សហរដ្ឋអាមេរិក អឺរ៉ុប និងអូស្ត្រាលី បានចេញផ្សាយនូវលក្ខខណ្ឌមួយដោយទាមទារឲ្យដោះលែងអ្នកទោសនយោបាយប្រហែល ២១០០នាក់ មុននឹងបណ្ដាប្រទេសទាំងនេះពិចារណាលើការលើកលែងការដាក់ទណ្ឌកម្មប្រឆាំងប្រទេសនេះ ដែលជាឆ្លើយតបទៅនឹងទង្វើរំលោភសិទ្ធិមនុស្ស។
សមាជិកសភាម្នាក់នៅក្នុងសភាភូមា ដែលបានចូលរួមក្នុងកិច្ចប្រជុំមួយកាលពីថ្ងៃសុក្រនៅរដ្ឋធានីណាយពិដាវនោះ បានប្រាប់រ៉យទ័រថា ការដោះលែងអ្នកទោសនយោបាយ អាចធ្វើឡើងនៅពីរបីថ្ងៃខាងមុខ។ សមាជិកសភារូបនោះនិយាយថា វាគឺជាសារផ្ដល់ឡើងដោយលោក ស្វេ ម៉ាន់ ប្រធានសភាជាន់ទាប។
លោក វិន ម៉្រា ប្រធានគណៈកម្មការសិទ្ធិមនុស្សជាតិភូមា បានសរសេរនៅក្នុងលិខិតចំហមួយចុះផ្សាយនៅថ្ងៃអង្គារនេះថា ក្រុមអ្នកទោសនយោបាយ ដែលមិនបានបង្ហាញការគំរាមកំហែងដល់ស្ថិរភាពរដ្ឋ និងសណ្ដាប់ធ្នាប់សាធារណៈនោះ គួរត្រូវបានគេដោះលែង។
ពីគេហទំព័រ៖ ភ្នំពេញប៉ុស្តិ៏
No comments:
Post a Comment
yes