លោក ហ៊ុន សែន ខ្លាចវត្តមានលោក សម រង្ស៊ី នៅកម្ពុជា

ប្រមុខថ្នាក់ដឹកនាំកម្ពុជាសព្វថ្ងៃ បាននិងកំពុងតែខ្លាចប្រជាប្រិយភាពរបស់លោក សម រង្ស៊ី ប្រ ធានគណបក្ស សង្គ្រោះជាតិយ៉ាងខ្លាំង ដោយធ្វើការបិទផ្លូវមិនឲ្យលោក សម រង្ស៊ី បានវិលមក កម្ពុជាវិញ ដើម្បីធ្វើការប្រគួតប្រជែងគ្នាដោយស្មើភាពឡើយ ។

ជារៀងរាល់ពេលលោក ហ៊ុន សែន តែងតែធ្វើការបដិសេធរហូត ចំពោះវត្តមានរបស់លោក សម រង្ស៊ី វិលមកកម្ពុជា មិនថាចំពោះអ្នកណាលើកឡើងនោះទេ ។ តែទោះជាលោក ហ៊ុន សែន មិនព្រមបើកផ្លូវឲ្យលោក សម រង្ស៊ី វិលចូលមកកម្ពុជាក៏ដោយក៏ការ​បោះឆ្នោតជាតិនៅ​ឆ្នាំ២​០១៣នេះ គណបក្ស សង្គ្រោះជាតិ នៅតែទទួលបានជ័យជំនះលើគណបក្ស​ប្រជាជន​ដដែល​ ​ព្រោះដោយហេតុថាយុទ្ធសាស្រ្តដើរទិញទឹកចិត្តប្រជាពលរដ្ឋ និងចែកសារ៉ុង ប៊ីចេង អំបិលទឹកត្រី ទឹកស៊ីអ៊ាវ ដល់ប្រជាពលរដ្ឋដើម្បីឲ្យពលរដ្ឋបោះឆ្នោតឲ្យខ្លួននោះ យុទ្ធសាស្រ្ត​បែប​នេះ​បានសាបរលាបអស់ហើយនៅក្នុងដួងចិត្តរបស់ប្រជាពលរដ្ឋខ្មែរ ។

ដោយហេតុថា ពួកគាត់មិនអាចទទួលយកអំណោយរបស់គណបក្សប្រជាជនរបៀបនេះបាន ជាបន្តទៀតឡើយ ព្រោះអំណោយនេះធ្វើឲ្យពួកគាត់រស់បានតែមួយគ្រាហើយត្រូវរងទុក្ខ​កម្ម​វេទនាអស់រយៈពេលប្រាំឆ្នាំបន្តទៀត ដូច្នេះពួកគាត់សុខចិត្តមិនយកអំណោយ​ហើយទទួល​យកការងារ និងការគោរពសិទ្ធិរបស់ពលរដ្ឋពីសំណាក់គណបក្ស សង្គ្រោះជាតិ​វិញ​ទើប​វា​ជា​ការប្រសើរ ដែលធ្វើឲ្យពួកគាត់រស់បានមួយជីវិត ។

អ្វីទាំងអស់នេះបានបង្ហាញឲ្យឃើញថា​ ប្រជាពលរដ្ឋខ្មែរនាពេលនេះ ពួកគាត់មានការភ្ញាក់​រលឹកច្រើនជាងឆ្នាំណាៗទាំងអស់ ហេតុដូចនេះបើទោះបីជាការបោះឆ្នោតឆ្នាំ២០១៣នេះ​ មិន​មានវត្តមានរបស់លោក សម រង្ស៊ី ដែលជាប្រធានគណបក្ស សង្គ្រោះជាតិ នៅកម្ពុជា ក៏គណ​បក្ស សង្គ្រោះជាតិ ឈ្នះលើការបោះឆ្នោតដែរ ធ្វើយ៉ាងណាឲ្យតែថ្នាក់ដឹកគណបក្សប្រឆាំង មួយ​នេះរៀបចំរចនាស័ម្ពន្ធគណបក្សឲ្យមានភាពរឹងមាំកាន់តែខ្លាំងឡើងបន្ថែមទៀត វាគ្មាន បញ្ហាអ្វីនោះឡើយ​ ហើយនៅពេលដែលគណបក្ស សង្គ្រោះជាតិ ឈ្នះឆ្នោតហើយនោះលោក សម រង្ស៊ី ចង់អញ្ជើញវិលមកកម្ពុជាវិញនៅពេលណាក៏បានដែរ ។

