ទណ្ឌិតនៅក្នុងពន្ធធានាគារកម្ពុជា
ក្រសួងយុត្តិធម៌គ្រោងនឹងដោះលែងមនុស្ស និងបន្ធូរបន្ថយទោសទណ្ឌិតចំនួន៣៣៩នាក់ ក្នុងថ្ងៃបុណ្យពិសាខបូជាខាងមុខ។នេះបើតាមការបញ្ជាក់ពីមន្ត្រីជាន់ខ្ពស់នៃក្រសួងយុត្តិធម៌នៅថ្ងៃសុក្រនេះ។ ការដោះលែងនេះគឺធ្វើឡើងជាប្រចាំសម្រាប់នៅក្នុងថ្ងៃបុណ្យធំៗរបស់ជាតិក្នុងរយៈពេល៣ដងក្នុងមួយឆ្នាំ។ ប៉ុន្តែសង្គមស៊ីវិលស្នើឱ្យក្រសួងយុត្តិធម៌ដោះលែងនឹងបន្ធូរបន្ថយទោសដល់ទណ្ឌិតទាំងអស់ដោយតម្លាភាព និងសុក្រឹត្យភាព។
ទណ្ឌិតប្រមាណ៣៣៩នាក់ នឹងត្រូវបានដោះលែងនិងបន្ធូរបន្ថយទោសក្នុងថ្ងៃបុណ្យពិសាខបូជាខាងមុខ។ ថ្ងៃពិសាខបូជា ដែលជាបុណ្យសាសនាដ៏ធំសម្រាប់ពុទ្ធសាសនិកដែលប្រព្រឹត្តទៅនៅថ្ងៃទី១៣ ឧសភា។ នេះបើតាមការបញ្ជាក់ពីលោក សំ ប្រជាមានិត្យ នាយកខុទ្ទកាល័យ និងជាអ្នកនាំពាក្យនៃក្រសួងយុត្តិធម៌។
ថ្លែងប្រាប់វិទ្យុបារាំងនៅថ្ងៃសុក្រនេះ អ្នកនាំពាក្យរូបនេះ បានឱ្យដឹងថា ក្នុងចំណោមអ្នកទោសដែលត្រូវដោះលែងទាំងអស់ មាន ៣៥នាក់ត្រូវដោះលែងទាំងស្រុង ៨៧នាក់បន្ធូរបន្ថយ១២ខែ ៥៩នាក់បន្ថូបន្ថយ៩ខែ និង១៥៨នាក់ផ្សេងទៀត បន្ថួរបន្ថយ រយៈពេល៦ខែ។
លោកនាយកខុទ្ទកាល័យ និងជាអ្នកនាំពាក្យក្រសួងយុត្តិធម៌ដដែល បានឱ្យបន្ថែមថា ការសម្រេចដោះលែង និងបន្ថូបន្ថយនេះ គឺធ្វើតាមការសម្រេចកិច្ចប្រជុំនៃគណៈកម្មការជាតិត្រួតពិនិត្យការបន្ធូរបន្ថយទោស និងលើកលែងទោសទណ្ឌិតដែលមានរដ្ឋមន្ត្រីក្រសួងយុត្តិធម៌ លោក អង្គវង្សវឌ្ឍនា ជាប្រធាន។
បើតាមលោកប្រជាមានិត្យដដែល រាល់ការលើកលែងទោស និងការបន្ធូររបន្ថយទោសគឺពឹងផ្អែកលើចំណុចចំនួនពីរ។ទី១ការកែប្រែចរិតលក្ខណៈនៃទណ្ឌិតដែលអាចរួមរស់ក្នុងសង្គមវិញបាន និងទី២ពឹងលើការអនុវត្តទោសដែលមានចែងក្នុងច្បាប់របស់កម្ពុជា។
លោកនាយកខុទ្ទកាល័យ និងជាអ្នកនាំពាក្យក្រសួងយុត្តិធម៌ដដែល បានឱ្យបន្ថែមថា ការសម្រេចដោះលែង និងបន្ថូបន្ថយនេះ គឺធ្វើតាមការសម្រេចកិច្ចប្រជុំនៃគណៈកម្មការជាតិត្រួតពិនិត្យការបន្ធូរបន្ថយទោស និងលើកលែងទោសទណ្ឌិតដែលមានរដ្ឋមន្ត្រីក្រសួងយុត្តិធម៌ លោក អង្គវង្សវឌ្ឍនា ជាប្រធាន។
បើតាមលោកប្រជាមានិត្យដដែល រាល់ការលើកលែងទោស និងការបន្ធូររបន្ថយទោសគឺពឹងផ្អែកលើចំណុចចំនួនពីរ។ទី១ការកែប្រែចរិតលក្ខណៈនៃទណ្ឌិតដែលអាចរួមរស់ក្នុងសង្គមវិញបាន និងទី២ពឹងលើការអនុវត្តទោសដែលមានចែងក្នុងច្បាប់របស់កម្ពុជា។
សូមបញ្ជាក់ជូនថា កម្ពុជាតម្រូវទណ្ឌិតទាំងអស់ អនុវត្តទោសចំនួន ២ភាគ៣ទើបអាចលើកលែងទោសទាំងស្រុង ដោយឡែកការបន្ធូរបន្ថយទោសវិញ តម្រូវឱ្យអ្នកទោសយ៉ាងហោចណាស់ អនុវត្តទោសរបស់ខ្លួនចំនួន១ភាគ៣ផងដែរ ។ គិតទាំងបុណ្យពិសាខបូជាខាងមុខ ទណ្ឌិតប្រមាណជាង៨០០នាក់ហើយត្រូវបានដោះលែង និងបន្ធូរបន្ថយទោស ក្នុងនោះមានប្រមាណជា៥០០នាក់ត្រូវបានដោះលែង និងបន្ធូរបន្ថយទោស ក្នុងពិធីបុណ្យចូលឆ្នាំខ្មែរកាលពីខែមេសាកន្លងទៅនេះ។
លោក អំ សំអាត មន្ត្រីស៊ើបអង្កេតជាន់ខ្ពស់នៃការអង្គការលីកាដូ បានអំពាវនាវថា រាល់ការដោះលែងនិងការបន្ធូរបន្ថយទោសដល់ទណ្ឌិតទាំងអស់ ត្រូវមានតម្លាភាព សុក្រឹតភាព និងមានការវិនិច្ឆ័យដោយផ្ទាល់ពីគណៈកម្មការជំនាញដោយជៀសវាងការជឿទាំងស្រុងពីរបាយការណ៍មន្ត្រីថ្នាក់ក្រោម៕
No comments:
Post a Comment
yes