ឆៃ លីដាឡែន ប្រកាសរកប្តី លើទឹកដីអាមេរិក

 ភ្នំពេញៈ បន្ទាប់ពីកញ្ញា ឆៃ លីដាឡែន បានទទួលរង នូវការបែកបាក់ស្នេហា ជាមួយបុរស កំពូល ស្នេហ៍ អេឡិច ចិត្រា ដែលធ្លាប់តែផ្អែមល្ហែមជាមួយគ្នានោះ ឥឡូវ នេះ តារាស៊ិចស៊ី ឆៃ លីដាឡែន បានកំពុងតែប្រកាស រកអ្នកស្អំបេះដូងយ៉ាងបើកចំហ នៅលើទឹកដីអាមេរិក ហើយថែមទាំងនិយាយ ថា បើខ្លួន ទទួលបានជោគជ័យ និងមិន ត្រឡប់មកមាតុភូមិកំណើតវិញទេ។

បើយោងតាមវីដេអូ youtube ដែលមានរយៈពេលជាង ១២នាទី ដែល ឆៃ លីដាឡែន បាននិយាយ នៅឯនាយសមុទ្រ បានឲ្យដឹងថា នាងកំពុងតែស្វះស្វែង រកម្ចាស់ចិត្ត ដែល អាចហៅម្យ៉ាង ទៀត ថា រកស្វាមីដើម្បីឲ្យខ្លួនគេ បានរស់នៅសហរដ្ឋអាមេរិក រួមទាំងមានជីវភាពធូធារ និងហ៊ីហាថែម ទៀត ផង។ សម្តីរបស់ ឆៃលី ដាឡែន បាននិយាយបែបលេងបន្លំមែនថា " ខ្ញុំខំជិះយន្តហោះពីប្រទេសខ្មែរ មកដល់អាមេរិកទី១ គឺដើម្បីច្រៀង និងសម្តែងជូនដល់បងប្អូនខ្មែរ ដែលរស់នៅទីនោះ ហើយមួយ ទៀតគឺដើម្បីរកម្ចាស់បេះដូងនៅទីនោះផង”។ យ៉ាងណាក៏ដោយ ភាពប្លែកភ្នែកមួយទៀត ត្រូវបាន គេសង្កេតឃើញថា ឆៃ លីដាឡែន បានកែសម្រស់ដើមទ្រូងឲ្យ កាន់តែធំ ដើម្បីទាក់ទាញ ចិត្តបុរស អាមេរិក។

វីដេអូដដែល បានឲ្យដឹងទៀតថា នៅពេលដែលមានបងប្អូនខ្មែរ នៅទីនោះ សួរពីការវិលត្រឡប់ មក ប្រទេសខ្មែរវិញ ដាឡែន បានប្រាប់ថា គម្រោងដែលនាងសម្រេច មកប្រទេសកម្ពុជាវិញ គឺនៅថ្ងៃ ទី២៥ ខែកុម្ភៈ ប៉ុន្តែនាងបែរជាបង្ហើបប្រាប់ថា នាងមិនចង់ត្រឡប់មកខ្មែរវិញទេ ប្រសិនរក បានម្ចាស់ ស្នេហ៍នៅទីនោះ តែបើរកមិនបាន នាងប្រហែលជាត្រឡប់មកវិញ ជាមួយនិងភាពខកចិត្តមិនខាន។

បើទោះបីជា កញ្ញា ឆៃ លីដាឡែន នាពេលកន្លងមកនាង ធ្លាប់ជួបស្នេហាមិនសមបំណង ដោយសម្រេចចិត្តដើរផ្លូវផ្សេងគ្នា ជាមួយអតីតគូរស្នេហ៍ ដែលគេស្គាល់ថាជា បុរសរូបសង្ហា អេឡិច ចិត្រា ដោយសារតែ មិនអាចផ្សះផ្សាគ្នាបាន ដោយសារមានអ្នកទី៣ ចូលជ្រៀតជ្រែក។

អ្នកតាមដាន ក្នុងវិស័យសិល្បៈ បាននាំគ្នានិយាយថា ការបែកបាក់នេះ គឺដោយសារតែមានកញ្ញា គឹម លីហ្សា បានជ្រៀតចូល។ ហើយកាលពីដើមខែ កក្កដា ឆ្នាំ ២០១១ ឆៃ លីដាឡែន និង គឹម លីហ្សា ក៏បានមានទំនាស់ ពាក្យសម្តីគ្នា មួយប្រាវ ខណៈដែល អ្នកទាំង៣ ធ្វើដំណើរទៅ សម្តែងនៅ ខេត្ត សៀមរាប ដោយ លោក អេឡិច ច័ន្ទត្រា យកចិត្តទុកដាក់ និងស្និទ្ធស្នាល ជាមួយ លីហ្សា ជាងកញ្ញា ឆាយលី ដាឡែន ទៅទៀត ដូចនេះហើយ ទើបធ្វើឲ្យមាន ភ្លើងប្រច័ណ្ឌ កើតឡើង ។ ជាង នេះទៅ ទៀត នៅរយៈពេលចុងក្រោយនេះ គេសង្កេតឃើញថា អេឡិច ចិត្រា និង គឹម លីហ្សា គឺជាដៃគូ ដ៏ សក្តិសមមួយ នៅពេលដែលគេទាំងពីរ ឡើងឆាកសម្តែងរួម គ្នាមិនដែលដាច់៕

DAP-NEWS