បញ្ហាពុំមានការងារធ្វើនៅក្នុងស្រុក ជំរុញឲ្យមានការជួញដូរមនុស្ស ធ្ងន់ធ្ងរនៅកម្ពុជា

ភ្នំពេញ៖ មានកត្តាជាច្រើនដែលធ្វើឲ្យមានបទឧក្រិដ្ឋជួញដូរមនុស្សកើនឡើងនៅក្នុងប្រទេសកម្ពុជា

 ក្នុងនោះមូលហេតុធំជាងគេគឺបញ្ហាពុំមានការងារធ្វើដែលបណ្តាលឲ្យប្រជាពលរដ្ឋខ្មែរលួចឆ្លងដែន

ដោយខុសច្បាប់ទៅរកការងារធ្វើនៅប្រទេសជិតខាងនិងប្រទេសក្នុងតំបន់ ហើយអ្នកខ្លះត្រូវបាន

មេខ្យល់បោកយកទៅលក់កម្លាំងពលកម្មឲ្យធ្វើជាទាសករលើទូកនេសាទរបស់ថៅកែដែលជាជន

ជាតិសៀម និងឥណ្ឌូនេស៊ី ។

          ជាក់ស្តែងថ្មីៗនេះ​ ប្រជាពលរដ្ឋខ្មែរដែលក្លាយជាទាសករលើទូកនេសាទរបស់ថៅកែ​ដែល​ជា​ជនជាតិសៀម ជាច្រើននាក់ត្រូវបានជួយសង្គ្រោះឲ្យវិលត្រឡប់មកកាន់ស្រុកកំណើតវិញក្រោយ​

ពេលដែលពួកគេរត់គេចចេញពីទូកនេសាទនោះចូលចតក្នុងកំពង់ផែមួយនៃប្រទេសឥណ្ឌូនេស៊ី ។ ដូចនេះបញ្ហាពុំមានការងារធ្វើគឺជាកត្តាធំបំផុតដែលធ្វើឲ្យប្រជាពលរដ្ឋខ្មែរងាយរងគ្រោះដោយសារ

អំពើជួញដូរមនុស្ស ជួញដូរកម្លាំងពលកម្ម ហើយអ្នកខ្លះត្រូវស្លាប់បាត់បង់ជីវិតថែមទៀតផង។

 ហើយ

ប្រសិនបើនៅក្នុងប្រទេសកម្ពុជា មានការងារធ្វើមានប្រាក់ចំណុល​សមរម្យ​សម្រាប់ដោះស្រាយជីវ

ភាពគឺពុំមានប្រជាពលរដ្ឋខ្មែរណាម្នាក់ផ្សងព្រេងនិងគ្រោះថ្នាក់ទៅរកការងារធ្វើនៅប្រទេសជិតខាងនិងប្រទេសក្នុងតំបន់នោះឡើយ ។ទាំងអស់ នេះគឺជាភាពកុំសោយ​របស់​រដ្ឋាភិបាលដែលដឹកនាំ

