ពួកបាតុករប្រឆាំងរដ្ឋាភិបាលកាលពីថ្ងៃម្សិលមិញបានចូលកាន់កាប់តំបន់នៅក្រៅនាយកដ្ឋានទំនាក់ទំនងសាធារណៈនៅជិតក្រសួងហិរញ្ញវត្ថុដែលត្រូវចូលកាន់កាប់ដោយបាតុកររាប់ពាន់នាក់ដែលដឹកនាំដោយសមាជិកបក្សប្រឆាំងលោកស៊ូថេប ធឿកស៊ូបាន។
មិនមានរបាយការណ៍អំពីការប៉ះទង្គិចរវាងអ្នកប្រឆាំងតវ៉ានិងកម្លាំងសន្តិសុខទេ។
បាតុករចូលកាន់កាប់ក្រសួងហិរញ្ញវត្ថុ ក្រោមការបញ្ជារបស់ស៊ូថេប(រូបក្រោម) ដែលគំរាមកាន់កាប់ក្រសួងមន្ទីររបស់រដ្ឋទាំងអស់បើនាយករដ្ឋមន្ត្រីមិនលាឈប់
ពួកអ្នកប្រឆាំងតវ៉ាបានធ្វើការជួបជុំនៅ១៣កន្លែងក្នុងរដ្ឋធានីបាងកកកាលពីថ្ងៃចន្ទ ដោយដាក់សម្ពាធលើរដ្ឋាភិបាលនិងសង្ឃឹមថានឹងកៀងគរការគាំទ្រមកពីពួកមន្ត្រី នៅពេលនាយករដ្ឋមន្ត្រីយីងឡាក់ ស៊ីណាវ៉ាត្រា បានផ្គើននឹងការទាមទារអោយលោកស្រីលាឈប់ពីតំណែងនិងប្តេជ្ញាបន្តនៅក្នុងអំណាច។
ក្រោយពីចូលកាន់កាប់នៅការិយាល័យចំណូលនៅជាន់ទី១ លោកស៊ូថេបបានបញ្ជាអោយបាតុករបន្តចូលកាន់កាប់គ្រប់ជាន់នៃអាគារដែលក៏រួមមានក្រសួងហិរញ្ញវត្ថុផងដែរ។លោកបានប្រាប់អ្នកប្រឆាំងតវ៉ាចូលគ្រប់បន្ទប់ និងប្រគល់ផ្កាដល់បុគ្គិលិកមន្ត្រីរដ្ឋស្នើសុំពួកគេអោយនៅខាងបាតុករ អង្គុយអោយស្ងៀម និងកុំបំផ្លាញទ្រព្យសម្បត្តិរដ្ឋ។
ស៊ូថេប បានបញ្ជាក់ថា"ការិយាល័យចំណូលនិងក្រសួងហិរញ្ញវត្ថុជាបេះដូងនៃរបបថាក់ស៊ីន ដូច្នេះយើងចាប់យកពួកវាចាប់ពីថ្ងៃនេះទៅ។ខ្ញុំស្នើសុំអោយប្រជាជនចូលទៅក្នុងវាដោយអហិង្សា និងយើងនឹងបង្ហាញអ្វីដែលជាអំណាចប្រជាជនពិត។បើរដ្ឋាភិបាលមិនចុះចាញ់ យើងនឹងកាន់កាប់គ្រប់ក្រសួង"។
ការប្រឈមមុខក៏កើតមាននៅការិយាល័យប៉ូលិសក្រុង ដោយសារបាតុករទាមទារជួបមេប៉ូលិសដែលពួកគេចោទប្រកាន់ថាធ្វើការបំរើផលប្រយោជន៍តែបុគ្គលម្នាក់ជាជាងសំរាប់ប្រជាជននិងប្រជាជាតិ។បរិយាកាសមិនដូចគ្នាកើតមាននៅបញ្ជាការដ្ឋានបញ្ជាការជាន់ខ្ពស់ នៅពេលបុគ្គលិក មន្ត្រីរដ្ឋការខ្លះបានចេញមកចូលរួមជាមួយបាតុករ។
បាតុករបន្ទាប់មកធ្វើដំណើរទៅកាន់នាយកដ្ឋានស៊ើបអង្កេតពិសេស និងក្រុមមួយទៀតបានទៅស្ថានីយទូរទស្សន៍ប៉ុស្ត៍លេខ៥ដោយទាមទារអោយចាក់ផ្សាយការតវ៉ាប្រឆាំងរបស់ពួកគេផង៕
No comments:
Post a Comment
yes