដេចព្រះ នរោត្ដម សីហនុ ពាក់ព័ន្ធនឹងការស្លាប់របស់អតីតកម្មាភិបាលជាន់ខ្ពស់ ២ រូប គឺលោក ហ៊ូ យន់ និង ហ៊ូ នឹម។
សំឡេងអានឯកសាររបស់សហព្រះរាជអាជ្ញា៖ «ជូ អេនឡាយ ធ្វើជាអន្តរការីរវាងបុគ្គលទាំងអស់នោះ។ ខៀវ សំផន បានបញ្ជាក់ថា នៅក្នុងលិខិតឆ្លើយឆ្លងនោះ ប៉ុល ពត បានបញ្ជូនលិខិតគាំទ្រមួយច្បាប់ទៅសម្ដេច សីហនុ ដែលក្នុងនោះហត្ថលេខាដោយ ហ៊ូ យន់ ហ៊ូ នឹម និង ខៀវ សំផន។ អ្នកទាំងពីរចុងក្រោយនេះ គឺត្រូវបានស្លាប់តាមការបញ្ជារបស់សម្ដេច សីហនុ»។
ការស្រង់សម្ដីនេះ ជនជាប់ចោទ ខៀវ សំផន នៅមិនទាន់មានឱកាសឆ្លើយតបទេ ហើយសហព្រះរាជអាជ្ញានឹងថ្លែងបញ្ជាក់បន្ថែមទៀត នៅថ្ងៃអង្គារទី ១៤ កុម្ភៈ៕
អាស៊ីសេរី
No comments:
Post a Comment
yes