លោកស៊ូថេប ធឿកស៊ូបាន (កណ្តាល)ស្វាគមន៍ក្រុមអ្នកតវ៉ា។ AFP
ក្រុមបាតុករប្រឆាំងរដ្ឋាភិបាលថៃ កាលពីថ្ងៃចន្ទ បានសម្រុកចូលក្រសួងហិរញ្ញវត្ថុ និងបានគំរាមកាន់កាប់អគាររដ្ឋាភិបាលជាច្រើនទៀតនៅក្នុងការ កើនឡើង នៃកិច្ចប្រឹងប្រែងផ្តួលរំលំនាយករដ្ឋមន្ត្រីមានបញ្ហាលោកស្រី យីងឡាក់ ស៊ីណាវ៉ាត្រា។
ភាពចលាចលនេះបានបង្កើនក្តីបារម្ភ នៃហិង្សាប្រយុទ្ធគ្នាតាមផ្លូវជាថ្មីទៀត នៅក្នុងប្រទេសដែលរពើតរពើងតាំងពីពេលទម្លាក់លោកថាក់ស៊ីន។
ក្រុមបាតុករប្រឆាំងរដ្ឋាភិបាលរាប់ម៉ឺននាក់បានដើរក្បួនឆ្លងកាត់រដ្ឋធានីរបស់ ថៃដ៏តឹងតែងកាលពីថ្ងៃចន្ទនៅក្នុងការ កើនឡើង នៃការជួបជុំគ្នាតាមផ្លូវជាទ្រង់ទ្រាយធំ ក្នុងបំណងផ្ដួលរំលំរដ្ឋាភិបាល ដែលមានបញ្ហារបស់លោកស្រីនាយករដ្ឋមន្ត្រី យីងឡាក់ ស៊ីណាវ៉ាត្រា។
ការ តវ៉ាប្រឆាំងលោកស្រី យីង ឡាក់ និងបងប្រុសគឺអតីតនាយករដ្ឋមន្ត្រីអស់អំណាច លោក ថាក់ស៊ីន ស៊ីណាវ៉ាត្រា នេះ គឺជាការតវ៉ាធំបំផុតតាំងពីឆ្នាំ២០១០នៅពេលព្រះរាជាណាចក្រនេះ ត្រូវធ្វើឲ្យរង្គោះរង្គើ ដោយការបង្ហូរឈាមនយោបាយដ៏អាក្រក់បំផុតរបស់ខ្លួនក្នុងពេល ប៉ុន្មានទសវត្សរ៍នេះខណៈជនស៊ីវិលជាង៩០នាក់បានស្លាប់។
មេដឹកនាំប្រឆាំង ស៊ូថេប ធឿកស៊ូបានបានប្រកាសកាលពីរាត្រីថ្ងៃអាទិត្យថា ការរំលាយសភា ឬក៏ការលាលែងរបស់លោកស្រីនាយករដ្ឋមន្ត្រីនឹងមិនគ្រប់គ្រាន់ ដើម្បី បញ្ឈប់ការតវ៉ានៅវិថីរាជាដំណើរនេះទេ។
អតីតសមាជិកសភាគណបក្សប្រធានាធិបតីលោក ស៊ូថេប បាននិយាយថា គោលដៅចុងក្រោយនៃការតវ៉ានេះគឺត្រូវផ្ដាច់ឫសគល់របបលោកថាក់ស៊ីន ហើយការតវ៉ានេះនឹងមិនបញ្ចប់ទេ ដរាបណាគោលដៅមិនបានសម្រេច។
លោក ស៊ូថេប បានប្រាប់ហ្វូងមនុស្សរាប់ម៉ឺននាក់ថា៖«យើងនឹង មិនបញ្ឈប់ទេ សូម្បីតែលោកស្រីនាយករដ្ឋមន្ត្រី យីងឡាក់ ស៊ីណាវ៉ាត្រា លាលែង ឬក៏សភា ត្រូវបានរំលាយក៏ដោយ»។
លោកបានបន្ថែមថា៖ «បាតុកម្មរបស់យើងនឹងបន្តរហូតដល់យើងអាចកម្ចាត់របបលោកថាក់ស៊ីន»។
ទោះ ជាយ៉ាងណា លោកស៊ូថេប បានអះអាងថា ការប្រយុទ្ធនេះនឹងមានរយៈពេលមិនយូរទេ។ លោកបានថ្លែងថា៖ «ការប្រយុទ្ធនេះនឹងបញ្ចប់ក្នុងពេលបីថ្ងៃ»។
