អង្គការ សមាគមខ្មែរកម្ពុជាក្រោម ស្នើរដ្ឋមន្ត្រីក្រសួងនគរបាលវៀតណាម អោយ ប្រើត្រាក្នុងវត្តជាអក្សរខ្មែរ

 អង្គការ​ សមាគមខ្មែរកម្ពុជាក្រោម គ្រោងដាក់លិខិតទៅរដ្ឋមន្ត្រីក្រសួងនគរបាលវៀតណាម នៅ

ប្រទេសវៀតណាម តាមរយៈស្ថានទូតវៀតណាមប្រចាំនៅព្រះរាជាណាចក្រកម្ពុជា ក្នុងសប្តាហ៍

នេះ។

 លោក សឺន ជុំជួន ប្រធានសមាគមបណ្តាញយុវជនខ្មែរកម្ពុជាក្រោម បានអោយដឹងនៅរសៀល

ថ្ងៃទី១៩ កញ្ញា ថា ការដាក់លិខិតទៅរដ្ឋមន្ត្រីក្រសួងនគរបាលវៀតណាម ក្នុងគោលបំណងសុំការ

អនុញ្ញាតអោយគ្រប់វត្តអារាម នៅទឹកដីកម្ពុជាក្រោម អោយប្រើប្រាស់ត្រារបស់ចៅអធិការវត្ត ជា

អក្សរខ្មែរទាំងអស់។ពីព្រោះត្រាដែលប្រើប្រាស់កន្លងមកក្នុងវត្ត នៅកម្ពុជាក្រោមជាអក្សរវៀតណាម

ទាំងអស់ អត់មានអក្សរខ្មែរទេ។ ដោយលោកបានបញ្ឆាក់ថា លិខិតដាក់ទៅរដ្ឋមន្ត្រីក្រសួងនគរបាល

វៀតណាម នៅប្រទេសវៀតណាម តាមរយៈស្ថានទូតវៀតណាម ប្រចាំក្នុងព្រះរាជាណាចក្រកម្ពុជា 

ក្នុងសប្តាហ៍នេះ(ពុំបញ្ឆាក់ប្រាប់ពីការបរិច្ឆេទេ)។

 លោក សឺន ជុំជួន ប្រធានសមាគមបណ្តាញយុវជនខ្មែរកម្ពុជាក្រោម បានអោយដឹងបន្តថា ត្រា

ដែលប្រើបច្ចុប្បន្ននៅក្នុងវត្តខ្មែរកម្ពុជាក្រោម នៅកម្ពុជាក្រោម ខុសប្លែកពីពេលមុន។ ពីព្រោះកាល

ពីពេលមុនត្រាមានអក្សរខ្មែរ និងអក្សរឡាតាំង ប៉ុន្តែបច្ចុប្បន្នបាត់អក្សរខ្មែរ និងបាត់អក្សរឡាតាំង​ អស់ហើយ ដោយដាក់ជាអក្សរវៀតណាមវិញ។

 សូមជម្រាបថា វត្តខ្មែរកម្ពុជាក្រោម នៅក្នុងទឹកដីកម្ពុជាក្រោម ដែលស្ថិតក្រោមការគ្រប់គ្រងរបស់

រដ្ឋាភិបាលវៀតណាម មានប្រមាណជា៥៧០ ៕