លោក ហ៊ុន សែន បានប្រកាសជាសាធារណៈហើយថា មិនឲ្យពលរដ្ឋណាម្នាក់ស្លាប់ដោយសារអត់អាហារនោះឡើយ តែពេលនេះមានស្រ្តីម្នាក់ទៀតហើយ បានស្លាប់យ៉ាងអាធ័មនៅភូមិត្រញំងរំចេក សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ សូមលោក ហ៊ុន សែន បើកភ្នែកមើលផង
ស្ដ្រីក្រីក្រម្នាក់បានដេកស្លាប់ នៅក្នុងខ្ទមកម្សត់ដោយសារខ្យល់ គរ កាលពីវេលាម៉ោង៦និង១០នាទី ល្ងាច ថ្ងៃទី២១ ខែមីនា ឆ្នាំ២០១៣ ឋិត នៅភូមិត្រញំងរំចេក សង្កាត់ចោមចៅ ខណ្ឌពោធិ៍សែនជ័យ បន្សល់ទុកកូនស្រីអាយុ៣ឆ្នាំរស់នៅជា មួយឪពុកអាយុ៦២ឆ្នាំ ដែលប្រកបមុខរបរបង្កៃសន្ទូច យកត្រីឬបេះបន្លែតាមព្រៃនិងដើរស៊ីឈ្នួលធ្វើការងារឱ្យគេដើម្បី ទទួលបានប្រាក់ កម្រៃយកទៅចិញ្ចឹមជីវិត ក្នុងស្ថានភាពក្រីក្រតោកយ៉ាកបំផុត ។
ស្ដ្រីរងគ្រោះដែលបាត់បង់ជីវិត យ៉ាងអាណោចអាធ័មក្នុងករណីខ្យល់គរនេះ មាន ឈ្មោះ ឆោម ហៀង អាយុ ៤៣ឆ្នាំ រស់នៅបណ្ដោះអាសន្នក្នុងបរិវេណវត្ដ ឋិតនៅភូមិត្រញំងរំចេក សង្កាត់ចោមចៅ ខណ្ឌពោធិ៍សែនជ័យ មានស្រុកកំណើត នៅភូមិ-ឃុំ-ស្រុកសន្ទុក ខេត្ដកំពង់ធំ រីឯប្ដីរបស់ស្ដ្រីរងគ្រោះមាន ឈ្មោះ ឈួន ផាត អាយុ៦២ឆ្នាំ និងមានកូនស្រីអាយុ ៣ឆ្នាំ ។ មុនពេលកើតហេតុស្ដ្រីរងគ្រោះអង្គុយនិង ជជែកលេងជាមួយជាមួយកូនស្រីនៅក្នុងខ្ទមដ៏កម្សត់របស់គាត់ ហើយប្ដីរបស់ស្ដ្រីរងគ្រោះបានទៅសុំបាយនិងម្ហូបនៅក្នុងពិធីមង្គលការរបស់អ្នកស្រុកដើម្បីយក មកឱ្យប្រពន្ធនិងកូនហូប ។
ជីវភាពដ៏សែនពិបាករបស់គ្រួសារ មួយនេះបានបន្ដពីមួយថ្ងៃទៅមួយថ្ងៃ ហើយការខិតខំរបស់ជនរងគ្រោះក៏ដូច ជាប្ដីគឺបានត្រឹមមួយក្រពះប៉ុណ្ណោះ ។ ខណៈប្ដីស្ដ្រីរងគ្រោះចេញពីផ្ទះដើម្បីសុំ បាយនិងម្ហូបនៅកន្លែងមានកម្មវិធីយកមកឱ្យប្រពន្ធនិងកូនហូបនោះ ស្រាប់តែ មកដល់ផ្ទះវិញឃើញប្រពន្ធដេកដួលបាត់ មាត់បាត់.កស្លាប់នៅក្នុងខ្ទមមិនដឹងតាំងពីពេលណាមកទេ ភ្លាមៗនោះប្ដីរបស់ ស្ដ្រីរងគ្រោះបានស្រែកហៅអ្នកស្រុកក្បែរនោះឱ្យជួយតែអ្វីៗបាន ហួសពេលទៅហើយ៕
No comments:
Post a Comment
yes