គិតមកដល់ពេលនេះមានអ្នកស្លាប់ ដោយអំពើហិង្សានៅស៊ីរីចាប់តាំងពីការ ក្រោកឡើងបះបោរប្រឆាំងនឹងរដ្ឋាភិ បាលលោក បាសា អាល់អាសាដ កើន ឡើងជាង១២ពាន់នាក់ក្នុងរយៈពេល១៤ខែកន្លងមក ។
អង្គការសិទ្ធិមនុស្សស៊ីរីដែលមានទីតាំង នៅប្រទេសអង់គ្លេសបានឱ្យដឹងថា នៅថ្ងៃ ទី២៥ខែឧសភា មានពលរដ្ឋស៊ីរីរហូត ដល់៧០នាក់បាត់បង់ជីវិត ។ ក្នុងចំណោម ជនរងគ្រោះទាំងនោះមានពលរដ្ឋស្លូត ត្រង់៥០នាក់ កុមារ១៣នាក់ ហើយអ្នក ទាំងនោះស្លាប់ដោយសារការវាយប្រហារ ស្ថិតនៅទីក្រុងហូម ។
អំពើហិង្សាកាន់តែខ្លាំងឡើងពីមួយថ្ងៃ ទៅមួយថ្ងៃនិងនៅក្នុងពេលដែលឧបការី សម្ពន្ធអារ៉ាប់និងអង្គការសហប្រជាជាតិ លោក កូហ្វី អាណាន់ បានត្រៀមលក្ខណៈ វិលត្រឡប់ទៅកាន់ស៊ីរីវិញនៅសប្ដាហ៍ ខាងមុខ ដើម្បីស្វែងរកដំណោះស្រាយ ដោយសន្ដិភាពដល់វិបត្ដិដែលអូសបន្លាយ រយៈពេលយូរនោះ ។
របាយការណ៍ថ្មីមួយរបស់អង្គការសហ ប្រជាជាតិដែលបានផ្សព្វផ្សាយកាលពី ថ្ងៃទី២៥ខែឧសភា បញ្ជាក់ថា វិបត្ដិនៅ ក្នុងប្រទេសស៊ីរីកាន់តែធ្ងន់ធ្ងរពីមួយថ្ងៃ ទៅមួយថ្ងៃ ជះឥទ្ធិពលដោយផ្ទាល់ដល់ សកម្មភាពមនុស្សធម៌ ក៏ដូចជាបំពានសិទ្ធិមនុស្សយ៉ាងខ្លាំង ។ តាមគម្រោង ស្ថានភាពនៅក្នុងប្រទេសស៊ីរីនឹងលើក មកពិភាក្សាក្នុងកិច្ចប្រជុំក្រុមប្រឹក្សាសន្ដិ សុខអង្គការសហប្រជាជាតិនៅសប្ដាហ៍ខាងមុខ ។
ក្រសួងការបរទេសអាល្លឺម៉ង់ក៏បាន កោះហៅរដ្ឋទូតស៊ីរីប្រចាំនៅទីក្រុង បែកឡាំងដើម្បីសម្ដែងការព្រួយបារម្ភពី ស្ថានភាពអាក្រក់ដែលកំពុងតែកើតឡើង នៅក្នុងប្រទេសនោះ ។ ទន្ទឹមនឹងនោះ រដ្ឋាភិបាលអាល្លឺម៉ង់បានជំរុញឱ្យភាគី ពាក់ព័ន្ធនៅក្នុងប្រទេសស៊ីរីអនុវត្ដនូវ គម្រោងសន្ដិភាពដែលលើកឡើងដោយ អង្គការសហប្រជាជាតិ ។
ពលដ្ឋជាង១២ពាន់នាក់បាត់បង់នៅ ស៊ីរីក្នុងរយៈពេល១៤ខែកន្លងមក ក្នុង នោះមាន១.៤០០នាក់បាត់បង់ជីវិតចាប់ តាំងច្បាប់ឈប់បាញ់ដែលលើកឡើង ដោយលោក កូហ្វី អាណាន់ ចូលជាធរ មានកាលពីខែមេសាកន្លងមក ៕
No comments:
Post a Comment
yes