លោក ប៉ុល ហំម ជួបពលរដ្ឋនៅខេត្តពោធិ៍សាត់
ក្រុមការងារគណបក្សសង្គ្រោះជាតិខេត្តបាត់់ដំបងប្រជុំបូកសរុបលទ្ធផលការងារ
និងដាក់ទិសដៅថ្មី
ឆ្នាំចាស់បានកន្លងផុតទៅ ឆ្នាំម្សាញ់ បញ្ចស័ក
ដែលជាឆ្នាំថ្មីបានបានចូលមកដល់ ប្រជាពលរដ្ឋខ្មែរទាំងនៅក្នុងស្រុក
និងអ្នកដែលរស់នៅក្រៅស្រុក បានរៀបចំទទួលអំណរឆ្នាំថ្មីគ្រប់ៗគ្នា ។
យ៉ាងណាម៉ិញ ចំពោះបញ្ហានយោបាយក៏យ៉ាងដូចច្នោះដែរ គឺនៅសល់តែរយៈពេលជាង៣ខែ
ទៀតប៉ុណ្ណោះ ការបោះឆ្នោតអាណត្តិថ្មីក៏ឈានចូលមកដល់ សម្រាប់ធ្វើការជ្រើសរើសអ្នកដឹក
នាំប្រទេស មកដឹកនាំនាវាកម្ពុជា ឆ្ពស់ទៅរកការរីកចំរើន និងមានកេរ្តិ៏ឈ្មោះបោះសម្លេងនៅលើឆាកអន្តរជាតិដូចជាបណ្តាប្រទេសនានាមួយចំនួននៅក្នុងតំបន់
។
ក្នុងនោះអ្នកតាមដានស្ថានការណ៏នយោបាយនៅក្នុងប្រទេសកម្ពុជា
បានធ្វើការទស្សទាយថាសម្រាប់ការបោះឆ្នោតអាណត្តិថ្មី ថ្ងៃទី២៨ ខែកក្កដា
ឆ្នាំ២០១៣នេះ គណបក្ស សង្គ្រោះជាតិ ពិតជាទទួលបានជ័យជំនះលើកគណបក្សកាន់អំណាចសព្វថ្ងៃជាក់ជាមិនខាន
។ ដោយហេតុថា ពលរដ្ឋខ្មែរ លែងមានជំនឿលើការដឹកនាំរបស់គណបក្សប្រជាជនទៀតហើយ ព្រោះការដឹកនាំរបស់គណបក្សប្រជាជន
អស់រយៈពេលជាង៣០ឆ្នាំមកនេះគឺប្រទេសជាតិគ្មានអ្វីរីកចំរើនជាការកត់សម្គាល់់នោះឡើយ
ក្រៅតែជំពាក់បំណុលរបទេសឡើងរុំកោះទៅហើយនោះ ។
ហើយបើគេក្រលែកទៅមើលគោលនយោបាយរបស់គណបក្សមួយនេះវិញ
ក៏គ្មានអ្វីជាដុំកំភួនសម្រាប់ផ្តល់ផលប្រយោជន៏ដល់ជាតិ និងប្រជារាស្រ្តដែរ
ក្រៅតែពីអំណាច បុណ្យ ស័ក្តិរបស់ពួកគេនោះ ។ យ៉ាងណាម៉ិញ លោក ហ៊ុន សែន
កាលពីពេលថ្មីៗនេះបានធ្វើការប្រកាសជាសាធារណៈថា បើចូលចិត្ត អាណិត ស្រលាញ់ ហ៊ុន សែន
បោះឆ្នោតឲ្យ ហ៊ុន សែន ចុះ គឺគាត់មិនបានគិតពីជាតិ និងរាស្រ្តជាធំនោះឡើយ
គឺគិតប្រយោជន៏របស់ខ្លួនជាធំ ។ តួយ៉ាងលោក ហ៊ុន សែន ក៏បានប្រកាស់ផងដែរថា
ប្រសិនបើការបោះឆ្នោតអាណត្តិ ទី៥នេះគណបក្សប្រជាជនចាញ់ឆ្នោតនោះ រូបលោកនិងលែងធ្វើបុណ្យ
ដែលភាសារនេះជាភាសារ មិនសាកសម្យជាមេដឹកនាំត្រង់កន្លែងណាសូម្បីតែបន្តិច ។
ហេតុដូចនេះហើយ បានជាប្រជាពលរដ្ឋ លែងមានជំនឿលើការដឹកនាំរបស់លោក ហ៊ុន សែន នោះ ។
បើយើងធ្វើការក្រលែកមកមើលគោលនយោបាយរបស់គណបក្ស សង្គ្រោះជាតិ
វិញ គឺសុតតែ ផ្តល់ផលប្រយោជន៏ដល់ជាតិ និងពលរដ្ឋទាំងអស់ ដូចជា ៖ គណបក្ស សង្គ្រោះជាតិ
នៅពេល ឈ្នះការបោះឆ្នោតអាណត្តិទី៥នេះ
និងផ្តល់ប្រាក់ឧបត្ថមដល់ចាស់ៗដែលមានអាយុចាប់ពី៦៥
ឆ្នាំឡើងទៅដល់ពួកគាត់ក្នុងម្នាក់៤ម៉ឺនរៀលជារៀងរាល់ខែ ធ្វើការតំឡើងប្រាក់ខែដល់កម្មករ-កម្មការីនី
