កោះកុង: កូនប្រុសលោក ឈុត វុទី្ធ ឈ្មោះ ឆឺយ ឧត្តមរសី្ម បានមកទទួលយកសម្ភារៈរបស់ឪពុកទៅវិញហើយ កាលពីព្រឹកថៃ្ងទី១៣ ខែមិថុនា ឆ្នាំ២០១២នេះ។
មន្ត្រីអង្គការសិទិ្ធមនុសប្រចាំនៅខេត្តកោះកុង បានឲ្យដឹងថា សម្ភារៈដែលទទួលបាននោះ រួមមាន រថយន្ត ទូរស័ព្ទដៃ វិទ្យុទាក់ទង ពិល នាឡិកាដៃ ម៉ាស៊ីនថតរូប ប្រដាប់វាស់ស្ទង់ (GPS) កាបូបលុយ ប័ណ្ណសម្គាល់ខ្លួន ព្រមទាំងឯកសារពាក់ព័ន្ធមួយចំនួនទៀត។
លោក អ៊ិន គង់ជិត មន្ត្រីអង្គការលីកាដូ បានប្រាប់ថា សម្ភារៈទាំងនោះ គឺបានរក្សាទុកនៅទីបញ្ជាការដ្ឋានប៉េអឹមខេត្តកោះកុង ចាប់តាំងពីថៃ្ងលោក (ឈុត វុទី្ធ) ត្រូវគេបាញ់សម្លាប់មក ហើយពុំមានអី្វបាត់បង់នោះទេ គឺនៅគ្រប់ចំនួនតាមពាក្យសើ្នសុំ។
សូមបញ្ជាក់ថា កាលពីថៃ្ងទី១៨ ខែឧសភា ឆ្នាំ២០១២ កូនប្រុសរបស់លោក ឈុត វុទី្ធ ឈ្មោះ ឆឺយ ឧត្តមរសី្ម បានដាក់ពាក្យស្នើសុំមកកាន់លោកព្រះរាជអាជ្ញាអមតុលាការខេត្តកោះកុង ដើម្បីយកសម្ភារៈឪពុកខ្លួនទៅវិញ។
នៅព្រឹកថៃ្ងទី១៣ ខែមិថុនានេះដែរ សាក្សីក្នុងសំណុំរឿងបាញ់សម្លាប់លោក ឈុត វុទី្ធ ម្នាក់ទៀត ឈ្មោះ ប៊ូ អង អាយុ ៣៧ឆ្នាំ ដែលជាកម្មកររបស់ក្រុមហ៊ុន Timber Green ក៏បានចូលមកបំភឺ្ល នៅឯតុលាការខេត្ត តាមការកោះហៅផងដែរ។
សូមរម្លឹកថា លោក ឈុត វុទី្ធ សកម្មជនព្រៃឈើ ត្រូវបានគេបាញ់សម្លាប់កាលពីវេលាថៃ្ងត្រង់ ថៃ្ងទី២៦ ខែមេសា ឆ្នាំ២០១២ នៅចំណុចវាលបី ឃុំប៉ាក់ខ្លង ស្រុកមណ្ឌលសីមា ខេត្តកោះកុង ខណៈពេលដែលលោក និងស្ត្រីអ្នកកាសែត The Cambodia Daily ពីររូបផ្សេងទៀត បានធើ្វដំណើរទៅកាន់ទីនោះ៕ K
No comments:
Post a Comment
yes