រាជធានីភ្នំពេញ ៖អតីតតារាកំប្លែងក្នុងក្រុមនាយកុយនាង រ៉េន សុធារី ហៅ ឃ្មឹបកំពុងតែពុះពារក្នុងឆាកជីវិតយ៉ាងលំបាកដើម្បីរកប្រាក់ចិញ្ចឹមប្អូនពៅ និងកូនប្រុសម្នាក់ទៀត បន្ទាប់ពីនាងបាក់បែកពីស្វាមី គឺនាយហុងដា ។ក្រោយពីការបែកបាក់គ្រួសារជាង២ឆ្នាំមកនេះ ឆាកជីវិតរបស់នាងឃ្មឹបបានជួបប្រទះព្យុះភ្លៀងយ៉ាងច្រើនក្នុងការខិតខំរកប្រាក់សម្រាប់ទ្រទ្រង់ជីវភាពប្រចាំថ្ងៃ ខណៈដែលចំណូលពីសិល្បៈហាក់មិនសូវកាក់កបដូចពីពេលមុននោះ។
គេសង្កេតឃើញថាពេលនៅរួមរស់ជាមួយនាយហុងដា នាងឃ្មឹបហាក់មានសាច់ឈាមស្រស់ថ្លា និងមានរូបសម្រស់ស្រស់សោភា តែក្រោយពេលបែកបាក់គ្នានាងហាក់ចេះស្គមស្គាំង ច្រើន និងស្លេកស្លាំងដែលមើលទៅមិនដូចជារូបរាងនាងកាលពីពេលមុនឡើយ ។ការធ្លាក់ខ្លួនដូច្នេះដោយសារតែតារាកំប្លែងរូបនេះមានការលំបាកច្រើន ពោលគឺនាងបានខិតខំទាំងថ្ងៃទាំងយប់ក្នុងការរកប្រាក់មកចិញ្ចឹមគ្រួសារស្ទើរគ្មានពេលសម្រាក ។
នាងអះអាងថា បច្ចុប្បន្នក្រៅពីការងារចេញសម្តែងតាមបណ្តាខេត្តនោះ នាងឆ្លៀតពេលច្រៀងនៅតាមភោជនីយដ្ឋានទៀត គឺសព្វថ្ងៃនេះ នាងកំពុងតែច្រៀងនៅភោជនីយដ្ឋានបុប្ជារាជិនី ក្នុងរាជធានីភ្នំពេញ ។ ក្រៅពីនេះ នាងមានការងារមួយផ្សេងទៀត គឺជាសន្តិសុខយាមនៅអគាររដ្ឋសភាជាការងារនាងធ្វើជាយូរណាស់មកហើយ ។
ទោះជាយ៉ាងណាក្តី នាងឃ្មឹបបញ្ជាក់ថា ចំណូលដែលបានមកពីការងារទាំងនោះនៅមិនទាន់គ្រប់គ្រាន់នៅឡើយទេ ដោយសាររៀងរាល់ខែនាងត្រូវចំណាយលើការហូបចុក និងថ្លៃផ្ទះ ថ្លៃភ្លើង ព្រមទាំងត្រូវរ៉ាប់រងចិញ្ចឹមប្អូនពៅនិងកូនប្រុសម្នាក់ទៀត ។
ក្រោយពេលបែកបាក់ពីនាយហុងដានោះ នាងឃ្មឹបបានទៅស្រវារកបុរសម្នាក់ដែលគេអះអាងថា ជាស្វាមីក្រោយរបស់នាង ប៉ុន្តែមិនយូរប៉ុន្មានផងបុរសនោះផ្តាច់ការទាក់ទងពីនាងធ្វើឲ្យនាងត្រូវបង្ខំចិត្តងាកមកចូលសិល្បៈវិញ ។
ក្រោយពេលបែកបាក់ពីនាយហុងដានោះ នាងឃ្មឹបបានទៅស្រវារកបុរសម្នាក់ដែលគេអះអាងថា ជាស្វាមីក្រោយរបស់នាង ប៉ុន្តែមិនយូរប៉ុន្មានផងបុរសនោះផ្តាច់ការទាក់ទងពីនាងធ្វើឲ្យនាងត្រូវបង្ខំចិត្តងាកមកចូលសិល្បៈវិញ ។
ក្នុងដំណើរបកក្រោយនេះ នាងឃ្មឹបមានឱកាសបង្ហាញខ្លួនតាមកញ្ចក់ទូរទស្សន៍តិចតួចតែប៉ុណ្ណោះ ហើយមិនមែនស្ថិតក្នុងការសម្តែងកំប្លែងឡើយ គឺច្រៀងទៅវិញ ។ជុំវិញបញ្ហានេះ នាងឃ្មឹបនិយាយថា «ខ្ញុំចូលសិល្បៈវិញយូរហើយគ្រាន់តែមិនសូវបានចេញមុខ ព្រោះមួយរយៈនេះខ្ញុំជាប់រវល់ចេញទៅសម្តែងតាមខេត្តជាមួយលោកពូឃ្លោក ហើយឆាប់ៗនេះខ្ញុំនឹងបង្ហាញមុខតាមកញ្ចក់ទូរទស្សន៍ជាថ្មីម្តងទៀត» ។
នាង រ៉េន សុធារី ហៅ ឃ្មឹប មានវ័យជិត៣០ឆ្នាំ ។ នាងបានចូលប្រឡូកក្នុងពិភពសិល្បៈតាំងពីឆ្នាំ១៩៩៩មក ជាមួយឪពុករបស់នាង គឺនាយជី វ៉ាន់ស៊ុយ ។ ខណៈនាងកសាងភាពថ្កុំថ្កើងនៅក្នុងក្រុមកំប្លែងនាយកុយ ស្រាប់តែនាងបាក់បែកជាមួយ នាយហុងដាគួរឱ្យភ្ញាក់ផ្អើលក្រោយពីបានរួមរស់ជាមួយគ្នាអស់រយៈពេល១២ឆ្នាំមកនោះ។
ការបាក់បែកនោះ នាងបានទទួលចំណែកពីនាយហុងដា នូវរថយន្តមួយគ្រឿង និងកូនប្រុសពៅម្នាក់ដែលបច្ចុប្បន្នមានអាយុប្រហែលជា១០ឆ្នាំហើយ ។ បច្ចុប្បន្ន តារាកំប្លែង នាងឃ្មឹបហាក់ស្រអាប់ពណ៌ទៅហើយ តែគេនៅតែស្រមៃដល់ភាពភ្លឺចែងចាំងរបស់នាងគ្រាមុន ៕
No comments:
Post a Comment
yes