មេធាវីបាននិយាយថា អតីជំទប់ទី២ឃុំ បន្ទាយដែក ស្រុក កៀនស្វាយ ខេត្ត កណ្ដាល ពីគណបក្សសម រង្ស៊ី ដែលជាប់ចោទពីបទផ្តើមគំនិតប្រើអំពើហិង្សាដោយចេតនានៅក្នុងសំណុំរឿងដីធ្លីមួយកាលពីជាងមួយឆ្នាំមុន ត្រូវបានតុលាការដោះលែងឲ្យមានសេរីភាពវិញហើយកាលពីល្ងាចថ្ងៃទី១២ កញ្ញាម្សិលមិញ ។
លោក មាស ប៉េង អតីតជំទប់ទី២ឃុំបន្តាយដែក ពីគណបក្សសម រង្ស៊ី
លោក ជូង ជូងី មេធាវីការពារក្ដីឲ្យលោក មាស ប៉េង បានថ្លែងប្រាប់ទស្សនាវដ្ដីសារព័ត៌មានសេរីនាព្រឹកថ្ងៃទី១៣កញ្ញានេះថា ” ខ្ញុំគ្រាន់តែដឹងថា លោក មាស ប៉េង ត្រូវបានតុលាការដោះលែងកាលពីល្ងាចម្សិលមិញ …”។
លោក មាស ប៉េង ត្រូវបានចោទដោយតុលាការខេត្ត កណ្ដាលពីបទផ្ដួចផ្ដើមគំនិតឲ្យមានការប្រើប្រាសអំពើហិង្សាទៅលើអ្នកកាន់ កាប់អចលនវត្ថុដោយសុចរិតទាកទងសំណុំរឿងដីធ្លីមួយនៅក្នុងភូមិ ព្រែកត្រែង ឃុំ សំរោងធំ ស្រុក កៀនស្វាយ ខេត្ត កណ្តាល កាលពីថ្ងៃទី១០ និង ១១ ខែ ឧសភា ឆ្នាំ២០១១ ។
អតីតមេឃុំបន្ទាយដែករូបនេះត្រូវបានចាប់ឃុំខ្លួនកាលពីថ្ងៃទី ២៣ កញ្ញា ឆ្នាំ២០១១ , ប៉ុន្តែដោយសារការឃុំខ្លួននោះពុំមានឯកសារបញ្ជាក់ត្រឹមត្រូវពីតុលាការ លោក ជួង ជូងី បានស្នើឲ្យប្រធានពន្ធនាគារដោះលែង ។ ដែលបញ្ហានេះនាំឲ្យមានចោទប្រកាន់ដ៏ចម្រូងចម្រាសទៅលើលោក ជូង ជូងី ពីបទដោះលែងអ្នកទោស និង អ្នកតំណាងរាស្ត្រពីរនាក់ទៀតពីគណបក្សសមរង្ស៊ីពីបទ ពីបទផ្ដល់មធ្យោបាយឲ្យអ្នកទោសរត់គេចខ្លួន ។ ហើយលោក មាស ប៉េង ត្រូវបានចាប់ខ្លួនជាថ្មីកាលពីថ្ងៃទី ១២ ខែ មិថុនា ឆ្នាំ ២០១២ ។ លោក ជូង ជូងី មិនប្រាកដថា តើការដោះលែងនេះយោងទៅលើអ្វីទេ ? ៕
No comments:
Post a Comment
yes