យុវជនម្នាក់ត្រូវជនដៃដល់វាយ និងកាប់រហូតសន្លប់ដេកដួលនៅក្នុងថ្លុកឈាម ហើយត្រូវប្រជាពលរដ្ឋទូរស័ព្ទហៅរថយន្ដសាមុយមន្ទីរពេទ្យព្រះកុសុមៈដឹកយកទៅព្យាបាល ។ ហេតុការណ៍នេះកើតឡើងកាលពីវេលាម៉ោង៣រំលងអធ្រាត្រថ្ងៃទី៨ តុលា នៅខាងក្រោយសាកលវិទ្យាល័យមេគង្គកម្ពុជា តាមបណ្ដោយផ្លូវលំ ស្ថិតក្នុងភូមិត្រពាំងឈូក សង្កាត់ទឹកថ្លា ខណ្ឌសែនសុខ ។
ជនរងគ្រោះឈ្មោះយ៉ង់ ឆវ័ន្ដ អាយុ២០ឆ្នាំ រស់នៅផ្ទះលេខ៥៣ ផ្លូវលេខ២៧១ សង្កាត់ទឹកល្អក់ទី៣ ខណ្ឌទួលគោកបានឱ្យដឹងថា រូបគេជិះម៉ូតូគុបជ្រុង ពណ៌ទឹកប៊ិច ជាមួយមិត្ដភក្ដិ២នាក់ទៅអង្គុយលេងលើបង់ក្រោយសាកល វិទ្យាល័យមេគង្គកម្ពុជា ហើយស្រាប់តែត្រូវយុវជនមួយក្រុមប្រហែល៤ ទៅ៥នាក់ជិះម៉ូតូ២គ្រឿងឈប់ក្បែរ រួចដេញវាយ និងកាប់រូបគេបណ្ដាលឱ្យដេកដួលសន្លប់ក្នុងថ្លុកឈាម ។ ចំណែកមិត្ដភក្ដិរបស់គេនាំគ្នាជិះម៉ូតូគេចទៅបាត់មិនមានរងរបួសទេ ។ បង្កហេតុរួចជនដៃដល់គេចខ្លួនបាត់អស់ ។
ពីគេហទំព័រ៖ កោះសន្តិភាព
ជនរងគ្រោះកំពុងសម្រាកព្យាបាលនៅក្នុងមន្ទីរពេទ្យដោយរងរបួសរយះក្បាល កំភួនដៃ និងកដៃឆ្វេង ប៉ុន្ដែមិនមានសាច់ញាតិទៅមើលថែទាំទេ ៕
No comments:
Post a Comment
yes