ភ្នំពេញៈ តារាសម្តែងតួឆ្នាស់ឆ្នើមគ្មានគូប្រៀបអ្នកនាង ស្វែង សុជាតា បានបញ្ចេញនូវរូបភាពបឺតជញ្ជក់មាត់ក្តៅរោលរាលគួរឲ្យភ្ញាក់ផ្អើល នៅតាមទីសាធារណៈមិនធ្លាប់មានជាមួយនឹងគូស្នេហ៍ថ្មីរបស់ខ្លួន កាលពីម្សិលមិញនេះ។
តារាសម្តែងមេម៉ាយកូនបីអ្នកនាង ស្វែង សុជាតា ធ្លាប់ប្រាប់ភ្នំពេញ ប៉ុស្តិ៍ ថា នាងមិនទាន់គិតពីចំណងស្នេហ៍ថ្មីឡើយក្នុងអំឡុងពេលនេះ ខណៈដែលស្នាមស្នេហ៍អតីតដ៏ជូរចត់នៅតែជាស្រមោលតាមលងបន្លាចនាង នោះ ហើយនាងបានដាក់គម្រោងសម្រាប់ខ្លួនឯងថា នៅវ័យ៣៥ឆ្នាំទើបសមគួរសម្រាប់ជីវិតស្នេហ៍ថ្មីរបស់នាង។
នាងធ្លាប់និយាយថា៖ «ខ្ញុំបានតាំងចិត្តរួចហើយ ពេលនេះមិនទាន់ដល់ពេលដែលខ្ញុំគិតអារឿងប្តីសីនោះទេ លុះណាតែវ័យខ្ញុំហ្នឹងឆ្លងផុត៣៥ឆ្នាំនោះប្រហែលជាគិត»។
ប៉ុន្តែហាស្តីថាមិនទាន់ចង់បានប្តីថ្មីមិនបានប៉ុន្មានផង បែរជាតារាសម្តែងវ័យ៣២ឆ្នាំរូបនេះ បានបង្ហោះរូបថតឱបថើបគ្នាជាមួយនឹងបុរសម្នាក់លើទំព័រហ្វេសប៊ុក របស់នាងដែលគេសង្ស័យថា ជាមន្ត្រីយោធាម្នាក់។ នៅក្នុងរូបនោះ អ្នកនាង ស្វែង សុជាតា និងគូស្នេហ៍ បានសម្តែងកាយវិការផ្អែមល្ហែម និងបានឱបថើប បឺតជញ្ជក់មាត់គ្នាបែបស្ទីលអឺរ៉ុបយ៉ាងរោលរាលគួរឲ្យព្រឺព្រួច បើទោះបីពួកគេទាំងពីរកំពុងស្ថិតនៅទីសាធារណៈក៏ដោយ។
ពាក់ព័ន្ធនឹងបញ្ហានេះ អ្នកនាង ស្វែង សុជាតា មិនអាចទាក់ទងសុំការបកស្រាយបានទេកាលពីម្សិលមិញ ខណៈដែលទូរស័ព្ទរបស់នាងគ្រប់ប្រព័ន្ធបានបិទទាំងអស់។
ប៉ុន្តែភាពភ្ញាក់ផ្អើលនេះ ត្រូវបានតារារូបនេះសរសេរនៅលើប្រព័ន្ធហ្វេសប៊ុករបស់ខ្លួនពាក់ ព័ន្ធនឹងរូបថតនេះឆ្លើយតបនឹងប្រិយមិត្តទស្សនិកជនថា រូបនោះពិតជានាង និងមិត្តប្រុស១០០ភាគរយ មិនមែនជាការសម្តែងនៅក្នុងភាពយន្តនោះឡើយ។
នាងសរសេរនៅបណ្តាញសង្គមហ្វេសប៊ុករបស់នាងថា៖ «ចាស៎ គឺខ្ញុំមិនមែនថតរឿងទេ វាជាការពិត»។
ពេលដែលមានប្រិយមិត្តជាច្រើនបន្ទោសនាងថា មិនគួរធ្វើបែបនេះ នៅទីសាធារណៈដោយបើកចំហនោះ តារាសម្តែងឆ្នាស់ឆ្នើមរូបនេះបានចោទសួរវិញថា៖«តើមានច្បាប់ ឯណាហាមឃាត់មនុស្សពីរនាក់ស្រឡាញ់គ្នាកុំឲ្យឱបថើបនៅទីសាធារណៈទេ ?»៕
No comments:
Post a Comment
yes