ខ្មែរកម្ពុជាក្រោមគ្រោងដាក់ញ្ញត្តិទៅស្ថានទូតវៀតណាមសារជាថ្មីស្របពេល អគ្គលេខាបក្សវៀតណាមមកកម្ពុជា

​មេដឹកនាំអង្គការ សមាគមខ្មែរកម្ពុជាបានធ្វើការជួបប្រជុំគ្នានៅរសៀលថ្ងៃទី០៥ ខែធ្នូ នៅក្នុងវត្ត

អង្គតាមិញ ដោយបានផ្តោតទៅលើដំណើរទស្សនៈកិច្ចរបស់អ្នករាយការណ៍ពិសេសអង្គការសហ

ប្រជាជាតិទទួលបន្ទុកសិទ្ធិមនុស្សប្រចាំនៅកម្ពុជាលោក ស៊ូរីយ៉ា ស៊ូប៊ែឌី មកកាន់កម្ពុជានិងការដាក់

ញ្ញត្តិសារជាថ្មីទៅស្ថានវៀតណាមប្រចាំកម្ពុជាទាក់ទងទៅនិងការរំលោភសិទ្ធិមនុស្សខ្មែរកម្ពុជា

ក្រោម រួមទាំងបញ្ហាមួយចំនួនទៀត។

​ប្រធានបណ្តាញយុវជនខ្មែរកម្ពុជាក្រោមលោក សឺន ជុំជួន បានមានប្រសាសន៍អោយដឹងថា ការ

ពិភាក្សារបស់អង្គការ សមាគមខ្មែរកម្ពុជាក្រោមគឺផ្តោតទៅលើការមកទស្សនៈកិច្ចរបស់អ្នក

រាយការណ៍ពិសេសអង្គការសហប្រជាជាតិមកកម្ពុជា ដើម្បីរៀបចំរបាយការណ៍ដាក់ទៅអង្គការ

សហប្រជាជាតិតាមរយៈអ្នករាយការណាពិសេស ដោយរបាយការណ៍នោះទាក់ទងទៅនិងស្ថាន

ភាពរស់នៅរបស់ខ្មែរកម្ពុជាក្រោមនៅកម្ពុជាក្រោម។ ហើយនិងដាក់របាយការណ៍សារជាថ្មីទៅស្ថាន

ទូតវៀតណាមម្តងទៀត ដោយអនុវត្តនៅក្នុងសប្តាហ៍នេះ។ហើយចំពោះការដាក់លិខិតទៅទូត

វៀតណាម គឺអង្គការសមាគមខ្មែរកម្ពុជានិងផ្តល់ព័ត៍មានទៅអង្គការសហប្រជាជាតិអោយគេបាន

ដឹងរួចទើបយកលិខិតទៅដាក់ដើម្បីអោយគេជួយអន្តរាគមន៍ពីក្រោយ ហើយការដាក់នេះគឺអោយ

បានទាន់ទៅនិងដំណើរទស្សនៈកិច្ចរបស់អគ្គលេខាធិការបក្សវៀតណាមមកកម្ពុជាហើយនៅពេល

លិខិតធ្វើហើយនិងដាក់ទៅស្ថានទូតវៀតណាមនៅថ្ងៃទី៧ ខែធ្នូ។ ទាក់ទងលិខិតដាក់ទៅស្ថានទូត

វៀតណាម គឺនិយាយអំពីស្ថានភាពរបស់ខ្មែរកម្ពុជាក្រោម ។

​ប្រធានបណ្តាញយុវជនខ្មែរកម្ពុជាក្រោមបានបន្តអោយដឹងទៀតថាទាក់ទងទៅនិងទិវាសិទ្ធិមនុស្ស

អន្តរជាតិថ្ងៃទី១០ ខែធ្នូ សម្រេចធ្វើនៅខេត្តចំនួន៣គឺនៅខេត្តកណ្តាល កំពង់ស្ពឺ និងបាត់ដំបង

ដោយសមាគមខ្មែរកម្ពុជាក្រោមដើម្បីសិទ្ធិមនុស្ស និងអភិវឌ្ឍន៍ជាអ្នករៀបចំ។

​លោក សឺន ជុំជួន បានបន្តថា មានផែនការធ្វើសន្និបាតរួមមួយរបស់អង្គការសមាគមខ្មែរកម្ពុជា

ក្រោមរយៈពេល១ថ្ងៃ នាដើមឆ្នាំ២០១២ ដើម្បីបូកសរុបលទ្ធផលការងារ ហើយនិងមានផែនការ

សម្រាប់ឆ្នាំ២០១២៕