ទិតសុធា៖ ស្រុកខ្មែរសុខណាស់……គ្មានការប៉ុនប៉ង
ធ្វើឃាតអ្នកនយោបាយនោះទេ
និពន្ធដោយ វិទ្យុនគរវត្ត
ថ្ងៃអង្គារ ទី01 មីនា ឆ្នាំ2011 ម៉ោង15:47
មន្ត្រីអ្នកនាំពាក្យអង្គ ភាពប្រតិកម្មរហ័ស នៃទីស្តីការគណរដ្ឋមន្ត្រី បានប្រតិកម្ម ចំពោះសម្តីប្តីប្រពន្ធគណបក្សសមរង្ស៊ី ដែលនិយាយថា គេងមិនសូវលក់ទេ នៅស្រុកខ្មែរ…មានការប៉ុនប៉ងធ្វើឃាតអ្នកនយោបាយ។មន្ត្រីអ្នកនាំពាក្យអង្គ ភាពប្រតិកម្មរហ័ស នៃទីស្តីការគណរដ្ឋមន្ត្រី លោកទិតសុធា បានមានប្រសាសន៍ថា ស្ថានការណ៍ក្នុងសង្គមកម្ពុជា មានសេចក្តីសុខណាស់ និងថា គ្មានការប៉ុនប៉ង ធ្វើឃាតណាមួយ ដូចតាមការចោទរបស់លោកស្រីជូឡុងសាមូរ៉ានោះទេ។៉ សភាពការណ៍នៅកម្ពុ ជា មិនអាក្រក់ដូចតាមការនិយាយរបស់ប្រពន្ធ លោក សមរង្ស៊ីនោះទេ។ ពលរដ្ឋខ្មែររស់នៅប្រកបដោយសុខសន្តិភាព។ សម្តីនេះ ជាការបង្កើតបញ្ហា និងមានបំណងបំផុស ធ្វើអោយប្រជាពលរដ្ឋភ័យដើម្បីប្រជាប្រីយ៍ភាពនយោបាយរបស់ប្តីប្រពន្ធលោកសមរង្ស៊ី តែប៉ុណ្ណោះ ។ ៉ ប្រសាសន៍របស់មន្ត្រីអ្នកនាំពាក្យអង្គភាពប្រតិកម្មរហ័ស គឺនៅបន្ទាប់ពីកាសែតក្នុងស្រុកមួយ នៅសហរដ្ឋអាមេរិកបានចុះផ្សាយដំណើរទស្សនកិច្ច ប្តីប្រពន្ធ របស់មេដឹកនាំគណបក្សប្រឆាំងសមរង្ស៊ី ជាមួយនឹងការចោទអំពីការប៉ុនប៉ង ធ្វើឃាតអ្នកនយោបាយនៅក្នុងប្រទេស។ កាសែតអាមេរិកាំង ឈ្មោះ The Dispatch ចុះ ផ្សាយថ្ងៃអាទិត្យទី២៧កុម្ភៈថា លោកសមរង្ស៊ី និងភរិយារបស់ លោកឈ្មោះ ជូឡុងសូមូរ៉ា បានធ្វើដំណើរទៅកាន់សហគមខ្មែរមួយ ក្នុងក្រុង ឡិចស៊ីងតុន រដ្ឋ NorthCarolina ដែល នៅពេលនោះ លោកស្រីជូឡុង បាននិយាយប្រាប់កាសែតអាមេរិកាំងនោះថា គាត់ក៏ត្រូវរស់ជាសភាពនិរទេស ដូចប្តីរបស់គាត់ដែរ។ លោកស្រីជូឡុងសាមូរ៉ា និយាយតាមកាសែតអាមេរិកទៀតថាពួកគេទាំង២ រស់នៅក្នុងក្រុងប៉ារីស ប្រទេសបារាំង និងថា ប្រហែលមួយខែមុន លោកស្រីនិងលោកសមរង្ស៊ី ធ្វើដំណើរមកកម្ពុជា។
៉ ពេលដែលយើងទៅកម្ពុជា យើងគេងមិនសូវលក់ទេ នា ពេលយប់ ៉។ លោកស្រីបានបន្តថា មានករណីថ្មីៗ ប៉ុនប៉ងធ្វើឃាតមេដឹកនាំនយោបាយកម្ពុជាឯទៀតៗ។ លោកស្រីមិនបានបញ្ជាក់ថា តើហេតុការណ៍ប៉ុនប៉ងធ្វើឃាតនយោបាយនោះ បានជាប់ទាក់ទង នឹងអ្នកណានោះឡើយ ហើយលោកស្រីមិនមានបញ្ជាក់អំពីរឿងប៉ុនប៉ង ធ្វើឃាតនោះ នៅទីណា កន្លែងណា ហើយនៅថ្ងៃណា ដើម្បីអោយគេបានដឹងជាទូទៅនោះទេក្នុងការប្រាប់សហគមខ្មែរ ក្នុងក្រុងឡិចស៊ីតុន កាលពីថ្ងៃទី២៦ កុម្ភៈនោះ។
សម្តីរបស់លោកស្រីជូឡុងសា មូរ៉ា បានធ្វើឡើងនៅគ្រាដែលប្រជាជនកម្ពុជាកំពុងតែយកចិត្តទុកដាក់លើស្ថានការណ៍ឈ្លានពានរបស់ទាហានថៃដែលព្យាយាមបិទបាំងពិភពលោកមិនអោយជួយកម្ពុជាជុំវិញស្ថានការណ៍នៅប្រាសាទព្រះវិហារ។ លោកទិតសុធា បានថ្លែងសង្ស័យថាសម្តីរបស់លោកស្រី ជូឡុងសាមូរ៉ាគឺជាការចង់បង្វែរស្ថានការណ៍ខ្មែរ ដែលកំពុងផ្តោតលើសភាពការណ៍ ថៃឈ្លានពាន។ លោកទិត សុធា បានថ្លែងព្រមានថា៉ កុំ បំបែកស្ថានការណ៍ ដើម្បីប្រយោជន៍ផ្ទាល់ខ្លួន ………ប្រជាជនខ្មែរមិនមែនចេះតែជឿសម្តី អ្នកនយោបាយដែលគ្មានការពិតនោះទេ ៉។ ពីគេហទំព័រ វិទ្យុ នគរវត្ត
http://www.nkw101.com/index.php?option=com_content&view=article&id=1214:2011-03-01-08-48-08&catid=59:society&Itemid=89
No comments:
Post a Comment
yes