អាជ្ញាធរខ្មែរកំពុងតាមចាប់ខ្លួនលោកអៀចាន់ណាសកម្មជនព្រំដែន

លោក​ អៀ ចាន់ណា

លោក អៀ ចាន់ណា សកម្មជនព្រំដែន និងជាអុ្នកវិភាគនយោបាយរបស់វិទ្យុខ្មែរប៉ុស្តិ៍ បានធ្វើ ដំណើរទៅភ្នំពេញ កាលពីថ្ងៃទី ១៨ មិថុនា ២០១៣ ។

លោកបានសំរាកនៅទីក្រុងភ្នំពេញមួយយប់ ព្រឹកថ្ងៃទី១៩ ខែមិថុនា ២០១៣ លោកបាន បន្តរ ដំណើរទៅស្រុកកំណើតរបស់លោក នៅភូមិជើងគួន ឃុំជើងគួន ស្រុកសំរោង ខេត្តតាកែវ ។ ក្នុងដំណើរទៅកាន់ភូមិកំណើតដើម្បីជួបជុំគ្រួសារលោក អៀ ចាន់ណា ត្រូវបានអាជ្ញាធរ ក្រុង ភ្នំពេញមានប៉ូលីស ទាហ៊ាន ជាង៥០នាក់ តាមឃ្លាំមើល និងពទ្ធ័ចាប់ខ្លួនដល់លំនៅឋាន ។ 

តែការព្យាបាទរបស់អាជ្ញាធរ ត្រូវខកខាន ដោយមានកិច្ចអន្តរាគមន៍ពីស្ថាបន័ទួត និងអង្គការ​សង្គមស៊ីវីល ព្រមទាំងប្រជាពលរដ្ឋជាអ្នកជួយការពារលោក អៀ ចាន់ណា ផងដែរ ។   

    

សូម​បញ្ជាក់​ថា លោក អៀ ចាន់ណា ជាថ្នាក់ដឹកនាំម្នាក់ក្នុងចំណោមមេដឹកនាំក្រុម​ប្រឹក្សាឃ្លំា​មើលកម្ពុជា ដែលត្រូវរដ្ឋាភិបាលក្រុងភ្នំពេញតាមចាប់ខ្លួនកាលពីឆ្នាំ២០០៥ ព្រោះតែប្រឆាំង​និង​កា​រចុះហត្ថលេខាលើសន្ធិសញ្ញាបំពេញបន្ថែម ដែលក្រុមប្រឹក្សាឃ្លាំមើលកម្ពុជាយល់ថា សន្ធិសញ្ញាបំពេញបន្ថែមនេះ បានធ្វើឲ្យខ្មែរបាត់បង់ទឹកដី។                           

ពេលនេះលោក អៀ ចាន់ណា កំពុងស្នាក់នៅកន្លែងមានសុវត្ថិភាព ៕