កម្ពុជា នឹងមានខេត្តមួយទៀត គឺខេត្តត្បូងឃ្មុំ ដែលត្រូវបាន
បំបែកចេញពីខេត្តកំពង់ចាម/រូបភាពពីwww.cpp.org.kh
ព្រះមហាក្សត្រនៃព្រះរាជាណាចក្រកម្ពុជា បានត្រាស់បង្គាប់បង្កើតខេត្តត្បូងឃ្មុំមួយទៀត ដែលត្រូវបានបំបែកចេញពីខេត្តកំពង់ចាម តាមសំណើររបស់រាជរដ្ឋាភិបាល។
ខេត្តត្បូងឃ្មុំនេះ កាត់យកក្រុងចំនួន១ និងស្រុកចំនួន៦ពីខេត្តកំពង់ចាម គឺក្រុងសួង ស្រុកត្បូងឃ្មុំ ស្រុកអូររាំងឪ ស្រុកក្រូចឆ្មារ ស្រុកតំបែរ ស្រុកពញាក្រែក និងស្រុកមេមត់។
សេចក្តីត្រាស់បង្គាប់របស់ព្រះមហាក្សត្រ ចុះព្រះហត្ថលេខានៅថ្ងៃទី៣១ខែធ្នូ ឆ្នាំ២០១៣ បង្ហាញថា ទីតាំងសាលាខេត្តត្បូងឃុំ នឹងត្រូវកំណត់ដោយអនុក្រឹត្យតាមសំណើររបស់ក្រសួងមហាផ្ទៃ។ព្រះមហាក្សត្របានត្រាស់បង្គាប់ឲ្យលោកនាយករដ្ឋមន្ត្រី ហ៊ុន សែន ត្រូវទទួលបន្ទុកអនុត្តព្រះរាជក្រឹត្យ ចាប់ពីថ្ងៃឡាយព្រះហស្ថលេខានេះតទៅ។
ខេត្តកំពង់ចាម ជាខេត្តធំទី១១ក្នុងចំណោមខេត្តក្រុងចំនួន២៤ ដែលមានផ្ទៃដីសរុប៩៧៩៩គីឡូម៉ែត្រការ៉េ និងប្រជាជនប្រមាណជា១៦៨០៦៩៤(តាមជំរឿនឆ្នាំ២០០៨)។ ខេត្តមួយនេះ ជាខេត្តដែលមានប្រជាជនច្រើនជាងគេ។ ខេត្តមួយនេះ មានក្រុងសរុបចំនួន២ និងស្រុកចំនួន១៥។
កាលពីការបោះឆ្នោតនៅថ្ងៃទី២៨ខែកក្កដា ឆ្នាំ២០១៣ គណបក្សសង្គ្រោះជាតិ បានទទួលអាសនៈចំនួន១០លើសគណបក្សប្រជាជនកម្ពុជាចំនួន២ ដែលទទួលបានតែ៨អាសនៈ។
កំពង់ចាម មានព្រំប្រទល់ជាប់នឹងខេត្តកំពង់ឆ្នាំង កំពង់ធំ ក្រចេះ ព្រៃវែង កណ្តាល ហើយក៏ជាប់នឹងប្រទេសវៀតណាមនៅភាគខាងកើតផងដែរ៕
No comments:
Post a Comment
yes