ក្រុមប្រជាពលរដ្ឋមានគ្នាប្រមាណ ៥០នាក់ ដែលតាំងខ្លួនថា ជាបណ្ដាញពលរដ្ឋស្វែងរកសន្តិភាព និងមិនចំណុះឲ្យគណបក្សនយោបាយណាមួយ បានអះអាងថានឹងបន្តប្រមូលផ្តុំគ្នាតវ៉ាជាបន្តទៀត នៅរសៀលម៉ោង ១ ថ្ងៃព្រហស្បតិ៍ ទី១២ ខែធ្នូ នាបរិវេណវត្តភ្នំ។
តំណាងពលរដ្ឋនៃបណ្ដាញស្វែងរកសន្តិភាព លោក ស្បៃ វែង បានឲ្យដឹងថា ការប្រមូលផ្តុំរបស់ក្រុមការងាររបស់លោកនៅរសៀលថ្ងៃព្រហស្បតិ៍ នឹងមានការចូលរួមពីតំណាងសហគមន៍បឹងកក់ មានអ្នកស្រី ទេព វន្នី និងអ្នកស្រី យោម បុប្ផា ជាដើម។
លោកឲ្យដឹងថា គោលបំណងនៃការប្រមូលផ្តុំរបស់ក្រុមលោក គឺដើម្បីទាមទារឲ្យនាយករដ្ឋមន្ត្រី ហ៊ុន សែន ចុះចេញពីតំណែង និងទាមទារឱ្យមេដឹកនាំបក្សសង្គ្រោះជាតិ អនុវត្តតាមឆន្ទៈរបស់ម្ចាស់ឆ្នោត។
លោក ស្បៃ វែង ថ្លែងថា ក្រុមលោកមិនពាក់ព័ន្ធនឹងគណបក្សនយោបាយណាមួយទេ ហើយគោលបំណងនៃការទាមទារ គឺចង់ឱ្យគណបក្សប្រជាជនកម្ពុជា និងគណបក្សសង្គ្រោះជាតិ គោរពតាមឆន្ទៈរាស្ត្រ។
No comments:
Post a Comment
yes