សាលាដំបូងរាជធានីភ្នំពេញបើកសវនាការជំនុំជម្រះលើសំណុំរឿងក្តីនាយិកាអង្គការលីកាដូ នារសៀល
ថ្ងៃទី២៨ ខែកញ្ញា ដែលត្រូវបានអតីតបុគ្គលិករបស់ខ្លួនប្តឹងពីបទរំលោភច្បាប់ការងារ។
ការបើកសវនាការលើរឿងលោកស្រី ណាលី ពីឡូក នាយិកាអង្គការលីកាដូគឺបន្ទាប់ពីលោក ប៉ិ វណ្ណៈ
អតីតបុគ្គលិកលីកាដូបានដាក់ពាក្យបណ្តឹងប្តឹងទៅតុលាការសាលាដំបូងរាជធានីភ្នំពេញកាលពីថ្ងៃទី១១
ខែឧសភា ឆ្នាំ២០១០ កន្លងមកនេះ។ចៅក្រមជំនុំជម្រះសំណុំរឿងក្តីខាងលើនេះមានលោក កែ សាខន
អនុប្រធានសាលាដំបូងរាជធានីភ្នំពេញជាចៅក្រមនិងមានការចូលរួមពីដើមបណ្តឹងលោក ប៉ិ វណ្ណៈ
និង លោកស្រី ណាលី ពីឡូក ដែលជាចុងចោទ។លោក ប៉ិ វណ្ណៈ បានអោយដឹងថាលោកប្តឹងលោកស្រី
ណាលី ពីឡូក ពីបទរំលោភច្បាប់ការងារដោយបញ្ឈប់បុគ្គលិកមិនបានផ្តល់ប្រាក់បំណាច់អោយបាន
ត្រឹមត្រូវតាមច្បាប់ការងារ។
No comments:
Post a Comment
yes