ដោយលោកនាយករដ្ឋមន្រ្តីហ៊ុន សែន ដែលមិនបានរកការ​ងារធ្វើ ជូនប្រជាពលរដ្ឋគិតតែពីដំឡើង

តម្លៃទំនិញនៅលើទីផ្សារខ្ពស់កប់ពពក ហើយបណ្តែតបណ្តោយឲ្យជនអន្តោប្រវេសន៏យួនខុសច្បាប់

ចូលមករស់នៅលើទឹកដីខ្មែរកាន់តែច្រើនឡើងៗយ៉ាង​អាណាធិបតេយ្យទៅវិញ ។

          ទាក់ទិនទៅនិងការលំហូរចូលរបស់ជនអន្តោប្រវេសន៏យួនខុសច្បាប់នេះផងដែរលោក

គីមសួរ ភីរិទ្ធិ តំណាងរាស្រ្តគណបក្ស សម រង្ស៊ី មណ្ឌលកំពង់ចាមបានលើកឡើងថាដោយសារ

តែរដ្ឋាភិបាលមិនបានយកច្បាប់អន្តោប្រវេសន៏មកអនុវត្តហើយបណ្តោយឲ្យនិគមយួនមករស់​

នៅ​លើទឹកដីកម្ពុជា រហូតដល់មានការអនុញ្ញាត្តិឲ្យជនជាតិយួនមានសិទ្ធិបង្កើតសមាគមន៏នៅ

ទូទាំងប្រទេសថែមទៀតផង បើនិយាយឲ្យខ្លីនេះដោយសារតែរដ្ឋាភិបាលរបស់លោកនាយករដ្ឋ

មន្រ្តី ហ៊ុន សែន ជាប់ជំពាក់គុណរបស់យួន ដែលទាំងអស់នេះគឺជាកំហុសរបស់រដ្ឋាភិបាល។

          សូមជំរាបផងដែរថាកាលពីពេលថ្មីៗ ក្រុមប្រឹក្សាអភិវឌ្ឍន៏កម្ពុជាបានចេញរបាយការណ៏

មួយបានបង្ហាញថា កាលពីឆ្នាំ២០១១ រដ្ឋាភិបាលបានចេញអជ្ញាប័ណ្ណសម្រាប់គម្រោងអភិវឌ្ឍន៏

របស់ក្រុមហ៊ុនបរទេសនិងក្រុមហ៊ុនក្នុងស្រុកចំនួនប្រមាណ១៦៤អាជ្ញាប័ណ្ណដែលមានតម្លៃ

ប្រមាណ៧ពាន់លានដុល្លា របាយការន៏ដដែលនេះបានឲ្យដឹងបន្តទៀតថា គម្រោងអភិវឌ្ឍន៏

ឯកជនបានកើនឡើងប្រមាណ១៦០ភាគរយ បើប្រៀបធៀបទៅនិងឆ្នាំ២០១០ដែលមានទឹកប្រាក់

ប្រមាណ៣ពាន់លានដុល្លា ។ តាមរបាយការណ៏បានបង្ហាញទៀតថាក្រុមហ៊ុនបរទេសដែលមាន

ទុនវិនិយោគធំជាងគេគឺក្រុមហ៊ុនមកពីចក្រភពអង់គ្លេស ដែលបានវិនិយោគលើគម្រោងបង្កើត

រោងចក្រផលិតជីនិងផលិតសម្លៀកបំពាក់ដោយសន្យាវិនិយោគលើតម្លៃប្រមាណ២ពាន់លាន

ដុល្លា ។ ដូច្នេះបើតាមទុនវិនិយោគដែលបានកើនឡើងយ៉ាងខ្លាំងកាលពីឆ្នាំ២០១១នោះ គួរ

ណាស់តែរដ្ឋាភិបាលដែលដឹកនាំដោយលោក ហ៊ុន សែន គិតគូរបង្កើតការងារនៅក្នុងស្រុក

សម្រាប់ប្រជាពលរដ្ឋខ្លួនឯងធ្វើដើម្បីបានប្រាក់ចំណូលសមរម្យដោះស្រាយជីវភាបប្រចាំថ្ងៃ ។

ប៉ុន្តែជាក់ស្តែតរដ្ឋាភិបាលដែលដឹកនាំដោយលោកនាយករដ្ឋមន្រ្តី ហ៊ុន សែន មិនគិតគូរបង្កើត

ការងារសម្រាប់ពលរដ្ឋខ្លួនទេបើទោះបីរដ្ឋាភិបាលមានផែនការពង្រឹងវិស័យកសិកម្ម ដើម្បីនាំ

អង្ករចេញទៅក្រៅប្រទេសឲ្យបានរាប់លានតោនចាប់ពីឆ្នាំ២០១៥ក៏ដោយ ។ប្រការនេះហើយ

ដែលធ្វើឲ្យប្រជាពលរដ្ឋខ្មែររាប់ពាន់ម៉ឺននាក់បន្តឆ្លងដែនដោយខុសច្បាប់ទៅរកការងារធ្វើនៅក្នុង

ប្រទេសសៀមនិងប្រទេសជិតខាងមួយចំនួនទៀត ហើយត្រូវបានអាជ្ញាធរនៃប្រទេសទាំងនោះ

ចាប់បញ្ជូនត្រឡប់មកកាន់ប្រទេសកម្ពុជាវិញជាបន្តរបន្ទាប់ ហើយមានពលករខ្លះត្រូវបានស្លាប់

បាត់បង់ជិវិតនៅលើទឹកដីនៃប្រទេសនោះថែមទៀតផង ៕