ជម្រកប្រជាពលរដ្ឋនៅខេត្តកោះកុង ដែលត្រូវបានដុតបំផ្លាញ
នាពេលកន្លងមក (រូបថតពីបណ្តាញសង្គម)
វេទិកានៃអង្គការមិនមែនរដ្ឋាភិបាលស្តីពីកម្ពុជា (NGO Forum) នៅថ្ងៃស្អែកនេះ នឹងដឹកនាំក្រុមអ្នកសារព័ត៌មាន និងមន្ត្រីអង្គការសង្គមស៊ីវិល ចុះពិនិត្យផ្ទះប្រជាពលរដ្ឋនៅខេត្តកោះកុង ដែលត្រូវបានអាជ្ញាធររុះរើ និងដុតបំផ្លាញ។
មន្ត្រីផ្នែកច្បាប់ NGO Forum លោក វង្ស កុសល មានប្រសាសន៍ថា ឥឡូវនេះផ្ទះប្រជាពលរដ្ឋដែលត្រូវបានដុតចោលនោះ កើនឡើងពី១១ទៅ៤៣គ្រួសារ បន្ទាប់ពីមានជម្លោះជាមួយក្រុមហ៊ុន ចិន Union Development Group Co, LTD នៅឃុំតានូន ស្រុកបូទុមសាគរ ខេត្តកោះកុង។ លោកបន្តថា ការចុះពិនិត្យនេះ ដើម្បីឲ្យអ្នកសារព័ត៌មាន មើលឃើញទិដ្ឋភាពផ្ទាល់ និងពិនិត្យមើលគម្រោងអភិវឌ្ឍន៍ផ្ទាល់ ថាពិតជាផ្តល់ផលប្រយោជន៍ដល់ប្រជាពលរដ្ឋឬអត់។ លោកឲ្យដឹងទៀតថា ពេលអ្នកសារព័ត៌មានចុះពិនត្យផ្ទាល់ ប្រជាពលរដ្ឋអាចលើកបញ្ហាកំពុងប្រឈម ភាពអយុត្តិធម៌ និងការព្រួយបារម្ភ និងសំណូមពរឲ្យរដ្ឋាភិបាលជួយដោះស្រាយរកយុត្តិធម៌ជូនពួកគាត់។
កាលពីឆ្នាំ២០១០ ក្រុមហ៊ុនចិន Union Development Group Co, LTD បានទទួលនូវសម្បទានដី ពីរាជរដ្ឋាភិបាលកម្ពុជា ទំហំ ៣៦០០០ ហិកតាតាមបណ្តោយឆ្នេរសមុទ្រ ខេត្តកោះកុង ដើម្បីអភិវឌ្ឍន៍លំនៅដ្ឋាន សណ្ឋារគារនិង ECO ទេសចរណ៍ ក្នុងរយៈពេល ៩៩ឆ្នាំ ឬអាចបន្តទៀតបាន។ ក្រុមហ៊ុននេះ ក៏បានដីបន្ថែមទំហំ ៩១០០ ហិកតាទៀតដើម្បីធ្វើវារីអគ្គីសនី ផ្គត់ផ្គង់តំបន់នោះ៕
No comments:
Post a Comment
yes