1 of 7 
មហាសេដ្ឋីពាន់លានរបស់ Facebook លោក ម៉ាក ហ្សាក់កឺប៊ឺក បានចំណាយលុយ ៣២ អឺរ៉ូ (៤០ដុល្លារ) លើអាហារបែបរ៉ូមែនទិក ជាមួយកូនក្រមុំថ្មីរបស់ខ្លួន នារាត្រីទឹកឃ្មុំនៅអ៊ីតាលីរបស់ពួកគេ។
លោកហ្សាក់កឺប៊ឺក អាយុ ២៨ឆ្នាំ និងនាង ព្រីសស៊ីលឡា ចាន់ អាយុ ២៧ឆ្នាំ ត្រូបានគេប្រទះឃើញទទួលទានអាហារថ្ងៃត្រង់ នៅភោជនីយដ្ឋាន Kosher ដែលគេហៅថា Nonna Betta នៅក្នុងប្លុក Jewish Ghetto របស់ក្រុងរ៉ូម ជាទីដែលពួកគេត្រូវបានអ្នកទទួលទានអាហារដូចគ្នាថតបាន។
ពួកគេបានចូលទៅញ៉ាំបន្លែអាទីសូ សាច់រ៉ាវីអូលីចជ្រលក់ជាមួយទឹកបន្លែអាទីសូ និងផ្កាល្ពៅបំពងតាមបែបរ៉ូម៉ាំងតម្លៃថោកៗ ប៉ុន្តែពួកគេពុំផឹកសុរានោះទេ ដោយគ្រាន់តែផឹកទឹកធម្មតា និងទឹកតែប៉ុណ្ណោះ។ គ្រាន់តែពួកគេចាកចេញពីភោជនីយដ្ឋានមិនបានប៉ុន្មាននាទីផង ម្ចាស់ភោជនីយដ្ឋាន លោក Umberto Pavoncello បានប្រកាសថា ប្តីប្រពន្ធមួយគូនេះ បានមកញ៉ាំនៅភោជនីយដ្ឋានរបស់ខ្លួន ចំណែកឯពាក្យចចាមអារ៉ាមវិញ ក៏បានខ្ចរខ្ចាយយ៉ាងលឿនតាមរយៈ Twitter ផងដែរ។
វិក្កយបត្រតម្លៃ ៣២ អឺរ៉ូ របស់ប្តីប្រពន្ធមួយគូនេះ ត្រូវបានវ៉ិបសាយព័ត៌មានអ៊ីតាលីបង្ហោះតាមអ៊ីនធឺណិតផងដែរ ហើយលោក Pavoncello បាននិយាយថា "ពួកគេហាក់ដូចជាបក្សីស្នេហ៍មួយគូអ៊ីចឹង។ ពួកគេបានដាក់ចានបន្លែអាទីសូ នៅចំកណ្តាលតុ ដើម្បីចែករំលែកអាហារជាមួយគ្នា។ វាគឺជាទិដ្ឋភាពដ៏រ៉ូមែនទិកមែន"។
ប្តីប្រពន្ធមួយគូនេះ ត្រូវគេជឿថា បានមកដល់ក្រុងរ៉ូមតាមរយៈយន្តហោះឯកជន និងស្នាក់នៅបន្ទប់សណ្ឋាគារ Portrait ដ៏ប្រណីត លំដាប់ផ្កាយប្រាំ ដែលមានតម្លៃមួយយប់ ៨០០ អឺរ៉ូ (១០០៣ ដុល្លារ) ។ លោកហ្សាក់កឺប៊ឺក និងកូនក្រមុំថ្មីរបស់លោក បានស្នាក់នៅក្នុងបន្ទប់មួយ ដែលអាចមើលឃើញព្រះវិហារ Trinita dei Monti ជាវិហារកាតូលិក ស្ថិតនៅកំពូលជណ្តើរ Spanish Steps និងបានរីករាយជាមួយអាហារពេលព្រឹក នៅក្នុងបន្ទប់របស់ពួកគេរៀងរាល់ព្រឹក មុនពេលធ្វើដំណើរជុំវិញទីក្រុងរ៉ូម តាមរយៈរថយន្តច្រើនបាំង សម្រាប់ដឹកភ្ញៀវទេសចរ៕ K
No comments:
Post a Comment
yes