ក្រុមអ្នកឆ្លើយឆ្លងព័ត៌មានAFP នៅកន្លែងកើតហេតុ បាននិយាយ ថា បាតុកររាប់រយនាក់ បានកាន់កាប់អគារជាច្រើននៅក្នុងបរិវេណ នៃក្រសួងហិរញ្ញវត្ថុ ដោយគ្រវីទង់ជាតិ និងរាំច្រៀង។
លោកស៊ូថេប បាននិយាយថា៖ «នៅថ្ងៃស្អែកយើងនឹងចូលកាន់កាប់គ្រប់ក្រសួងទាំងអស់ដើម្បីបង្ហាញ ចំពោះប្រព័ន្ធ ថាក់ស៊ីនថា ពួកគេគ្មានភាពស្របច្បាប់ដើម្បីដឹកនាំប្រទេសទេ»។
ដោយថ្លែងទៅ កាន់ហ្វូងមនុស្ស លោកស៊ូថេប បានថ្លែងថា អ្នកតវ៉ានឹងធ្វើដំណើរទៅកាន់ទីតាំង១៣កន្លែង។ កន្លែងទាំងនោះ មានទាំងស្ថានីយទូរទស្សន៍៥ និងមូលដ្ឋានយោធា ប៉ូលិស និងបរិវេណរដ្ឋាភិបាលផងដែរ។
ដោយស្រែកព្រមគ្នាៗថា ថាក់ស៊ីនចេញទៅ! កងទ័ពចូលមក! អ្នកតវ៉ាខ្លះ មុននេះ បានអំពាវនាវ ឲ្យមានអន្តរាគមន៍ពីយោធា នៅក្នុងប្រទេសមួយដែលធ្លាប់មានរដ្ឋប្រហារ១៨លើក ចាប់តាំងពីខ្លួន ក្លាយជារបស់រាជានិយមអាស្រ័យធម្មនុញ្ញក្នុងឆ្នាំ១៩៣២។
លោក ស៊ូថេប បានទទូចសុំឲ្យក្រុមអ្នកតវ៉ាកុំប្រើអំពើហិង្សាក្នុងពេលកំពុងតែ ធ្វើដំណើរទៅកាន់ទីតាំងទាំងនោះ ដោយបន្ថែមថា៖«យើងគ្រាន់តែផ្ដល់ឲ្យពួកគេនូវការផ្លុំកញ្ចែ និងផ្កាប៉ុណ្ណោះ»។
យោងតាមការប៉ាន់ស្មាន ដែលបានបញ្ជាក់របស់ប្រមុខក្រុមប្រឹក្សាសន្តិសុខជាតិ លោក Paradorn Pattanatabut ឲ្យដឹងថា ទង្វើនេះ បានកើតមានឡើង បន្ទាប់ពីការជួបជុំដ៏គឹកកងកាលពីថ្ងៃអាទិត្យ ដែលបានកៀរគរបាតុករប្រឆាំងរដ្ឋាភិបាលរហូតដល់១៨ម៉ឺននាក់ មកលើដងផ្លូវនៃក្រុងបាងកក។
លោកស៊ូថេប បានអបអរការជួបជុំ«មនុស្ស១លាននាក់»របស់លោកពីថ្ងៃអាទិត្យ។ លោកបានអះអាងថា មនុស្សជាង១លាននាក់មានវត្តមានក្នុងការតវ៉ានេះ។
ក្រុមអាវក្រហមគាំទ្ររដ្ឋាភិបាល ៥ម៉ឺននាក់ បានជួបជុំគ្នាទាំងយប់ នៅក្នុងកីឡដ្ឋានបាល់ទាត់ជាយក្រុងបាងកក ជាការគាំទ្រលោកស្រី យីងឡាក់ ដែលនៅតែជា ឥស្សរជនបែកបាក់គ្នាដ៏ធំ។
លោកស្រីយីងឡាក់ បានថ្លែងកាលពីថ្ងៃចន្ទថា លោកស្រីនឹងមិនលាលែង ហើយក៏មិនរំលាយសភា នោះដែរ ថ្វីបើមានសម្ពាធកំពុងកើនឡើងក្តី៕
No comments:
Post a Comment
yes