លោកកឹមសុខាព្រមានដាក់ឱសានវាទរយៈពេល៣ខែឲ្យរៀបចំការបោះឆ្នោតឡើងវិញ​

ថ្នាក់ដឹកនាំគណបក្សសង្រ្គោះជាតិ នៅល្ងាចម៉ោងជាង៥នេះ ប្រកាសជាលក្ខណៈព្រមាន ដោយទុក ពេលឲ្យមានការរៀបចំការបោះឆ្នោត​ឡើង​វិញ ក្នុងរយៈពេល៣ខែ ចាប់ពីថ្ងៃពេលធ្វើបាតុកម្ម នេះ តទៅ។

អនុប្រធានគណបក្ស លោក កឹម សុខា ប្រកាសប្រាប់បាតុករមុនពេលធ្វើការដង្ហែជាក្បួនថា គណ បក្សសង្រ្គោះជាតិ ទុកឱសាន​វាទចំនួន​៣ខែ ដើម្បីឲ្យមានការរៀបចំបោះឆ្នោតឡើងវិញ តែលោក មិនបានបញ្ជាក់ថាតើនឹងមានវិធានការអ្វីទៀត ប្រសិនបើមិនមាន​ការរៀប​ចំការ​បោះ​ឆ្នោតក្នុង រយៈ ពេល៣ខែទៀត។

កាលពីថ្ងៃចន្ទ លោក កឹម សុខា បានថ្លែងជាលក្ខណៈព្រមានទៅកាន់បាតុករថា បាតុកម្មនៅលើក នេះ គឺទាមទារឲ្យបោះឆ្នោតឡើងវិញ មុននឹងដូរគជប។ លោក បានព្រមានថ្នាក់ដឹកនាំចុះ ចេញពីតំ ណែងក្នុងរយៈពេលបីខែនៃការធ្វើ បាតុកម្មនៅទីលានប្រជាធិបតេយ្យ។

នៅថ្ងៃអង្គារនេះ ក្បួនដង្ហែគណបក្សសង្រ្គោះជាតិ បានចាប់ផ្តើមធ្វើដំណើរតាមផ្លូវជាតិលេខ៥ រហូត ដល់ស្វាយប៉ាកវាងមកតាមផ្​លូវជាសុផារ៉ា(ផ្លូវ៥៩៨) រួចវាងមកតាមផ្លូវកាំកូស៊ីធី មកអង់តែនទួល គោក វាងមកស្ថានទូតបារាំង ឡើងមកព្រះសក្យមុនី​ចេតិយ​(ម្តុំរ៉ារទះភ្លើង) រួចសំដៅមកទីលានប្រ ជាធិបតេយ្យវិញ៕