ckn-media.blogspot.com

លោកស្រីហង្ស បូរី ប្រកាសប្តឹងកាសែតនគរវត្ត

កាសែតនគរវត្តដែលមាននិន្នាការគាំទ្រគណបក្សប្រជាជនកម្ពុជា ត្រូវបានលោកស្រីហង្ស បូរី អតីតជំ
នួយការលោកម៉ល់ រឿប ប្រធាននាយកដ្ឋានចរកម្ម ប្រកាសប្តឹងទៅតុលាការនៅថ្ងៃច័ន្ទ ទី០៩​ខែសីហា ឆ្នាំ២០១០ ពីបទបង្ខូចកេរ្តិ៏ឈ្មោះ និងប្រឌិតរឿងមិនពិត។ សូមជុំរាបថាការប្តឹងនេះបន្ទាប់ពី
កាសែតនគរវត្តចុះផ្សាយកាលពីថ្ងៃសៅរ៏ ទី០៧ ខែសីហា ឆ្នាំ២០១០ ដែលបានដាក់ចំណងជើងថា
«ហង្ស បូរី នៅពីក្រោយខ្នងអំពើអាស» ។
បន្ទាប់ពីការចេញផ្សាយរបស់កាសែតនគរវត្តនេះមកលោកស្រី ហង្ស បូរី បានអះអាងថា លោកស្រី
មិនបាននៅពីក្រោយខ្នងក្នុងរឿងក្តីលោករស់ សារិន និងអ្នកស្រីសុវណ្ណ ឃុទ្ធានោះទេ។ លោកស្រី
ហង្ស បូរី បានបញ្ជាក់បន្ថែមថា អ្នកស្រីសុវណ្ណ ឃុទ្ធា បង្កើតសក្ខីភាពខ្លែងក្លាយនិងដើម្បីចាប់លោក
រស់ សារិន។
លោកស្រីហង្ស បូរី បញ្ជាក់ជាចុងក្រោយថា លោកម៉ល់ រឿប គឺជាអ្នកនៅពីក្រោយខ្នងរឿងក្តីអ្នកស្រី
សុវណ្ណ ឃុទ្ធា ដោយបង្កើតអំពើទុច្ចរិត ប្រឌិតរឿង។ទាក់ទងនិងរឿងខាងលើនេះអ្នកយកព័ត៌មានយើង
មិនអាចសំការបំភ្លឺពីលោកម៉ល់ រឿបបានទេ។