ឲ្យបានយ៉ាងតិចចំនួន៦០ម៉ឺនរៀលដែលជាប្រាក់ខែគោល តំណើងប្រាក់់ខែដល់មន្រ្តី
រាជការយ៉ាងតិច១លានរៀល ព្យាបាលជំងឺជូនពលរដ្ឋដោយមិនចាំចាប់បង់ប្រាក់នៅគ្រប់មន្ទីរ
ពេទ្យរបស់រដ្ឋ ធានារកទីផ្សារដល់កសិផលរបស់ពលរដ្ឋដែលបង្ករបង្កើនផលបាន លក់ចេញ
ក្នុងតម្លៃថ្លៃ ដែលក្នុងនោះធានាស្រូវក្នុងមួយគីឡូក្រាមមិនឲ្យក្រោម១ពាន់រៀល
ពង្រឹងប្រពន្ធ អប់រំ ផ្តល់លទ្ធភាពឲ្យកូនពលរដ្ឋក្រីក្រ
អាចសិក្សារៀនសូត្របានខ្ពង់ខ្ពស់ដូចកូនអ្នកមានផងដែរ ដែលរដ្ឋាភិបាលសង្គ្រោះជាតិ ផ្តល់តាមរយៈអាហារូបករណ៏
និងមានកញ្ចប់ថវិការសម្រាប់ឲ្យពួកគាត់ខ្ចីយកទៅបន្តរការសិក្សារៀលសូត្រ ដោយគិតក្នុងកំរិតការប្រាក់ទាបបំផុត ស្វែងរកការងារឲ្យពលរដ្ឋបានធ្វើគ្រប់ៗគ្នាពិសេសយុវជន
និងធ្វើការបញ្ចុះតម្លៃអត្រាការប្រាក់ អគ្គីសនី ប្រេងសាំង ព្រមទាំងជីកសិកម្មជាដើម
។
បើយើងធ្វើការប្រៀបធៀបនូវគោលនយោបាយរវាងគណបក្ស
សង្គ្រោះជាតិ និងគណបក្សប្រ ជាជន ឃើញថា ខុសគ្នាដាច់ស្រឡះដួចមេឃនិងដី
ហេតុដូចនេះហើយបានជាពលរដ្ឋពួកគាត់ សម្រាប់ការបោះឆ្នោតអាណត្តិទី៥នេះ គាំទ្រគណបក្ស
សង្គ្រោះជាតិ មានចំនួនកាន់តែច្រើន
ឡើងៗជារៀងរាល់ថ្ងៃនោះ ។
ស្របពេលដែលពលរដ្ឋបាននិងកំពុងតែគាំទ្រមកលើគណបក្ស
សង្គ្រោះជាតិ យ៉ាងច្រើនបែប នេះ ថ្នាក់ដឹកនាំគណបក្ស សង្គ្រោះជាតិ
ក៏បាននិងកំពុងតែបន្តចុះជួបពលរដ្ឋនៅតាមមូល ដ្ឋានគ្មានពេលទំនេរផងដែរ
ដូចជានៅថ្ងៃទី១៨ ខែមេសា ឆ្នាំ២០១៣ លោក ប៉ុល ហំម ដែល
ជាថ្នាក់ដឹកនាំជាន់ខ្ពស់គណបក្ស សង្គ្រោះជាតិ អមតំណើរដោយលោក ងឹម ញ៉េញ
ប្រធានគណបក្ស សង្គ្រោះជាតិ ខេត្តពោធិ៍សាត់ រួមជាមួយនិងក្រុមការងារខេត្ត
ហើយនិងស្រុកមួយ ចំនួនទៀត បានចុះជួបសំណេះសំណាលជាមួយប្រជាពលរដ្ឋពេលព្រឹកនៅឃុំក្បាលត្រាច
ស្រុកក្រគរ និងពេលរសៀលនៅឃុំបឹងបត់កណ្តោល ស្រុកបាកាន ។
ចំនែកនៅខេត្តបាត់តំបងឯណោះវិញ នៅរសៀលថ្ងៃទី១៨ ខែមេសា
ឆ្នាំ២០១៣ ក្រុមការងារ ខេត្តដែលដឹកនាំដោយលោក ពិន រតនា អនុប្រធានក្រុមការងារ និងលោក
សោ ចាន់ដេត ជំនួយការក្រុមការងារខេត្ត
បានបើកកិច្ចប្រជុំនៅទីស្នាក់ការកណ្តាលគណបក្សខេត្តបាត់តំបង
ដែលមានការចូលរួមពីក្រុមការងារស្រុកទាំង១៣ និង១ក្រុង ដើម្បីបូកសរុបលទ្ធផលការងារ នាខែកន្លងមក
និងដាក់ផែនការណ៏សម្រាប់ខែថ្មី ក្នុងការរៀបចំកម្មវិធី សម្រាប់ថ្នាក់ដឹកនាំថ្នាក់ជាតិចុះជួបពលតាមមូលដ្ឋាន
កម្មវិធីរបស់ក្រុមការងារខេត្ត -ស្រុក ការបើកវគ្គបណ្តុះបណ្តាលស្តីពីការបញ្ជូនសារ ព្រមទាំងការលើកស្លាកគណបក្សជាដើម
៕
No comments:
Post a Comment
yes