ប្រតិភូសភានៃប្រទេសកម្ពុជា បានធ្វើពហិកានៃកិច្ចប្រជុំសភាអន្តរជាតិប្រទេសអ៊ីតាលី បន្ទាប់ពីមានការសួរដេញដោលករណី លោក សម រង្ស៊ី ប្រធានគណបក្សប្រឆាំងកម្ពុជា។
យោងតាមសារអេឡិចត្រូនិចរបស់គណបក្សសង្គ្រោះជាតិ បានឲ្យដឹងថា លោក ឈាង វុន ដែលដឹកនាំប្រតិភូសភាកម្ពុជាមួយក្រុម បានដើរចេញពីកិច្ចប្រជុំសភាអន្តរជាតិ ដែលធ្វើឡើងនៅទីក្រុងរ៉ូម ប្រទេសអ៊ីតាលី ដោយសារតែសមាជិកសភាមួយចំនួនរបស់ប្រទេសអ៊ីតាលី បានសួរនាំលោក ឈាង វុន អំពីករណីរបស់លោកសម រង្ស៊ី និងបន្ទាប់ពីលោក ឈាន វុន បានបរាជ័យក្នុងការបញ្ចុះបញ្ចូលសភាអ៊ីតាលី ស្នើឲ្យដកលោក សម រង្ស៊ី ចេញពីបញ្ជីឈ្មោះកិច្ចប្រជុំ។
សារអេឡិចត្រូនិចដដែល បានបញ្ជាក់ថា ភ្លាមនោះធ្វើឲ្យមានការភ្ញាក់ផ្អើលក្នុងកិច្ចប្រជុំ ប៉ុន្តែប្រធានសភាប្រទេសអ៊ីតាលី និងសមាជិកសភាប្រទេសផ្សេងៗទៀត មិនបានព្យាយាមបញ្ចុះបញ្ចូលលោក ឈាង វុន និងប្រតិភូ ឲ្យបន្តកិច្ចប្រជុំនោះទេ ហើយក្រោយមក មានតែលោក សម រង្ស៊ី លោកស្រី ជូ ឡុងស៊ូមារ៉ា បានចូលរួមប្រជុំរហូតដល់បិទបញ្ចប់កិច្ចប្រជុំ។
សូមជម្រាបថា កិច្ចប្រជុំសភាអន្តរជាតិ ស្តីអំពីការវិវឌ្ឍន៍នៃដំណើរការរបស់តុលាការឧក្រិដ្ឋកម្មអន្តរជាតិ ICCដែលបានធ្វើឡើងនៅទីក្រុងរ៉ូម ប្រទេសអ៊ីតាលី គឺជាកិច្ចប្រជុំលើកទី៧ របស់ខ្លួន ដោយមានសមាជិកសភាមកពីប្រទេសកម្ពុជា ចូលរួមផងដែរ។ ចំណែកលោក សម រង្ស៊ី ប្រធានគណបក្សប្រឆាំងកម្ពុជា ត្រូវបានអញ្ជើញក្នុងនាមជាអ្នកតំណាងរាស្ត្រជាប់ឆ្នោត បើទោះបីលោកបានបាត់បង់អភ័យឯកសិទ្ធិក៏ដោយ ៕
No comments:
Post a Comment
yes