លោក កឹម សុខា និងលោក សម រង្ស៊ី ក្នុងសន្និសីទកាសែតកាល
ពីពេលកន្លងទៅ
គណបក្សប្រឆាំងពីរ នៅក្នុងប្រទេសកម្ពុជាដែលបានប្រកាសជាសារធារណៈថា និងចរចារពិភាក្សា
ច្របាច់បញ្ជូលគ្នាជាសម្លេងតែមួយ នៅបន្ទាប់ពីការបោះឆ្នោតជើសរើសក្រុមប្រឹក្សាឃុំ-សង្កាត់
អាណត្តិទី៣បានបញ្ចប់ និងធ្វើនៅពាក់កណ្តាលខែកក្កដា ឆ្នាំ២០១២នេះ នៅទីក្រុងម៉ានីល
ប្រទេសហ្វីលីពីន ។
សូមជំរាបថារហូតមកដល់ពេលនេះទាំងគណបក្ស សម រង្ស៊ី និងគណបក្ស សិទ្ធិមនុស្ស
បានធ្វើ ការត្រៀមខ្លួន និងរៀបចំគណបក្សប្រតិភូរបស់គណបក្សរៀងៗខ្លួនរួចជាស្រាច់ហើយ
ដើម្បីចូលរួមប្រជុំពិភាក្សានិងចរចារគ្នានៅទីក្រុងម៉ានីល ដែលមានវត្តមានរបស់លោក សម
រង្ស៊ី ប្រធាន គណបក្ស សម រង្ស៊ី ចាំនៅទីនោះរួចជាស្រេច ។
ដំណើរណាត់ជួបគ្នានៅប្រទេសហ្វីលីពីន នៅថ្ងៃទី១៦និង១៧ ខែកក្កដា ឆ្នាំ២០១២នេះ
គោលបំ ណងធំតែមួយគត់គឺដើម្បីស្វែងរកលទ្ធភាពក្នុងការបង្រួបបង្រួមគណបក្សនយោបាយប្រជាធិបតេយ្យទាំងពីរ
ជាគណបក្សតែមួយ ។
ជាមួយគ្នានោះ ក្រុមអ្នកតាមដានស្ថានការណ៏នយោបាយបានលើកឡើងថា មានតែការរួមបញ្ចូលគ្នាជាកម្លាំងតែមួយទេ
ទើបអាចធ្វើការផ្លាស់ប្តូរអំណាចដឹកនាំប្រទេសនាពេលបច្ចុប្បន្ននេះបាន ហើយអំណាចដែលគ្រប់គ្រងដោយគណបក្សប្រជាជននាពេលចប្ចុប្បន្ន
គឺត្រូវបានគេរិះគន់ថា បានធ្វើឲ្យប្រជាពលរដ្ឋខ្មែរកំពុងរងគ្រោះយ៉ាងធ្ងន់ធ្ងរ
គឺមានដូចជា មានការកើតមានអំពើពុករលួយយ៉ាងពេញបន្ទុក មេដឹកនាំខ្វះសមត្ថភាព
និងឆន្ទះក្នុងការលើកកំពស់កំរិតជីវភាពរស់នៅរបស់ប្រជាពលរដ្ឋជាដើម ។
ចំណែកឯក្រុមអ្នកវិភាគវិញបានលើកឡើងថា គណបក្សប្រជាជនដែលដឹកនាំប្រទេសនាពេល
បច្ចុប្បន្នក្រោមការគ្រប់គ្រងរបស់លោក ហ៊ុន សែន
ក៏កំពុងតែដឹកនាំប្រទេសធ្វើឲ្យបាត់បង់នូវបូរ ណៈភាពទឹកដីទាំងខាងលិច និងខាងកើត ។
ហេតុដូចនេះហើយបានជាប្រជាពលរដ្ឋទាមទារឲ្យមានការផ្លាស់ប្តូររបៀបដឹកនាំ
និងមេដឹកនាំដើម្បីស្រោចស្រង់ប្រទេសជាតិរបស់យើង និងដើម្បីកែប្រែមុខមាត់ប្រជាពលរដ្ឋ
ក៏ដូចជាដើម្បីភាពគង់វង្សនៃទឹកដីខ្មែរ ទើបដាច់ខាតត្រូវតែ មានការបង្រួបបង្រួមគ្នា រវាងគណបក្សប្រជាធិបតេយ្យទាំងពីរគឺគណបក្ស
សម រង្ស៊ី និងគណបក្សសិទ្ធិមនុស្ស ។
សូមជំរាបជូនផងដែរថា
បើយោងទៅតាមលទ្ធផលបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៣
