ប្រធានក្រុមប្រឹក្សាស្រុកសន្ទុកយកស្នាក់ការគណបក្សប្រជាជនប្រជុំសាមញ្ញ ក្រុមប្រឹក្សាស្រុក

  សមាជិកក្រុមប្រឹក្សាស្រុកសន្ទុក ខេត្តកំពង់ធំ ចំនួន៥រូបដែលមកពីគណបក្សសម រង្ស៊ី បានធ្វើ

ពហិកាមិនចូលរួមប្រជុំសាមញ្ញរបស់ក្រុមប្រឹក្សាលើកទី៣០ របស់ប្រធានក្រុមប្រឹក្សាឃុំសន្ទុក

ខេត្តកំពង់ធំ ដែលនិងប្រព្រឹត្តទៅនៅថ្ងៃទី០៤វិច្ឆិកា ស្អែកនេះ។ នេះបើយោងតាមសេចក្តីថ្លែង

ការណ៍របស់គណបក្ស សម រង្ស៊ី ដែលចេញផ្សាយនៅថ្ងៃទី០៣ វិច្ឆិកា នេះ។

 នៅក្នុងសេចក្តីថ្លែងការណ៍របស់គណបក្ស សម រង្ស៊ី បានលើកឡើងថា ការមិនចូលរួមប្រជុំរបស់

សមាជិកក្រុមប្រឹក្សាស្រុកសន្ទុក គណបក្ស សម រង្ស៊ី ដោយសារតែលោក សុក ឈាង ប្រធានក្រុម

ប្រឹក្សាស្រុកសន្ទុក បានយកសាលប្រជុំទីស្នាក់ការគណបក្ស ប្រជាជនកម្ពុជា ស្រុកសម្រាប់កិច្ច

ប្រជុំសាមញ្ញរបស់ក្រុមប្រឹក្សាស្រុក។

 លោក ជុំ សាន សមាជិកក្រុមប្រឹក្សាស្រុកសន្ទុកគណបក្ស សម រង្ស៊ី បានអោយដឹងថា “ការដែល

ពួកគាត់មិនចូលរួមប្រជុំដោយសារតែប្រធានក្រុមប្រឹក្សាស្រុកសន្ទុកយកកន្លែងប្រជុំនៅក្នុង

គណបក្ស ប្រជាជនកម្ពុជា ហេតុដូច្នេះហើយពួកគាត់មិនអាចចូលរួមប្រជុំបានទេ ហើយពួកគាត់

ជាសមាជិកគណបក្សសម រង្ស៊ី មិនអាចចូលទៅជ្រកក្រោមស្លាកគណបក្ស ប្រជាជន ទេ”។

 លោក ជុំ សាន បានបន្តថា សមាជិកក្រុមប្រឹក្សាគណបក្ស សម រង្ស៊ី បានស្នើអោយប្រធានក្រុម

ប្រឹក្សាស្រុកសន្ទុក ប្តូរទីតាំងប្រជុំកុំយកទីស្នាក់ការគណបក្ស ប្រជាជន ប្រជុំ ដោយយកទីតាំង

អាគារសាធារណៈប្រជុំ ដូចជានៅទីវត្តអារាម និងសាលារៀន។

 ជាមួយគ្នានេះអគ្គលេខាធិការគណបក្ស សម រង្ស៊ី ក៍បានស្នើអោយក្រសួងមហាផ្ទៃចាត់វិធានការ

ជាបន្ទាន់ ចំពោះទង្វើរបស់លោក សុក ឈាង ប្រធានក្រុមប្រឹក្សាស្រុកសន្ទុក ដែលបានយកសាល

ប្រជុំគណបក្ស ប្រជាជនកម្ពុជាស្រុក សម្រាប់កិច្ចប្រជុំសាមញ្ញរបស់ក្រុមប្រឹក្សាស្រុក ដើម្បីកុំអោយ

កើតមានជាបន្តទៀត។

 ចំណែក សុក ឈាង ប្រធានក្រុមប្រឹក្សាស្រុកសន្ទុក បានអោយដឹងថា ការយកស្នាក់ការគណបក្ស

 ប្រជាជនកម្ពុជា ប្រជុំនៅថ្ងៃស្អែក(៤ វិច្ឆិកា)គឺដោយសារតែទឹកលិច ហើយបើសុខចិត្តឈរប្រជុំក្នុង

ទឹកទាំងអស់គ្នាប្រជុំទៅ។ ដោយលោកបានបញ្ឆាក់ថា “មិនមានច្បាប់ត្រង់ណាហាមឃាត់ទេ ហើយ

សាលារៀនមានសិស្សរៀន ហើយប្រជុំក្នុងគណបក្សប្រជាជន វាខុសស្អី”។ 

 កិច្ចប្រជុំសាមញ្ញរបស់ក្រុមប្រឹក្សាស្រុកសន្ទុកលើកទី៣០ ដែលប្រព្រឹត្តទៅនៅសាលប្រជុំគណបក្ស 

ប្រជាជនកម្ពុចាស្រុកនាថ្ងៃទី០៤ វិច្ឆិកា ស្អែកនេះមានរបៀបវារៈដូចជា ការពិនិត្យ ពិភាក្សា និង

អនុម័តកំណត់ហេតុប្រជុំលើកទី២៩ ប្រកាសផ្លាស់ប្តូរសមាជិកក្រុមប្រឹក្សាស្រុកថ្មី របាយការណ៍

ខែតុលារបស់អភិបាលស្រុក និងបញ្ហាផ្សេងៗ៕