សភាថៃមិនហ៊ានសន្យាជាមួយសភាកម្ពុជា
ពីការអនុម័តកិច្ចព្រមព្រៀងព្រំដែន
ភ្នំពេញ: លោក ងួន ញ៉ឹល ប្រធានស្តីទីរដ្ឋសភា បានជំរុញឲ្យសភាថៃ អនុម័តកិច្ចព្រមព្រៀងព្រំដែនរវាង ប្រទេសទាំងពីរ ដែលរដ្ឋាភិបាលទាំងពីរ បានចុះហត្ថលេខារួចហើយ។ ការជំរុញនេះបានធ្វើឡើងក្នុងពេលជួបជាមួយប្រតិភូសភាមិត្តភាពថៃ កម្ពុជា នៅរសៀលថ្ងៃទី ២៣ ធ្នូ នេះនៅឯមន្ទីររដ្ឋសភា
ជាតិ។
គណៈប្រតិភូសភាមិត្តភាពថៃ កម្ពុជា ដឹកនាំដោយ លោក ជីធីផតវា រីយ៉ារ៉ូស បានមកបំពេញ ទស្សនកិច្ចនៅកម្ពុជា និង បានចូលជួបជាមួយលោក ងួន ញ៉ឹល ប្រធានស្តីទីសភាកម្ពុជា ដើម្បីពិភាក្សា
ការងារមួយចំនួន។ ក្នុងឧិកាសនោះ ប្រធានស្តីទីសភាកម្ពុជា បានជំរុញជាថ្មីទៀត ឲ្យសមភាគីថៃអនុម័តកិច្ចព្រមព្រៀងដែលរដ្ឋាភិបាលទាំងពីរ សម្រេចរួចហើយដោយរង់ចាំតែការអនុម័ត ពីសភាថៃតែប៉ុណ្ណោះ។ តែសភាថៃ ដូចជាមិនបានសន្យាអ្វីជាក់លាក់ឡើយ ។
យ៉ាងណាក៏ដោយ ភាគីទាំងពីរសុទ្ធតែបានឲ្យតម្លៃដល់ភាពសំខាន់នៃការរស់នៅក្នុងឋានៈ ជាអ្នកភូមិ
ផងរបងជាមួយគ្នាប្រកបដោយសុខសន្តិភាព ។ លោក ងួន ញឹល អះអាងថា ទស្សនកិច្ចរបស់ប្រតិភូ សភាមិត្តភាពថៃ កម្ពុជា នៅពេលនេះបានបញ្ជាក់ថាប្រទេសទាំងពីរកំពុងតែកសាងទំនាក់ទំនងល្អ ជាមួយគ្នា៕
No comments:
Post a Comment
yes