នៅព្រឹកថ្ងៃចន្ទ ទី១០ ខែតុលា ឆ្នាំ២០១១ នេះនៅទីស្ដីការគណៈកម្មាធិាករជាតិគ្រប់គ្រងគ្រោះមហន្ដរាយបានរៀបចំធ្វើសន្និសីទសារព័ត៌មានក្រោមអធិបតីភាពរបស់ឯកឧត្ដម ញឹម វណ្ណដា អនុប្រធានទី១ នៃគណៈកម្មាធិការជាតិគ្រប់គ្រងគ្រោះមហន្ដរាយ ។
ឯកឧត្ដម ញឹម វណ្ណដា មានប្រសាសន៍ស្នើសុំឲ្យមន្ដ្រី ឬសមត្ថកិច្ចស្ថាប័នពាក់ព័ន្ធទាំងអស់ត្រូវបង្កើនការយកចិត្ដទុកដាក់ក្នុងការចុះជួយសង្គ្រោះប្រជាពលរដ្ឋក្នុងពេលទឹកជំនន់ឲ្យរួចផុតពីការស្លាប់បន្ដទៀតខណៈពេលដែលកម្ពុជាបានទទួលឯកភាពគ្នាបើកទ្វារទឹកមួយចំនួននៅខេត្ដបន្ទាយមានជ័យ តាមសំណើររបស់ប្រទេសថៃ ។
ឯកឧត្ដម ញឹម វណ្ណដា បានឲ្យដឹងទៀតថា ប្រទេសថៃក្នុងពេលនេះបានកំពុងរងគ្រោះធ្ងន់ធ្ងរនេះគ្រាន់តែទីក្រុងបាងកកមួយទឹកបានជន់ឡើងចាប់ពី១ម៉ែត្រ ដល់២ម៉ែត្រ ហេតុនេះអាងស្ដុកទឹកប្រទេសថៃចំនួន៣០មាន១០ត្រូវបានជន់លិចលង់នោះហេតុនេះប្រទេសថៃបានស្នើសុំប្រទេសកម្ពុជាបើកទ្វាទឹកបណ្ដោះទឹកចេញ។ ក្នុងពេលនេះកម្ពុជាគ្មានជម្រើសអ្វីក្រៅពីយល់ព្រមបើកទ្វាទឹកដើម្បីជួយសម្រួលដល់ប្រទេសជិតខាង ។
ឯកឧត្ដមអនុប្រធានទី១នៃគណៈកម្មាធិការជាតិគ្រប់គ្រងគ្រោះមហន្ដរាយ ញឹម វណ្ណដា បានគូសបញ្ជាក់ថា កម្ពុជាបានទទួលរងនៅការខូចខាត ដោយសារទឹកជំនន់ជនលិចប៉ុន្មានសប្ដាហ៍កន្លងមកនេះមានសាលារៀនចំនួន១០៥៣ខ្នង ត្រូវបានខូចខាត និងផ្ទះប្រជាពលរដ្ឋប្រមាណជាង១៨ម៉ឺនផ្ទះត្រូវបានទទួលរងនៅការប៉ះពាល់ធ្ងន់ធ្ងរក្នុងហេតុការណ៍នេះកម្ពុជា មានការកើនឡើងនៃចំនួនអ្នកស្លាប់២០៧នាក់គិតមកដល់ត្រឹមថ្ងៃ១០តុលានេះបូកនិងក្មេងប្រុសម្នាក់បានលង់ទឹកស្លាប់នៅរាជធានីភ្នំពេញម្នាក់ដែរ ។
ឯកឧត្ដមបញ្ជាក់ថា ការស្លាប់ចំនួន២០៧ នាក់គឺស្មើ ៥២% ភាគច្រើនគឺក្មេង ។ ទាក់ទងនិងការខូចខាតនេះឯកឧត្ដមបានលើកឡើងថា កម្ពុជាក្នុងឆ្នាំនេះនិងត្រូវចំណាយថវិការលើសពីឆ្នាំ២០០០រដ្ឋាភិបាលបានបញ្ជូនអង្ករចំនួន១៩០០តោនិងប្រាក់មួយចំនួនបញ្ចូនទៅតាមខេត្ដចំនួន១៦ លើកលែងតែរាជធានីភ្នំពេញចេញ និងក្នុងមួយខេត្ដៗត្រូវផ្ដល់ថវិការចំនួន២០០លានរៀល និងប្រាក់ឧបត្ថម្ភដល់អ្នកស្លាប់ម្នាក់ៗចំនួន២លានរៀល ៕
ពីគេហទំព័រ៖ វរជនខ្មែរ
No comments:
Post a Comment
yes