សរុបសេចក្តីមកគណបក្សប្រជាជនកាន់អំណាចសព្វថ្ងៃមិនអាចធ្វើអ្វីគណបក្ស សង្គ្រោះជាតិ បានឡើយ ហើយមិនចាំបាច់យកលោក​ សម រង្ស៊ី ធ្វើជាខែលរបស់ខ្លួនទៀតទេ ក្នុងការ​ស្រែក​គាំរាមគណ​បក្ស សង្គ្រោះជាតិ ឬប្រជាពលរដ្ឋខ្មែរនោះ ក្នុងតំណាក់កាលនេះគណបក្ស សង្គ្រោះជាតិ អាចរៀបចំអ្វីៗបានទាន់ពេលវេលាទាំងអស់ គឺនៅមិនទាន់ហួសពេលដូចជា គណបក្សប្រជាជនថានោះឡើយ ដែលយុទ្ធសាស្រ្តយើងធ្វើរបៀបនេះ កាន់តែធ្វើឲ្យគណ​បក្ស​កាន់អំណាចកាន់តែភ័យខ្លាំងឡើងៗចំពោះការចាញ់ឆ្នោតរបស់ពួកគេ ។

ជាមួយគ្នានោះផងដែរលោក ប៉ុល ហំម ដែលជាអនុប្រធានគណបក្ស សង្គ្រោះជាតិ បណ្តុះអា សន្នលោកបានមានប្រសាសន៏ថា លោក ហ៊ុន សែន អួតថាខ្លួនឯងជាអ្នកគ្រាន់បើ ថាមិនភ័យ មិនខ្លាចឡើយ បើទោះបីជាគណបក្ស សម រង្ស៊ី និងគណបក្ស សិទ្ធិមនុស្ស រួមបញ្ចូលគ្នា ហើយបង្កើតបានគណបក្ស សង្គ្រោះជាតិបែបនេះក៏ដោយ ក៏នៅតែគណបក្សរបស់ខ្លួន​ឈ្នះ​ដដែល មិនអាចអ្នកណាយកឈ្នះលើខ្លួនបានឡើយ ។ លោក ប៉ុល ហំម បានបន្តថា ចុះបើថាខ្លួនមិនខ្លាច អញ្ចឹងហេតុអីបានជាខំព្យាយាមក្នុងការបិទផ្លូវលោក សម រង្ស៊ី មិន​ឲ្យ​ចូល​ស្រុកធ្វើអ្វី តែទោះជាយ៉ាងណារឿងនេះវាគ្មានជាបញ្ហាអ្វីចោទឡើយ ឲ្យតែយើង​ព្យា​យាម​ទាំងអស់គ្នារួមជាមួយប្រជាពលរដ្ឋគ្រប់ទិសទី អញ្ជើញទៅចូលរួមបោះឆ្នោតឲ្យ​បានគ្រប់ៗ​គ្នា​ជូនគណបក្ស សង្គ្រោះជាតិ នៅថ្ងៃអាទិត្យ ទី២៨ ខែកក្កដា ឆ្នាំ២០១៣នេះ នោះលោក សម រង្ស៊ី និងមានវត្តមានមួយរំពិចនៅក្នុងប្រទេសកម្ពុជា ហើយសូមបងប្អូនចងចាំថាយុទ្ធសាស្រ្តថ្មី​របស់យើងគឺថា បើទោះបីជាគ្មានវត្តមានរបស់លោក សម រង្ស៊ី ក៏ដោយក៏យើងនៅតែ​ចូល​រួម​ក្នុងការបោះឆ្នោតដដែល យើងមិនបញ្ឈប់សកម្មភាពនេះឡើយ ប្រសិនបើយើងមិន​ចូលរួម​ក្នុង​ការបោះឆ្នោតមានន័យថា យើងបានបោះបង់ចោលឆន្ទៈរបស់ប្រជាពលរដ្ឋដែល​បានផ្តល់​ទំនុកចិត្តមកលើយើង និងមានសង្ឃឹមតែមួយគត់មកលើគណបក្ស សង្គ្រោះជាតិនោះ ។

លោក ប៉ុល ហំម អនុប្រធានគណបក្ស សង្គ្រោះជាតិ បណ្តោះអាសន្នបានលើកឡើងទៀតថា នៅអាណត្តិទី៥នេះគណបក្ស សង្គ្រោះជាតិ និងទទួលបានចំនួនអាសនៈនៅក្នុងរដ្ឋសភាបើ មិនបានជាង៦០អាសនៈទេនោះ ក៏យើងនិងទទួលបានចំនួន៤០អាសនៈជាងដែរ ហើយបើ​យើងទទួល​​បានលើសពី៤០អាសនៈទៅ គឺយើងឈ្នះហើយ ព្រោះចំនួននេះលើស​ពីមួយភាគ​បី​ មិនមែនពួកអស់លោកធ្វើអ្វីបានតាមចិត្តដូចជាសព្វថ្ងៃនេះឡើយ ។ 

