ប្រធានកាកបាទក្រហមកម្ពុជា អ្នកស្រី ប៊ុន រ៉ានី ហ៊ុន សែន
លោកនាយករដ្ឋមន្ត្រី ហ៊ុន សែន បានតែងតាំងភរិយារបស់លោក គឺអ្នកស្រី ប៊ុន រ៉ានី ហ៊ុន សែន ជាប្រធានកិត្តិយសគណៈកម្មាធិការជាតិលើកកម្ពស់សីលធម៌សង្គម តម្លៃស្ត្រី និងគ្រួសារខ្មែរ។
សេចក្ដីសម្រេចចុះហត្ថលេខាដោយលោក ហ៊ុន សែន នៅថ្ងៃទី២៩ ខែមករា ឆ្នាំ២០១៤ ក៏បានតែងតាំងរដ្ឋមន្ត្រីក្រសួងកិច្ចការនារី អ្នកស្រី អ៊ឹង កន្ថាផាវី ជាប្រធានគណៈកម្មាធិការជាតិនេះ និងសមាជិករដ្ឋាភិបាល ១៨រូបផ្សេងទៀតជាសមាជិក។
អ្នកស្រី មូរ សុខហួរ សមាជិកជាប់ឆ្នោតគណបក្សសង្គ្រោះជាតិ និងជាអតីតរដ្ឋមន្ត្រីក្រសួងកិច្ចការនារីថ្លែងស្វាគមន៍ការតែងតាំងអ្នកស្រី ប៊ុន រ៉ានី ហ៊ុន សែន ដឹកនាំគណៈកម្មាធិការជាតិនេះ។ អ្នកស្រីមានប្រសាសន៍ថា មានបញ្ហាប្រឈមជាច្រើនដែលស្ត្រីខ្មែរកំពុងជួបប្រទះ ហើយទាមទារឲ្យគណៈកម្មាធិការជាតិនេះ ដោះស្រាយឲ្យមានប្រសិទ្ធភាព។
សេចក្ដីសម្រេចរបស់លោក ហ៊ុន សែន គូសបញ្ជាក់បន្ថែមទៀតថា គណៈកម្មាធិការជាតិនេះ មានភារកិច្ចអនុវត្តការងារទៅតាមការតម្រង់ទិសដៅនៃអនុក្រឹត្យលេខ ៨៧ ចុះថ្ងៃទី២៣ ខែសីហា ឆ្នាំ២០០៦ ឲ្យទទួលបានលទ្ធផលល្អប្រសើរ និងអញ្ជើញចូលរួមប្រជុំតាមការអញ្ជើញរបស់ប្រធាន៕
No comments:
Post a Comment
yes