លរដ្ឋរងចាំចូលថ្វាយបង្គំព្រះបរមរូបព្រះមហាវីរក្សត្រ (រូបថត តាំង វីដា)
ប្រជាជនដែលភាគច្រើនមានវ័យចំណាស់ប្រមាណ៥០នាក់ សំដែងការខកចិត្តនៅពេលដែលពួកគាត់មានបំណងចូលថ្វាយបង្គំព្រះបរមរូប ព្រះករុណាសម្តេច ព្រះនរោត្តម សីហនុ នៅព្រឹកថ្ងៃទី១៥ខែតុលានេះ តែត្រូវសមត្ថកិច្ចមិនអនុញ្ញាត។
នៅព្រឹកថ្ងៃទី១៥ខែតុលានេះ ជាគម្រប់ខួប១ឆ្នាំនៃការចូលទិវង្គតរបស់សម្តេចព្រះបាទ នរោត្តមសីហនុ។
ប្រជាជនប្រមាណ៥០នាក់ អ្នកខ្លះរស់នៅរាជធានីភ្នំពេញ និងអ្នកខ្លះទៀត មកពីតាមបណ្តាខេត្តមួយចំនួន ដូចជា ខេត្តស្វាយរៀង ព្រៃវែង និងកណ្តាល ជាដើម ដោយក្នុងដៃមានកាន់ផ្កាឈូក ធូប ទៀន និងព្រះឆាយាល័ក្ខណ៍របស់សម្តេចសីហនុ បានឈរ និងអង្គុយ នៅចម្ងាយ ២ទៅ៣រយម៉ែត្រ ពីព្រះបរមរូបសម្តេចសីហនុ។ ក្នុងចំណោមប្រជាជនទាំងនោះ អ្នកខ្លះសំដែងការខកចិត្ត ព្រោះថាពួកគាត់ចំណាយពេល និងថវិកា ធ្វើដំណើរដើម្បីគោរពព្រះបរមរូប ក៏ដូចជាការគោរពដល់ព្រះវិញ្ញាណក្ខន្ធរបស់ព្រះអង្គ តែត្រូវសមត្ថកិច្ចហាមឃាត់ទៅវិញ។
ប្រជាជនបានសូត្រធម៌ និងបួងសួងពីចម្ងាយ ដើម្បីសូមឲ្យវិញ្ញាណក្ខន្ធព្រះអង្គទៅកាន់ព្រះបរមសុខ និងសូមឲ្យជាតិមាតុភូមិមានសុខសន្តិភាព។
ទោះយ៉ាងណា មន្ត្រីការពារសន្តិសុខ បញ្ជាក់ថា ប្រជាពលរដ្ឋអាចចូលថ្វាយបង្គំព្រះបរមរូបបាន នៅពេលរសៀល គឺបន្ទាប់ពីឥស្សរជនចូលគោរពព្រះ វិញ្ញាណក្ខន្ធរួច។
No comments:
Post a Comment
yes