ដែលទើបតែកន្លងផុតទៅមួយខែជាងនេះ សម្លេងរបស់គណបក្សប្រឆាំងទាំងពីរ គឺ
ទទួលបានចំនួនជិត២លាននាក់ដែលបានគេចផុតពីការទិញដូរ និងលួចបន្លំពីគណកប្សកាន់អំ ណាច
រីឯគណបក្សប្រជាជនវិញគឺទទួលបានចំនួនប្រមាណ៣លាននាក់ប៉ុណ្ណោះ ស្របពេលដែលប្រជាពលរដ្ឋ បានទៅបោះឆ្នោតមានចំនួនតែ៦០ភាគរយនោះ
។
អ្នកវិភាគបានលើកឡើងថា បើទោះបីជាសម្លេងរបស់គណបក្សប្រឆាំងទី២ រួមបញ្ចូលគ្នាទៅនៅ
តែតិចជាងគណបក្សកាន់អំណាចក៏ដោយ ក៏ប៉ុន្តែប្រសិនបើគណបក្សប្រឆាំងទាំងពីរនេះរួមបញ្ចូលគ្នាជាកម្លាំងប្រជាធិបតេយ្យតែមួយ
នោះនិងអាចធ្វើការអូសទាញអ្នកគាំទ្របានកាន់តែ ច្រើនជាងនេះ
ពិតណាស់នៅពេលបោះឆ្នោតថ្នាក់ជាតិឆ្នាំ២០១៣ខាងមុខនេះ និងអាចធ្វើការផ្លាស់ប្តូរអ្នកដឹកនាំបានជាក់ជាមិនខាន
។
ទាក់ទងទៅនិងការរួមបញ្ចូលគ្នាជាសម្លេងតែមួយ រវាងគណបក្សប្រជាធិបតេយ្យទាំងពីរ លោក
គង់ គាំ ប្រធានស្តីទីរបស់គណបក្ស សម រង្ស៊ី បានមានប្រសាសន៏ប្រាប់ឲ្យដឹងថា ការរួបរួមរវាងអ្នកប្រជាធិបតេយ្យពិតជាមានសារសំខាន់ខ្លាំងណាស់
ព្រោះកម្លាំងនិងសន្ទុះនៃការគាំទ្រ បន្ទាប់ពីមានការបោះឆ្នោតឃុំ-សង្កាត់រួចមកបញ្ជាក់ឲ្យឃើញថា
ជាផ្លូវមួយអាចឲ្យអ្នកប្រជាធិបតេយ្យ ទទួលបានជោគជ័យលើគណបក្សកាន់អំណាចបាន
នៅពេលបោះឆ្នោតថ្នាក់ជាតិខាងមុខនេះ ។
លោក គង់ គាំ បានបញ្ជាក់ថាជាតិត្រូវការយើង ដូច្នេះអ្នកប្រជាធិបតេយ្យត្រូវតែរួបរួមជាមួយគ្នាដើម្បីបញ្ចប់អំណាចផ្តាប់ការនៅកម្ពុជា
។ លោក គង់ គាំ បានបន្តរថា យើងបានឃើញហើយ រដ្ឋាភិបាលសព្វថ្ងៃ គឺគេមិនបានគិតគូប្រជាពលរដ្ឋខ្លួនជាធំនោះទេ
គឺគេគិតតែពីអំណាច និងបក្ខពួករបស់គេ ។ លោក គង់ គាំ បានជំរាបជូនទៀតផងដែរថា សេចក្តីទុក្ខលំបាករបស់ប្រជាពលរដ្ឋខ្មែររាប់សិបឆ្នាំមកនេះ សមល្មមដល់ពេលត្រូវតែបញ្ចប់នៅឆ្នាំ២០១៣នេះហើយ។ ពីព្រោះប្រជាពលរដ្ឋខ្មែរ ធ្លាប់ទទួលរងការជិះជាន់ ធ្វើបាបការបណ្តេញចេញទាំងបង្ខំ ដើម្បីរំលោភយកដីធ្លី ការកើតមានសង្គ្រាមរាំរ៉ៃ ការរស់នៅក្រោមឥទ្ធិពលគ្រប់គ្រងរបស់បរទេសឈ្លានពាន
និងការទទួលរងភាពអយុត្តិធម៌ ដោយសារប្រព័ន្ធតុលាការ ។
លោក គង់ គាំ បានបញ្ជាក់ជាចុងក្រោយថា
ដូចនេះអ្វីដែលបានរៀបរាប់ទាំងអស់មកខាងលើនេះ សមល្មមឲ្យអ្នកស្នេហាជាតិទាំងអស់ត្រូវងាក
