លោក សូថេប ថុងសូបាន មេដឹកនាំក្រុមបាតុករប្រទេសថៃ ព្រមានថា លោកនឹងដឹកនាំបាតុករថៃប្រឆាំងអ្នកនយោបាយ ត្រកូល ស៊ីណាវាត្រា ជារហូត គឺលុះត្រាត្រកូលស៊ីណាវាត្រា អស់មានឈ្មោះ ក្នុងការចូលរួមការបោះឆ្នោត។
ការព្រមានរបស់ លោក សូថេប ថុងសូបាន បានធ្វើឡើង ជាការឆ្លើយតបគណៈកម្មាធិការរៀបចំការបោះឆ្នោត ដែលប្រកាសថា លោកស្រី យីងឡាក់ នៅតែអាចឈរជាអ្នកតំណាងរាស្ត្រថៃបានទៀត តាមរយៈការបោះឆ្នោត ថ្ងៃទី២ ខែកុម្ភៈ ឆ្នាំ២០១៤ ខាងមុខនេះ។
មេដឹកនាំមកពីគណបក្សប្រឆាំងនេះ បញ្ជាក់ថា អ្នកនយោបាយត្រកូល ស៊ីណាវាត្រា គឺជាគោលដៅនៃការធ្វើបាតុកម្ម ប្រឆាំងរដ្ឋាភិបាលចេញពីការបោះឆ្នោតជាថ្មីនេះ។
លោកថាក់ស៊ិន ស៊ីណាវាត្រា គឺជាមហាសេដ្ឋីល្បីល្បាញជាងគេ នៅរាជាណាចក្រថៃ។ លោកត្រូវបានធ្វើរដ្ឋប្រហារ ដោយយោធា នៅឆ្នាំ២០០៦ បន្ទាប់ពីក្រុមប្រឆាំងចោទថា លោកនិងគ្រួសារលោក ប្រព្រឹត្តអំពើពុករលួយ និងបំពានអំណាចរដ្ឋ។ សព្វថ្ងៃ លោក ថាក់ស៊ិន បាននិរទេសខ្លួន ទៅរស់នៅក្រៅប្រទេស៕
No comments:
Post a Comment
yes