ABC Radio Australia
 |
| លោកស្រី Dang Thi Hoang Yen ។ |
លោកស្រី Dang Thi Hoang Yen ដែលជាប្រធានក្រុមហ៊ុន Tan Tao Group បានរងការចោទប្រ កាន់ពីបទមិនបានផ្តល់ព័ត៌មានលម្អិតអំពីអាពាហ៍ពិពាហ៍ និងគណបក្ស នៅពេលដែលលោកស្រីបានដាក់ពាក្យធ្វើជាបេក្ខជនសមាជិករដ្ឋសភា។
ទីភ្នាក់ងារសារព័ត៌មាន AFP រាយការណ៍ថា លោកស្រី Yen ដែលជាអ្នកមានទ្រព្យច្រើនជាងគេ បំផុតទី៣៧នៅក្នុងប្រទេសវៀតណាមក្នុងឆ្នាំ២០១១ មិនបានប្រាប់អាជ្ញាធរអំពីការពិតថា ប៉ូលិស កំពុងតាមចាប់ខ្លួនស្វាមីរបស់លោកស្រី។
លោកស្រី Yen បានរៀបការជាមួយលោក Jimmy Tran អាយុ៥៧ឆ្នាំ ដែលជាជនជាតិអាម៉េរិក មានដើមកំណើតវៀតណាម។នៅក្នុងឆ្នាំ២០១០ ក្រសួងសន្តិសុខសាធារណៈបានចោទលោក Tran ដែលសព្វថ្ងៃនេះរស់នៅក្នុងសហរដ្ឋអាម៉េរិក ពីបទរំលោភសេចក្តីទុកចិត្តដើម្បីកេងបន្លំ អចលទ្រព្យជាច្រើននៅឯក្រុមហ៊ុនឯកជនមួយ។
ទីភ្នាក់ងារសារព័ត៌មាន AFP បានដកស្រង់សម្តីរបស់វ៉ិបសាយត៍ VNExpress ថា សមាជិករដ្ឋសភាបានបោះឆ្នោតដើម្បីសុំឲ្យរដ្ឋសភាវៀតណាមដកសមាជិកភាពរបស់លោកស្រី។
នៅក្រោមច្បាប់វៀតណាម សមាជិកសភាអាចត្រូវគេដកតំណែងពីបទផ្តល់ព័ត៌មានមិនពិតនៅ ក្នុងពាក្យសុំធ្វើជាបេក្ខជនសមាជិករដ្ឋសភា។
ប៉ុន្តែ អ្នកវិភាគនិយាយថា ការប្រកាសទោសកំហុសជុំវិញករណីលោកស្រី Yen បង្ហាញថា លោកស្រី Yen ត្រូវបានគេរៀបចំជាទិសដៅវាយប្រហារពីសំណាក់អ្នកនយោបាយមួយចំនួនដែលមានការច្រណែននឹងទ្រព្យសម្បត្តិ និង ជោគជ័យរបស់លោកស្រី៕
No comments:
Post a Comment
yes