និងតំកល់ទុកផលប្រយោជន៏របស់ប្រជាពលរដ្ឋ និងផលប្រយោជន៏របស់ជាតិជាធំ
ហើយរួមកម្លាំងគ្នាដើម្បីយកឈ្នះ លើរបបគ្រប់គ្រងសពថ្ងៃ ហើយ នៅថ្ងៃទី២៨ ខែកក្កដា
ឆ្នាំ២០១៣ ត្រូវតែជាថ្ងៃដែលកម្ពុជាមានការផ្លាស់ប្តូរយ៉ាងធំដែលមិនធ្លាប់មាននៅក្នុងប្រវត្តិសាស្រ្ត
ប្រជាពលរដ្ឋនិងធ្វើការផ្លាស់ប្តូរមេដឹកនាំចាស់ ដោយជ្រើសរើសយករដ្ឋាភិបាលថ្មី
ដែលកើតចេញពីគណបក្សប្រជាធិបតេយ្យដែលមានឧត្តមគតិស្រលាញ់ប្រជារាស្រ្ត និង
ប្រទេសជាតិ ហើយមានឆន្ទះដឹកនាំប្រទេសជាតិឲ្យមានការរីកចំរើនពិតប្រាកដ ។
សូមជំរាបថា ហេតុដូចនេះហើយបានជាគណបក្ស សម រង្ស៊ី ធ្វើការអំពាវនាវម្តងហើយម្តងទៀត
ឲ្យអ្នកប្រជាធិបតេយ្យទាំងអស់ចូលរួមជាមួយនិងគណបក្ស សម រង្ស៊ី
ដើម្បីធ្វើការសង្គ្រោះប្រជាពលរដ្ឋ និងប្រទេសកម្ពុជារបស់យើងពីគណបក្សកាន់អំណាច ។
ហើយការទន្ទឹងរងចាំក៏បានមកដល់ហើយផងដែរនៅថ្ងៃទី១៦ និងថ្ងៃ១៧ ខែកក្កដា ឆ្នាំ២០១២
ខាងមុខនេះ ដែលគណប្រតិភូរបស់គណបក្សប្រឆាំងទាំងពីរ និងទៅជួបគ្នានៅប្រទេសភីលីពីន
ដើម្បីបើកការចរចារ លើការបង្រួមបង្រួមអ្នកប្រជាធិបតេយ្យ ជាពិសេសគឺការច្របាច់បញ្ចូលគ្នាជាសម្លេងតែមួយ
រវាងគណបក្សប្រឆាំងទាំងពីរនេះ ៕
គណបក្សទាំងពីររួបរួមគ្នាឥតមានប្រែប្រួលជាសញ្ញាល្អមួយក្នុងសម្ពនភាផ្នែកលទ្ធិប្រជាធិបតេយ្យនៅកម្ពុជា
ReplyDeleteបើគណបក្សទាំងពីរគិតពីផលប្រយោជន៍លទ្ធិប្រជាធិបតេយ្យធំជាងផលប្រយោជន៍បក្សរៀងៗខ្លួន នឹងនាំឲ្យសម្ពន្ធភាពស្ថិតស្ថេរយូរអង្វែង ហើយឈានទៅរកជ័យជំនះនៅថ្ងៃអនាគតទៀតផង៕ បើតាមការពិនិត្យមើលការគាំទ្ររបស់ប្រជាពលរដ្ឋកម្ពុជា បង្ហាញថា គណបក្សទាំងពីររួបរួមគ្នាជារឿងសំខាន់ក្នុងការប្រជែងយកឈ្នះគណបក្សកាន់អំណាច។ មានបក្សនយោបាយសំខាន់តែពីរប៉ុណ្ណោះ នៅកម្ពុជា បើគណបក្សសិទ្ធិមនុស្ស និងគណបក្ស សម រង្ស៊ី រួមគ្នា នឹងក្លាយជាគណបក្សធំមួយ។
គណបក្សសិទ្ធិមនុស្សមានគោលដៅស្របគ្នានឹងគណបក្ស សម រង្ស៊ី ដោយរួបរួមគ្នា គិតពីផលប្រយោជន៍លទ្ធិប្រជាធិបតេយ្យធំជាងផលប្រយោជន៍បក្សរៀងៗខ្លួន ដើម្បីឲ្យមានការផ្លាស់ប្ដូរ ឲ្យប្ដូររដ្ឋាភិបាលនៅឆ្នាំ២០១៣។ លទ្ធិប្រជាធិបតេយ្យ មានបក្សនយោបាយសំខាន់តែពីរប៉ុណ្ណោះ នៅកម្ពុជា បើគណបក្សសិទ្ធិមនុស្ស និងគណបក្ស សម រង្ស៊ី រួមគ្នា នឹងក្លាយជាគណបក្សធំមួយ។