ដូច្នេះយុទ្ធសាស្រ្តរ​បស់​យើងទី១ចង់ឈ្នះឲ្យលើសពី៦០អាសនៈដើម្បីឲ្យលោក សម រង្ស៊ី ធ្វើជានា យករដ្ឋមន្រ្តី ហើយ​បើមិន​ឈ្នះទេបានលើសពី៤០អាសនៈ​ដែលជាចំនួនលើសពីមួយភាគបីក៏យើង​អាច​និយាយ​គ្នាបានដែរនៅសភា មិនឲ្យជិះសេះលែងដៃដួចសព្វថ្ងៃនេះទេ ដែលចង់សម្រេចអី ចង់ធ្វើអី​ស្រេច​តែនិងចិត្តរបស់ខ្លួននោះ ។

លោក ប៉ុល ហំម បានមានប្រសាស៏បន្តទៀតថា ​កាលពីឆ្នាំ២០០៨គណបក្ស សម រង្ស៊ី ទទួល បាន២៦អាសនៈនៅក្នុងរដ្ឋសភា ចំណែកឯគណបក្ស  សិទ្ធិមនុស្សទទួលបានចំនួន៣អាសនៈ បើយើងបូកគ្នាគឺបានតែចំនួន២៩អាសនៈទេ ប៉ុន្តែនៅឆ្នាំ២០១២បើយកតួលេខមកបូកគឺឃើញ​ថាគណបក្ស សម រង្ស៊ី ទទួលបានចំនួន២៤ គណបក្ស សិទ្ធិមនុស្សទទួលបាន​ចំនួន៩​អាស​នៈ​ពេលបូកបញ្ចូលគ្នាទៅបានចំនួន៣៣អាសនៈ នេះគឺយើងនៅបែបគ្នា តែបើយើងដាក់បញ្ជីរួម​គ្នា​យើងទទួលបានចំនួនកើនឡើងរហូតដល់ទី៤កៅអីទៀតឯណោះ រហូតដល់ទៅ៣៧កៅអី​នៅក្នុងរដ្ឋសភា បើយើងទួលបានចំនួន៣៧កៅអី ហើយ១០កៅអីទៀតយើងរកម៉ិចមិនបាន បើសកម្ម​ភាពរបស់ថ្នាក់ដឹកនាំចលនាប្រជាធិបតេយ្យសង្គ្រោះជាតិ ធ្វើការយ៉ាងសកម្ម​បែប​នេះ​ រួមជាមួយនិងសន្ទុះរបស់ប្រជាពលរដ្ឋកាន់តែច្រើនឡើងៗមកចូលរួមជាមួយនិងគណ​បក្ស សង្គ្រោះជាតិ របស់យើងទៀតដូច្នេះមិនពិបាកឡើយ ។

លោក ប៉ុល ហំម បន្តទៀតដោយធ្វើការផ្តាំផ្ញើរទៅគណបក្សកាន់អំណាចថា សមមិត្តអើយចាំ តែព្រួយ និងចាំតែភ័យទៅ ហើយខំប្រឹងធ្វើល្អដាក់ប្រជាពលរដ្ឋឡើង ក្រែងលគុណបុណ្យជួយ បានខ្លះលោកប្រាប់យកតែបុណ្យទេ តែចូលកុំខំប្រឹងតែប្រព្រឹត្តអំពើពុករលួយ និងកាប់ឈើ​យកលុយមកទិញសារ៉ុង ប៊ីចេងចែកប្រជាពលរដ្ឋ និងយកលុយធ្វើប្រជាភិថុតិមកបោកប្រាស់ ទិញទឹកចិត្តរបស់ប្រជាពលរដ្ឋឲ្យសោះ ព្រោះថាសារ៉ុងប៊ីចេងរបស់ពួកអស់លោក គឺវាអស់​ន័យទៅហើយចំពោះប្រជាពលរដ្ឋខ្មែរនោះ ។

ដូច្នេះសរុបសេចក្តីមកនៅឆ្នាំ២០១៣នេះ គណបក្សប្រជាជនកាន់អំណាចសព្វថ្ងៃ អស់អួត អស់ឬទ្ធិ និងអស់អំណាចហើយ ដោយសារតែវត្តមានរបស់គណបក្ស សង្គ្រោះជាតិ ដែលពោ ពេញទៅដោយថ្នាក់ដឹកនាំឆ្នើមៗ ក្នុងការយកចិត្តទុកដាក់ចំពោះរាស្រ្ត និងប្រទេសជាតិជាធំ ដែលធ្វើឲ្យប្រជាពលរដ្ឋមានក្តីសង្ឃឹមមកលើគណបក្សមួយនេះយ៉ាងខ្លាំង ក្នុងការរំដោះពួក​គាត់ចេញពីការគ្រប់គ្រងតាមរបៀបផ្តាច់ការក្រោមការដឹកនាំរបស់គណបក្សប្រជាជនសព្វ ថ្ងៃនេះ ៕