កងកម្លាំងអាជ្ញាធរកំពុងចោមរោមវាយទាត់ធាក់យុវជនម្នាក់
ដែលប្រឆាំងនឹងការកម្ទេចផ្ទះអ្នកបឹងកក់ នៅថ្ងៃទី១៦ ខែកញ្ញា ឆ្នាំ២០១១។
នៅរសៀលថ្ងៃនេះគ្រឿងចក្ររបស់ក្រុមហ៊ុនស៊ូកាគូអ៊ីនដែលអមការពារដោយកម្លាំងអាជ្ញាធរបានធ្វើការឈូសបំផ្លាញផ្ទះប្រជាពលរដ្ឋដែលរស់នៅតំបន់បឹងកក់អស់៨ខ្នងដោយមិនបានជូនដំណឹងជាមុនឡើយ។ ជាមួយគ្នានោះក៏បានធ្វើពលរដ្ឋម្នាក់រងរបួសជាទម្ងន់ផងដែរ។
អ្នកស្រី ណុន សុខេង តំណាងអ្នកភូមិបឹងកក់បាននិយាយថា ហេតុការណ៍នេះបានកើតឡើងនៅវេលាម៉ោង២រសៀលថ្ងៃនេះ ដោយក្រុមហ៊ុនស៊ូកាគូអ៊ីនបានប្រើគ្រឿងចក្រទៅបំផ្លាញផ្ទះអ្នកភូមិ។ ដោយអ្នកស្រីបានបន្តថា បុរសម្នាក់ឈ្មោះ សួង សុភ័ណ្ឌ អាយុ៣០ឆ្នាំត្រូវរងរបួសក្បាលដោយសារតែក្រុមសន្តិសុខព្រួតវាយ។
អ្នកស្រី ណុន សុខេង តំណាងអ្នកភូមិបឹងកក់បាននិយាយថា ហេតុការណ៍នេះបានកើតឡើងនៅវេលាម៉ោង២រសៀលថ្ងៃនេះ ដោយក្រុមហ៊ុនស៊ូកាគូអ៊ីនបានប្រើគ្រឿងចក្រទៅបំផ្លាញផ្ទះអ្នកភូមិ។ ដោយអ្នកស្រីបានបន្តថា បុរសម្នាក់ឈ្មោះ សួង សុភ័ណ្ឌ អាយុ៣០ឆ្នាំត្រូវរងរបួសក្បាលដោយសារតែក្រុមសន្តិសុខព្រួតវាយ។
ជាមួយគ្នានេះក៏មានសេចក្តីរាយការណ៍ឲ្យដឹងផងដែរថា ស្របពេលដែលអាជ្ញាធរកំពុងឈូសបំផ្លាញផ្ទះប្រជាពលរដ្ឋនោះ ក៏មានប្រជាពលរដ្ឋអ្នកបឹងកក់មួយក្រុមទៀតបានទៅលុតជង្គង់ស្វែងរកអន្តរាគមន៍ពីស្ថានទូតប្រទេសបារាំងដែលនៅក្បែរនោះផងដែរ។
នេះគឺជាការប៉ះទង្គិចគ្នាជាថ្មីទៀតរវាងក្រុមអ្នកភូមិបឹងកក់ និងអាជ្ញាធរ ក្រោយពីនាយករដ្ឋមន្រ្តី ហ៊ុន សែន បានសម្រេចប្រគល់ដីចំនួន១២,៤៤ហិកតាដល់ក្រុមប្រជាពលរដ្ឋ និងក្រោយពីមានការតវ៉ាពីអំពើពុករលួយក្នុងការបែងចែកដីដោយអាជ្ញាធរដល់ប្រជាពលរដ្ឋអ្នកបឹងកក់នោះ៕
ពីគេហទំព័រ៖ សារព័ត៌មានសេរី
No comments:
Post a Comment
yes